牛記咖喱美食

呢間店本來係十月初五街做街坊生意的舖頭，之前一直係我既飯堂，味道好，唔算貴，食得飽。

但係佢出左名之後，起價、多左遊客要等位、份量少左等等，因為1個月內有兩次食到毛髮，而且餸菜少到食剩曬D白飯，食唔飽，所以我而家少左去，但係今天心血來潮，寫開食評，就寫埋呢間我過往的愛，俾大家參考

首先，佢既咖哩絕對係雷，超辣，辣到你食唔出食物本身的味道，所以建議一般人唔好點

十月初五街，這裡臥虎藏龍，而牛記位於街頭，係簡單一間舖頭仔，三四十蚊都可以食到米芝蓮級的美味，有幾個月我幾乎日日都去食，日日食唔厭，所以一定係非常好味又唔貴的舖頭，特別推薦佢既牛腩，牛尾，羊腩，花雕雞，豬手都超正，中意食肉可以食豬手，勁厚肉！份量大

羊腩

花雕雞

牛腩有分普通牛腩同清湯牛腩，清湯牛腩其實就係爽腩，唔輸香港九記。