13
3
1
电话号码
+853 88062338
营业时间
今日营业
10:00 - 22:00
星期一至日
10:00 - 22:00
难得放假当然想叹个靓靓下午茶，美狮美高梅推出左个下午茶甜品放题，逢周末下午3点到6点任食约20多款甜品，跟一杯咖啡或热茶。刚好遇上飞天海豚🐬半空表演，现场小朋友亦睇到好兴奋，跟住海豚跑来跑去！.法式甜品「夏」午茶 ($238/位)虎纹黑糖珍珠鲜奶 ($38).由於担心Full Booking，想提早订位，可惜被告知无得预约，所以想试朋友记得要早少少去。当日两点多左右可以提早入座，先点附送饮品，等到三点正再出去拣甜品。.放题甜品车放系入门口旁边，甜品有蛋糕、马卡龙、拿破仑、玛德莲、芝士蛋糕、泡芙、挞类、可丽露等，颜色色彩缤纷，未食睇见都心花怒放😍。虽然睇落多款，但其实两边一样样，谂好要边款要几件，有服务员帮你落单，之後等专人送过来就得，第一轮会询问需唔需要放甜品3层架，想打卡影下相记得要啦😏！.基本上每款都试过，有点少失望是整体甜品一般，属於正常食到不过不失的水准，部分的特别甜，而当中都有好评甜品，好似芒果同草莓蛋糕，印象度最高同回头率最多实系「可丽露」「柠檬挞」两款，可丽露外脆又香，大约食左十几粒😆。计回本的话，一人食到十几到二十件左右，饱到晚饭差啲食唔落，上个月有Mpay 75折优惠加持下相当抵食。宜家无优惠下，以平时酒店蛋糕计，呢个价钱算合理，是因环境非常高质。最後提番杯珍珠鲜奶值得叫来试，个人觉得比部分街外好饮。_⭐️ 只限每周末下午3点至6点⭐️ 飞天海豚表演分别有下午1点、3点、5点和7点⭐️ 需加一服务费
继续阅读
马卡龙x3 香槟草莓🍓野红莓伯爵茶虽然各款味道都非常浓郁有特色，但系真系太甜了😂😂😂不过试一试都无妨😃😋外貌好靓好吸睛啊！$18蚊1个，和外面比也不算贵，买自选六个一套会更加。
继续阅读
同朋友寻日试完个 tea set，今日同朋友行过再黎试野 🤣🤣 我叫左个 草莓冰沙 同 冬甩！个冰沙见佢用唔少草莓同全奶去打，但左都好耐下，好奶滑！草莓味好正，酸酸甜甜！个奶我地估系全脂，极邪恶 🤣🤣 冬甩都唔错，面包入面好多气孔，松软既，面既朱古力酱同草莓好夹！好想试埋其他味道！值得一提就系，我地寻日觉得个咖啡好正，原因系用咖啡冰，但今日推介左个朋友黎...竟然唔系罗...话卖哂 😅 如果大家睇完开饭谂住试既，请自行自问店员 🙏🏻
继续阅读
上次去新加坡又唔觉有见到呢间嘢喎Janice Wong 算系甜品艺术家（我都系睇MGM WEBSITE 讲）见到好似好靓咁 所以又懒系嘢去潮圣-绿影重重 - 系斑兰 X 椰子我记得香港都好似食过系好食嘅同埋好靓 最好食 系佢啲白色饼 lol-Creme Brûlée Signature Tea嗱我就完全饮唔到creme brûlée 只味但落咗糖系好饮好多但又未至於去买佢啲盒装几百蚊既茶个包装系靓但唔值罗-雪糕一拿上手已经开始溶朱古力味好普通 反而个芝麻味好好食（影唔到 佢沉咗底）净系记得帮我地掘雪糕个个着哂厨师衫嘅staff 好串P.S. 佢成间餐厅都包装得好靓好有气派，碌到最尾张相会见到佢个全世界最大嘅朱古力喷泉，唔知食唔食得，但第二三次经过已经觉得好肮脏P.S. 2 佢主打Afternoon Tea, 有个蜂巢set, 但啲甜品毫不吸引，惨在见到啲男人陪女去食，除非好爱个女人，如果唔系我谂唔到另一个原因会去食呢个tea set.P.S. 3 靓系靓，为咗靓嘅甜品，都会想去多次，同埋佢啲包好似都好正咁，想去嘅可以试吓 P.S. 4 才发现 因为个样太似之前食过嘅嘢，不断揾返，原来2016年，我都去过一间叫Cobo House by 2amessertbar 嘅嘢食过同一样嘢 LOL 香港系HKD 148, 澳门系MOP 130. 笑咗。好彩有record 低，原来个阵都觉得几好食，但觉得好贵，而家都一样lol香港呢间都系岀自Janice Wong 嘅手笔，当然唔系佢整，但menu 应该系佢定。想去嘅，去住香港先都得hehe
继续阅读
一年无去澳门, 又开左新酒店! 同行友人话晚食後 (入赌场前) 要食甜点 (预祝吗? ) 其实佢上星期先去过呢间 ”亚洲最佳甜点主厨Janice Wong” 喺新加坡以外的唯一分店!另一群友人原来早一日试过 crepe 话 “劲好食, 劲抵食” , 咁我哋第二晚开完会就冲左去食啦! 位於新 MGM 大堂内 (系新 MGM 唔系旧嗰间), 环境超级靓, 玻璃屋, 设计时尚, 我哋9pm去, 无乜人, 食得好舒服! 一份 crepe 加自选雪糕球，生果，酱汁 ~ $58! 坚抵! 失望在原味 Crepe 卖晒得番绿茶味! ! 生果新鲜，最最最欣赏系 crepe 里面嘅忌廉，超。超。超。好食! Crepe 皮反而一般, 唔够乾身又无脆边, 应该系赶收工 雪糕味道浓郁，普遍偏甜
继续阅读