余榮記咖啡葡國餐

一心諗住去氹仔喜蓮食早餐,係酒店坐的士去到先發現無開門！極失望之制，個的士哥哥話有好介紹，跟著就車我哋去附近嘅余榮記，佢話佢哋啲的士大佬好多都係嚟呢度飲茶。
到達時已經見個舖頭人山人海，可能今日又係澳門回歸假期，所以人都特別多，好彩都係等咗一陣就有位。
今餐叫咗雪菜肉絲米粉，火腿腸一丁，豬扒一丁，餐蛋治，奶茶及華田。全部嘢食都掂！尤其雪菜同個豬扒！早餐之選。
埋單$93，算貴。但我哋如果係酒店三個人食都要過百，但質素一定無呢度咁好。第日係氹仔酒店住又多一個選擇啦！