15
2
0
等级4
224
2
2017-04-24 2263 浏览
《一次生,两次熟》最岩就系用黎形容我地同《皇雀》之间既关系,第一次我地好多野傻猪猪,连有免费水都唔知,比钱叫左支水饮,到今次我地除左有免费水饮仲有埋9折添!CP值大幅提高!其实9折好易有!只要你去威尼斯赌场入面申请做金莎会会员就得,免费嫁,够21岁入去就可以!因为呢间系米芝莲餐厅,赖生爲左尊重场合,专诚研究左一下餐桌礼仪!首先,唔好自己拉櫈坐,要等Waiter帮你,跟住连餐巾都唔好掂,佢地会帮你嫁啦,之後佢就会比drink menu你,通常有mineral water同sparkling water,但都要钱嫁,只要你话唔驶佢就会比普通水你(免费既) (屈小姐就无理咁多,一心净系等野食炸)之後,当你落左order叫野食,仲会有个免费脆饼篮拎黎比你食住等嫁啦!因为所有野都即叫即煮,大约要30分钟嫁!当日我地叫左2个前菜,2个main同3份naan,班waiters就好紧张(因为有1个main 同naan系後加既⋯),佢地劲惊我地觉得佢地服务唔好,又或者啲野有问题,其实系我地大食者,我地见其他枱一般叫1个main同2份naan share嫁咋!所以佢地好惊我地食唔晒!咪傻啦,有赖生系度麻!
更多
《一次生,两次熟》最岩就系用黎形容我地同《皇雀》之间既关系
,第一次我地好多野傻猪猪,连有免费水都唔知,比钱叫左支水饮,到今次我地除左有免费水饮仲有埋9折添
!CP值大幅提高!

其实9折好易有!只要你去威尼斯赌场入面申请做金莎会会员就得,免费嫁,够21岁入去就可以!


因为呢间系米芝莲餐厅,赖生爲左尊重场合,专诚研究左一下餐桌礼仪!首先,唔好自己拉櫈坐,要等Waiter帮你,跟住连餐巾都唔好掂,佢地会帮你嫁啦,之後佢就会比drink menu你,通常有mineral water同sparkling water,但都要钱嫁,只要你话唔驶佢就会比普通水你(免费既)
 (屈小姐就无理咁多,一心净系等野食炸
)

之後,当你落左order叫野食,仲会有个免费脆饼篮拎黎比你食住等嫁啦!因为所有野都即叫即煮,大约要30分钟嫁


当日我地叫左2个前菜,2个main同3份naan,班waiters就好紧张(因为有1个main 同naan系後加既⋯),佢地劲惊我地觉得佢地服务唔好,又或者啲野有问题,其实系我地大食者
,我地见其他枱一般叫1个main同2份naan share嫁咋!所以佢地好惊我地食唔晒


咪傻啦,有赖生系度麻
免费面包篮
40 浏览
2 赞好
0 留言
1)免费脆饼篮:⭐️⭐️⭐️⭐️


只要一落完order就会送,每次都唔同款既脆饼,今次果几只系条状爲主,好脆!点上啡黑色个酱甜甜地几好食!
印度烤鳕鱼配秘制芒果酸辣酱
$148
56 浏览
1 赞好
0 留言
2)印香烧鳕鱼伴秘制芒果酸辣酱:⭐️⭐️⭐️⭐️⭐️

《皇雀》拎米芝莲其中一个原因系佢既摆盘呀
,好靓又吸引到你既食慾


鱼肉好实净唔会散嫁!鳕鱼味好出,配埋秘制芒果酸辣酱,酸酸甜甜又微辣,开胃又好味!
烤黑胡椒有机蜂蜜羊肉串
$108
54 浏览
0 赞好
0 留言
3) 烤黑胡椒有机蜂蜜羊肉串:⭐️⭐️⭐️⭐️

老实讲,碟野同我地想像中既唔一样,我地原本以为系一串串拮住既羊肉串,但系佢系免治羊肉煎出黎既肉卷
 羊肉味都有既,而且唔酥!而黑椒辣辣地配埋蜂蜜既微甜更加突出左佢本身既羊肉味,整体不错,我地都几锺意!
印度洋葱烩羊小腿
$158
73 浏览
0 赞好
0 留言
4) 印式洋葱烩羊小腿 : ⭐️⭐️⭐️⭐️⭐️


呢道菜就系第一次我地黎食果阵已经觉得惊艳既菜式!
羊小腿炆得超淋,一刀切落去就骨肉分离,最正既系佢连D筋都煮淋埋
,赖生同屈小姐都争食筋位呢!(谜之声:赖生明明想比屈小姐食晒嫁麻,但被强逼进食⋯
)!

加上个酱汁惹味,微酸但辣劲凌厉,辣味当你吞落去先系喉咙涌番上黎!超正,点Naan一流!
(虽然今次个辣无上次咁辣,同後劲咁凌厉,不过都好好味!)
印式焗牛油鸡
$118
56 浏览
0 赞好
0 留言
5)印式牛油鸡 : ⭐️⭐️⭐️⭐️⭐️


呢样就系我地追加既小菜,旅行大食症又发作啦!系咖哩鸡同牛油鸡既选择下,赖生拣左牛油鸡,因为未试过麻!
果然冇拣错,个牛油鸡好正哦!!


本身有6大件去左骨既鸡件,又滑又啖啖肉,鸡味亦浓郁冇雪味!超得


更特别系佢个汁,比一般咖哩更杰!牛油融化晒系个汁入面,香得黎又令个汁起砂,食落好滑口又带粒粒口感,好特别!另外牛油令个汁好香甜,甜得黎又唔会遮到个辣味,好岩唔太食得辣既人试
!而且因爲呢道主菜,我地专登叫多份Naan去点佢黎食,实在太好食啦!


点解我地会话一次生,两次熟呢?因为第一次去见到个餐牌有几种Naan,有选择困难,而我地系好想试晒嫁,奈何我地个胃空间有限!顺带一提呢度既Naan清一色$38一份!
为左避免同一情况发生,屈小姐早於出发去澳门前已经细心做定功课,研究定唔同Naan既分别 (所以话,为左食,屈小姐真系会比200%心机架
,就等我地比D意见你啦⋯⋯
(识少少系度扮下代表先
)
印度茴香松饼
$38
51 浏览
0 赞好
0 留言
6)印式茴香飞饼 Qarqui Paratha:⭐️⭐️⭐️⭐️

飞饼系由印式馅饼转变过黎,系将馅饼摺叠多几层营造有几层酥既层次,所以个饼系咁多中入面最脆嫁!
不过茴香味唔够同埋只有2块,除非你真系好钟意脆既口感,如果唔系单食就一般,点酱食还可以!
印式馅饼
$38
57 浏览
0 赞好
0 留言
7) 印式馅饼 Kulcha (Amritsari): ⭐️⭐️⭐️⭐️⭐️


而馅饼就由Naan进化出黎既,系Naan入面加入要夹既馅,块饼系由2层饼皮形成,中间系可以打开既,所有馅料都晒中间入面!D馅基本上唔会跌/甩出黎嫁!

呢度既印式馅饼唔错嫁,有4块,口感亦偏脆,但冇飞饼咁脆,味道就比飞饼好
,就咁食又得,点酱食都得!我地叫呢个就包左几种馅系入面,有葱啦,洋葱等等,都几香好惹味!
风乾蕃茄辣椒Naan
$38
52 浏览
0 赞好
0 留言
8)风乾蕃茄辣椒乾Naan:⭐️⭐️⭐️⭐️⭐️


我地一致认为呢款系最好食既! Naan就只系得1层分唔开既,咁D料点加呢?就系就咁铺系Naan面,口感就系最软熟果只!

佢最好味既原因系:本身味道已经好正!风乾蕃茄酸味好出,配上辣椒乾,酸酸辣辣好正!
,当然,点酱食又另一味风味!




最後,我地叫得多过上次,但反而仲平呀,CP值大幅提升!虽然食唔到屈小姐本来想食果个石榴挞,因为太饱啦
屈小姐同到赖生一齐食到咁多好西,食少个甜品又有咩所谓呀!最紧要见到赖生食饱饱个满足样!不过赖生应承屈小姐,下次请你食番


#值得拎米芝莲

#另一澳门必食餐厅

#旅行大食症後群

#谢谢你的温柔体贴

#食辣食上瘾

#真心推荐

#Fine Dining
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2017-03-21
用餐途径
堂食
人均消费
$320 (晚餐)
推介美食
免费面包篮
印度烤鳕鱼配秘制芒果酸辣酱
$ 148
烤黑胡椒有机蜂蜜羊肉串
$ 108
印度洋葱烩羊小腿
$ 158
印式焗牛油鸡
$ 118
印度茴香松饼
$ 38
印式馅饼
$ 38
风乾蕃茄辣椒Naan
$ 38
  • 印式洋葱烩羊小腿
  • 印香烧鳕鱼伴秘制芒果酸辣酱
  • 风乾蕃茄辣椒烤饼
  • 免费脆饼篮