唐吉柯德

葡式海鮮燴飯，鮮甜香濃既蕃茄湯加上蝦，蜆，青口既鮮味，米飯完全吸收哂湯既精華，呢個一定要食。

馬介休球
馬介休球係葡國菜必點既經典，鱈魚加上薯蓉再炸，惹味又酥脆。

燉豬腳
豬腳炆得夠入味又不失彈牙，配菜既紅腰豆同葡式咸腸超開胃。

餐廳環境乾淨，枱與枱空間亦大，職員好nice。而且食物有多款選擇，包括湯，主菜肉類，海鮮，飯，意粉，小食，甜品，酒類。重點一次可以食到西班牙同葡國菜，性價比高，已經約好朋友下次再黎食。