影片
议事庭厅喷水池附近
继续阅读
开饭介绍
澳门首间Hello Kitty主题手信店，Obrigado在葡文是感谢的意思。主打北海道牛奶葡挞、猪肉干、杏仁饼、纽结糖、马卡龙，产品充满澳葡特色。
继续阅读
营业时间
星期一至日
12:00 - 20:00
以上资料只供参考，请与餐厅确认详情
相关文章
点解会钟意hello kitty？我怀疑只系因为当时冇乜卡通，记忆中有史路比、Keroppi，大人们理所当然觉得女仔应该钟意hello kitty，结果我所有文具、公仔、发饰都系猫。到大个左又觉得冇乜卡通特别吸引，又可能情意结，有时买野都会买番kitty公仔。每次黎澳门都有黎一黎呢间kitty店，未必次次帮衬，但次次都有影相，明明装潢冇变过。男朋友见到而家有乳酪食，所以同我黎试下~乳酪分两种size：大+有配料$48、小+朱古力/草莓酱$38而且咁啱做紧优惠，购买任何产品，乳酪减十蚊。刚始见到佢地嘅曲奇正正卖$10，所以结论系买乳酪就免费得到一块曲奇嘅意思。细嘅只有酱，我当然系拣大杯装。分别有4款造型，乳酪味道一样，就系配料唔同~Strawberry Kiss $48面头一块草莓曲奇、草莓酱，中间有少许草莓肉、草莓爆珠、草莓朱古力片。卖相几靓，而且几坠手，乳酪份量不少。草莓曲奇香脆，但莓味唔强烈，呢块比单售10蚊块嘅细一点。乳酪质地比较似雪糕，加上草莓酱，十足快餐店嘅士多啤梨新地~溶得十级快，食嘅速度追唔上溶嘅速度。中间嘅草莓肉size都几大粒，但酸到完全唔想食…草莓爆珠加强口感，奈何又觉得咬开太甜…又太酸又太甜…味蕾受唔住刺激，送左俾男朋友食。适合相机食先嘅甜品，但相机都要快食，否则溶到呀妈都唔认得。我估系我拣嘅味道出事…另外三款嘅配料相信冇咁伏！列出参考一下：rainbow bridge：牛油曲奇、原味麻糬、曲奇碎、杏仁脆粒、白朱古力片tokyo lover：绿茶曲奇、白朱古力片、燕麦脆片、红豆、绿茶麻糬chocolate dream：朱古力曲奇、朱古力片、朱古力酱、可可脆米绿茶曲奇 (原价$10，买一块乳酪减10蚊）好淡淡嘅绿茶味，曲奇摆到第二日食，都仲系脆，反正系免费。如果要我俾十蚊块唔会买。除非有朋友好钟意买黎做手信。
继续阅读
继续世界阻止唔到Hello Kitty入侵系列，Hello Kitty已经撘埋船过大海喺Hello Kitty Obrigado做咗葡国少女？今次嚟到位在香港人实识去嘅澳门议事亭前地(新马路喷水池)，就喺麦当劳旁边嘅巷仔转入去半条街就到了．Hello Kitty Obrigado当中「Obrigado」其实葡文「Thank you！」店内装潢澳葡风十足，英伦少女都换咗葡萄牙民族背心裙，墙上面仲有葡国特色手绘磁砖画，你睇吓只葡国公鸡就知～唔系葡国鸡呀！就连澳门嘅景点指示牌都一模一样，加埋周围都系Hello Kitty同招牌蝴蝶结，一到澳门就去咗潮圣啦！店内有一系列澳门手信，款款都有Hello Kitty嘅造型架～最够特色当然系葡挞同杏仁饼，仲有Hello Kitty造型猪肉干，一睇就知佢叫阿猪猫！XD隔离仲有好多款马卡龙，有绿茶、焦糖、柠檬、伯爵茶等等．特点系上面印咗唔同嘅澳门特色图案，好似系赛车、赌场 仲有大三巴、观音像、妈阁庙景致真优美架！除咗手信之外 呢度仲有冷热饮品同乳酪雪糕，价格都无因为只Hello Kitty而贵咗，我就买咗杯朱古力曲奇乳酪雪糕，不过店家系无座位嘅 所以我到门口嘅石凳坐，只要无落雨 其实感觉一样．铺面虽然唔大 帮衬嘅人都keep住有，不过最多人会过嚟影相架！所以都要守秩序 等等啦～
继续阅读
复活节又过澳门吃喝玩乐，边走边吃，无意中系议事亭广场附近发现新大陆 ~《Hello Kitty Obrigado》虽则我唔系吉蒂猫迷，但见到好几个女孩子，又食又影 ，潜在嘅港女本色，又蠢蠢欲动 ……埋去凑凑热闹先 , 都几多吉蒂猫造型嘅嘢食卖，有曲奇、杏仁饼、马卡龙、葡挞……等等，仲有我至爱嘅乳酪雪糕啊 一于买番杯乳酪雪糕跟吉蒂猫留倩影 ……嘻嘻 ！估唔到吸引埋男生，猪仔话佢都要试试 ……呢杯乳酪呢！一买两杯，嚟到我呢杯，刚好卖断市 ，老板唯有退回一杯钱，二人sweet sweet 分享喇！吉蒂猫乳酪雪糕 : 卖相可爱靓仔 , 有大大块朱古力吉蒂猫造型曲奇饼，口感脆口，但略嫌欠缺些少松化！用咗北海道3.6牛乳，乳酪带点酸甜，轻盈可口，牛奶雪糕又浓又幼滑，中间𠮶层有脆卜卜嘅脆米、朱古力味饼干等，口感丰富，yummy yummy ！由于行程怱怱 ，无买到吉蒂猫手信，下次过来，买返啲畀香港嘅朋友先得 ！
继续阅读
Hello Kitty cafe is where sells Hello Kitty shaped butter cookies, macarons, frozen yogurt parfait and mini Portuguese tart.They come in several flavors, including cheese, green tea, chocolate but we still think the original is the best.
继续阅读
澳门之行，朋友特别交待要买猫猫嘅特式手信，经过时已经好吸睛！门面大！大家都好兴奋，店内已经堆满人，我去柜台买，比上次来澳门多了好多款式嘅食品！我落好单之后，店员好快包好，连胶袋设计都好靓！除了手信，仲叫了饮品同买了曲奇比肥髀！柚子梳打特饮（$28）柚子味清新！味道唔假！够汽好清爽！红茶曲奇（$10）造型靓，味道选择多，曲奇大块，红茶味几香！唔太甜！好欣赏店员有笑容，做事勤快，而且好好人，我买了猫型猪肉干同曲奇，卖相靓到忍唔住手！自己都想买一份！虽然唔多钱！想要多个胶袋，都无问题！而且就算人多，我在柜台影相都好欢迎，仲帮我移靓啲个摆位！好helpful!
继续阅读