每年嚟到爸爸节👨🏻老豆都会落order要食生蚝🫶🏻今次两姊妹又带老豆发掘抵食又高质嘅蚝啦！呢间蚝吧就以世界各地嘅优质生蚝闻名🦪菜式主打海鲜同西式料理，推介搭配白酒一同享用～餐厅室内外都系木系小酒馆设计，格局比较细但食物服务方面绝对唔会令你失望，绝对可以encore🩵⭐️生蚝拼盘（职员推介5款）生蚝迷必试环节！老豆一口气叫咗五款生蚝🤣店员超细心💯先问我哋钟意嘅口味，再按口味由淡到浓安排食序～每只蚝都好大只，而且味道一只比一只有惊喜！（爸爸仲偷偷地encore咗…）⭐️鲜芒果蟹肉海虾沙律✩Mango, Crab Meat & Shrimp Salad (Orange Vinaigrett)一上枱就闻到芒果香！以芒果搭配蟹肉丝同海虾等海鲜，味道意外地夹！加上橙汁油醋汁，整体味道酸酸甜甜～特别开胃⭐️顶级法国蓝青口（香草忌廉汁)✩French Prime Baby Blue Mussels (with Pesto Cream Sauce) 细妹特别落order要食嘅🩷青口份量唔少，但略嫌细只咗啲～唔好睇好似好大碟咁🤣因为最后一定会清晒啲汁～不得不提香草忌廉汁相当出色，每只青口都吸饱忌廉汁，充满奶香又唔会太腻另外会附上一碟法包，点法包超级好食！！⭐️美国顶级安格斯肉眼扒（14安士✩US Prime Grade Angus Rib Eye Steak (14oz) 牛魔王必点！除咗海鲜，佢哋嘅牛扒都相当出色！ 外层炭烧焦香，切开粉嫩唔见血～简单配黑椒盐已经够晒好味⭐️特选海鲜意大利饭（珍宝带子／海胆／澳洲大虾／鱼子酱）✩Risotto “Deluxe” (Jumbo Scallop / Sea Urchin / Australian King Prawn / Caviar)餐厅大推嘅邪恶海鲜意大利饭！芝士意大利饭上面铺满大大粒带子、大虾同埋海胆，另外再搭配鱼子酱！海胆同带子都相当新鲜，而且份量都唔少，加上本身嘅芝士Risotto，食完已经好饱🤣建议同朋友分嚟食啦～（细妹🩷觉得卖相一般，但钟意海鲜嘅人一定都会流晒口水，嘿嘿😚）⭐️澳洲大虾辣茄汁意大利面 $168✩Spicy Spaghetti with Australian King Prawns 辣茄汁味道酸酸辣辣🌶️对唔食得辣嘅人嚟讲可能会太辣但大虾煎得好香口，意粉挂汁力MAX，最后一道菜都食得落～家姐评分💜：7.8/10细妹评分🩷：8.5/10综合评分：8.1/10评语：整体嚟讲，生蚝同海鲜品质都几出色～环境方面畸嫌窄咗啲，适合小家庭聚会不过店员服务同介绍都相当专业，服务方面系满分嘅！…查看更多
