影片
见到有广告话雪糕双皮奶，觉得好特别，所以专程去试下🍦环境：cafe原来有两个counter,一面系卖咖啡同梳乎厘等甜品，一面先系同义顺双皮奶crossover. 两面都系share同一堆室内室外座位🪑食物：落左order后，店员会拎个已预制雪好既冻双皮奶出黎，然后再系上面加软雪糕。双皮奶同平日系义顺店食既系一样，而上面既雪糕似日本奶味好浓果款雪糕，系几香几滑🤤但咁样就收$52，感觉有啲贵，同未至于想回头再食，叫做试下一次就够😢服务：当日唔洗排队，即刻买到，店员都加得多雪糕，好满，不过雪糕好快溶🤒价钱：澳门义顺驰名双皮奶冰淇淋（$52）
继续阅读
以前啲人嚟到澳门就一定会食双皮奶，我谂一谂我都有成十几年无食过双皮奶，咁啱见到呢间Cotiz 同义顺crossover 咗杯双皮奶软雪糕，见到个卖相几吸引，虽然价钱有啲贵，但系都决定买嚟试吓。软雪糕牛奶味浓，而且几滑，但系双皮奶就有啲偏水，唔属于滑，所以双皮奶部份就一般啦。我唔记得咗清楚个价钱，我净系记得大约50几蚊，我觉得有啲贵，不过佢咁贵都系有原因，因为𠮶个杯系用玻璃做，而且你食完系可以拎走留念，我当然冇拎走，我做咗件更加伟大嘅事情，就留低比佢哋回收．．．循环再用♻️🤭
继续阅读
纯粹系一间打卡嘅coffee shop，如果你系想有个地方坐下打下卡is ok，但系谂住饮杯好饮嘅咖啡同我食啲嘢就绝对唔建议！因为琴日有位澳门的士司机介绍，所以我哋起身就过咗嚟试。$82 三文鱼sour dough 个感觉系将个面包搽啲cheese cream放入去焗，但系焗过咗时间，拎出嚟就放两条洋葱同三文鱼上去，面包𠮶边系硬得好夸张，其实好难会觉得唔好食啰我觉得呢啲面包，制作简单嘅嘢但系出嚟个效果可以咁差。$52 earl latte简单直接形容味道就系奶水，杯野一饮就好似系已经溶咗好耐啲冰，就系佢加冰溶左嘅午后红茶嘅味道，冇茶味冇咖啡味。朋友叫嘅嘢饮亦都系预期之内失望，总言之就唔推介，by the way我都好少食评。
继续阅读
啲咖啡完全好撚难饮三杯都好难饮咖啡冇咖啡味 水嚟嘅伯爵茶咖啡阵味假到痴线个柚子咖啡完全难以形容 $82个包 wtf cream cheese系得滴咁 你够胆收我$82 真系好过分真心 Starbucks仲好过你仲有d staff 完全hea 收钱唔数钱？？？ 完全唔合理收呢个价系不知所谓如果唔系个环境叫做几休闲 系根本无任何价值强烈建议老板自己试吓啲嘢饮同埋睇吓自己啲嘢食仲有教吓自己啲员工so bad everything is bad and overpriced dont fooled by the nice design
继续阅读
由cotiz 四年前仲系网店开始帮衬，之后南湾店一直都系食泡芙，到现在葡京人有更多位置可以坐低慢慢食，新店装饰得好有日式风，室内室外有不少座位，食甜品饮啡开心下，周末和公众假期人流十分之多，非常之热闹，大家可以参考下～平日坐得舒服啲～除提供咖啡特饮外，亦有不少甜品选择，包括蛋糕、泡芙、croffle、疏乎厘班戟和可丽露等等，而且多了几款轻食供应，有酸种面包、牛角包和全日早餐等。▼圣诞覆盆子可丽露 (圣诞限定）$32 昭和风硬布丁 $48烤棉花糖栗子拿铁 $58▼圣诞甜品限定 圣诞覆盆子可丽露 ，外脆内软身，有椰丝麻糬皮底层，中心系酸酸甜甜果酱。目测最多人点既一个甜品，打卡一流，卖相有日式感觉，布丁面上放鲜奶油，再用一粒樱桃装饰。而且味道亦不错。唔似平时布丁一般嫩滑，呢间既布丁🍮口感偏硬扎实派，蛋香味十足，配微微苦焦糖酱，整体甜度控制到刚好。饮品选择更有秋冬气氛的饮品 烤棉花糖栗子拿铁 ，系栗子拿铁上放满棉花糖，再现场现烤，表面会被烤到焦香。拿铁有栗子香味🌰，棉花糖份量十分多，单独食会偏甜，蚂蚁人朋友偷偷𢳂左成半食😂，我自己觉得配埋一齐饮会好啲～
继续阅读