影片
Order Bread📍新桥(三盏灯/白鸽巢)花王堂斜巷2-F成安大厦地下A座之前去澳门，搭巴士经过白鸽巢附近，望到一间门面装修得几靓嘅小店，见我同朋友都有少少肚饿，我哋决定落车睇下入面有无嘢啱食，可以医下肚仔。入到小店，见到有两至三个座位，好大个半open kitchen同一个冻柜一个暖柜，里面分别放住各式各样嘅饮品、三文治同手作甜品。两位年轻嘅老板态度亲切有礼，殷切地同我哋介绍佢哋招牌菜，我哋都按住佢哋嘅建议，叫咗两款泰式煎饼嚟食。呢间小店主色系黄色，店内有好可爱嘅面包造型cushion同唔同形状嘅霓虹灯灯牌，非常适合打卡。我哋最欣赏佢哋嘅煎饼同水果捞都系整叫整整，全部都非常新鲜，极力推荐大家买完喺舖头度食！ 💰$40马交葡挞煎饼 🫓首先要介绍嘅，当然系佢哋嘅人气澳葡菜系列—马交葡萄煎饼啦！近年澳门都有唔少同葡挞crossover嘅小食，就好似葡挞鸡蛋仔、葡挞鸡蛋糕咁，不过葡挞泰式煎饼，我估呢度就真系全澳第一人啦！众所周知，葡挞馅一般都系偏香甜，所以呢款煎饼唔需要额外涂酱都已经好香甜，加上煎饼皮即叫即制，所以饼皮脆口得嚟带少少烟韧。啖啖咬落都有满满焦香嘅葡挞馅，配埋香脆嘅杏仁片一齐食，口感丰富，大满足！ 💰$45蒜香芝味虾虾煎饼 🦐另一款值得推介嘅系佢哋嘅咸味泰式煎饼，受欢迎程度极高嘅蒜香芝味虾虾煎饼！佢哋嘅虾滑有大大粒虾肉，口感非常弹牙，结合三重芝士同浓浓嘅蒜香，真系好食到难以抗拒！我哋推介大家点少少泰式辣酱一齐食，滋味度加倍㗎！ 💰$38即叫即做水果捞 🍹呢度仲有同另一间澳门老字号生果店—伟记鲜果店合作，提供各种用新鲜水果制成嘅即叫即做水果捞。迟啲我都会同大家分享到访伟记嘅食评，记住留意啦！水果捞有多款水果任君选择，再随意配搭，组成一杯自己喜爱嘅水果捞。首先拣咗果汁底，再拣一款配料，底料必包6款时令水果，保证新鲜好味！我哋拣咗西瓜汁底，配料拣咗椰果，因为当时系夏天嚟嘅，所以饮落特别解渴，基本上每次返澳门我都会整返杯嚟饮，真系私心推介嚟㗎！
继续阅读
走过充满人群嘅游客区,揾到间隐世小店🌟店舖主做外卖, 店内有一个2-3人座位😌饮品、三文治、奄列、多款小食都有提供！店员超友善🥹今次特登嚟食泰式煎饼❤️🔥泰式煎饼一共有10款口味😋葡挞、榴梿、泰式香蕉煎饼、红豆抹茶、抛菜猪肉蛋、蒜香芝味虾虾煎饼等~期间限定仲有流沙奶黄煎饼配粒粒芒果🥭.芋泥鲜奶麻糬煎饼 $352人食会比较好！麻糬好软,入口即溶🤤即叫即煎热辣辣❤️🔥芋泥好足料,咬得出粒状口感!!
继续阅读
您可能会有兴趣的...