1
0
0
食记 (1)
等级4 2020-07-28
147 浏览
最近想食得健康啲,一个星期食一餐沙律餐,用左几个星期时间试左大家之前系限时推荐的的沙律店之一「HabitBox」,系五六月时买消费卡套餐$300有5个套餐,可以一次要晒,亦可以分开一日一餐都得,希望下期再搞啦,不过放心平时都有呢啲餐拣架!.一个套餐包左一盒搭配丰富沙律同自选饮品或汤,沙律盒有几款肉类、主食同酱汁任你搭配,以下五款系我既搭配,大家有兴趣可以买前参考下。.按图片先後顺序✔️ 2号增肌减脂餐纽西兰牛扒 红米 0脂醋汁 牛油果苹果奶昔✔️ 3号低卡减脂餐意式大虾 三色藜麦 蜂蜜芥末 桂花乌龙茶✔️ 1号高纤营养餐意式虾仁 半菜半糙米 意式口味 热肉桂蜂蜜柠檬热饮✔️ 2号增肌减脂餐香煎热鸭胸 三色藜麦 日式口味 特浓蕃茄牛尾汤✔️ 2号增肌减脂餐纽西兰牛扒 荞麦面 蜂蜜芥末 五青汁.几款当中个人偏好增肌减脂餐的基底,每款生菜底同蔬果够新鲜清甜,肉类方面牛扒同虾仁相当唔错。想再食得健康少少,酱汁要拣啲无咁多脂多糖,好似0脂醋汁,想捞得好味拣蜂蜜芥末、千岛或芝麻酱。一盒搭配丰富沙律盒,食完饮埋野饮已经十成饱😎。.饮品类中牛油果苹果奶昔同牛尾汤值得一试,牛油果特饮打到好滑,而牛尾汤底多杂菜粒,有一大旧牛尾咬下,蕃茄酸酸地几开胃。想健康排毒唔怕苦忍受到呢种味道,一定要饮五青汁😏😏。 继续阅读
(以上食记乃用户个人意见 , 并不代表OpenRice之观点。)