5
0
0
外港客運碼頭: 乘坐巴士3號,於沙梨頭海邊街下車, 步行一分鐘
继续阅读
电话号码
+853 28556332
开饭介绍
在区内开业多年的西式小店，其中西合璧的招牌菜包括腐乳意粉、咸鱼意大利饭等，配上造型可爱的咖啡，风味独特，创意十足。
继续阅读
营业时间
今日营业
12:00 - 21:30
星期一至日
12:00 - 21:30
*截單時間: 20:30
以上资料只供参考，请与餐厅确认详情
有关奖赏计划
招牌菜
相关文章
素食者出街食見到黑松露意粉又愛又恨，雖然有素食選擇但也實在太敷衍又無新意。這次在澳門找到一間超多素食選擇的Cafe，菜式更是非常有創意，冬陰公芝士忌廉腸粉、素鹹魚肉餅意大利飯、腐乳餐肉薄餅以至甜酸可樂熱狗，每道菜都顛覆你的想像力，想讓味蕾有前所未有的新感受，就一定要來這間吃了！*蛋奶素為主*有純素選擇*全部無五辛餐廳已經開業十年，雖然位置不在遊客區，但因為菜式夠特別，平日都不少人慕名來吃。裝修以白色為主調，簡簡單單舒適為主。座位闊落坐得舒服，二樓是廚房。店主本身是酒店大廚出身，因為媽媽吃素所以開始研發素食餐點，目前餐牌近50%屬素食選擇，迎合宗教素食者需要全部不含五辛。咁多款素食意粉就係無黑松露，老闆都嫌太無誠意，最受歡迎的原來是香辣油漬番茄干意粉。最特別的是素鹹魚新豬肉忌廉意大利飯，vega vega老闆同我講佢每次都係食這個，搞到我好想再去試。鍾意high tea的朋友記低這個。咖啡飲品都可以免費轉豆奶。店家自家出品海鹽腰果曲奇，推出即大受歡迎，食落鹹鹹地又夠朱古力香，真係幾好食㗎。芝士焗冬蔭公腸粉 HK$66超乎想像的菜式，我就從來無諗過腸粉可以用芝士焗，個忌廉汁仲要冬陰公味！聽落九唔搭八，食落又出奇咁好味，真係要佩服老闆的創意。這個菜式最初係用腸粉做肉醬千層麵，後來就變出素食版，腸粉先煎過充滿米香，再加上它獨特的彈牙口感，比都用意大利麵又另一種快感。你以為豬腸粉一定係配混醬？咁就要試下芝士忌廉焗先得啦！腐乳薄餅 HK$68薄餅除了番茄醬和青醬，竟然仲可以用腐乳白醬？聽落已經神奇，食落仲竟然有點像藍芝士，中西式芝士果然係做到好朋友，一定嚇親意大利人，薄餅從此不再一樣。三眼仔卷蛋+三眼仔抹茶喜歡影相打卡的你，餐廳最近推出兩款得意組合，除了上圖三眼仔，仲有柴犬卷蛋配柴犬熱朱古力。蛋糕就當然係蛋奶素，飲品都可以轉豆奶。裝飾的部分用糖皮製作，可以不吃，蛋糕本體比想像中鬆軟，忌廉也不會奇過甜膩，估唔到打卡之餘都幾好食。
继续阅读
🧡D'light一直是街坊的心水小店，印象最深刻的是陰公腸粉和鹹魚意粉一味蕾有衝擊的感覺但吃下去又感覺很搭！意大利飯有香濃少辣，飯粒軟硬適中一直吃不停兒💛甜食方面 D'light的下午茶套餐也是超吸引，它是以素食為主的下午茶一配兩杯超級可愛的卡通拉花咖啡，很適合溫馨甜蜜的teatime✨最驚喜的是海鹽朱古力曲奇，老闆走訪多個地方找尋食材研發，非常香脆又不甜的口感簡直愛了！【是日餐點】🧡D'light下午茶二人套餐🌼柚子沙律✨泰中西冬陰公腸粉🌼梅香鹹魚意粉✨川味蝦仁意大利飯🌼墨西哥粟米片✨三眼仔抹茶拿鐵🌼柴犬拿鐵✨自家製海鹽朱古力曲奇
继续阅读
講明先, 我係1個好鐘意試新野食ge人, 所以我前後去過2次, 第一次我已經見到個menu有腐乳意粉, 礙於第1次去係同我朋友去,佢唔敢試, 所以我試左個白汁菇菇意粉,都唔錯, 淡左少少, 第2次我就係同我屋企人去食,去到第1樣野梗係要試個腐乳意粉la,仲叫左迷你漢堡同肉餅意粉(個名好似係咁),迷你漢堡都ok, 1份有3個, 1個係牛肉, 1個炸魚柳, 1個應該係豬肉??我都唔係好記得,肉餅意粉就似似地肉醬意粉, 冇咩特別,輪到個腐乳意粉la,其實佢都有d似白汁, 腐乳味唔係太濃, 食個陣好似食緊腐乳炒通菜咁!!
继续阅读
呢次澳門trip又試新餐廳位置係紅街市行5分鐘到(remind我呢個裝左摩打腳一口氣由金沙步行40分鐘黎既人下次要think twice)店門好細細，一入到去見到好舒服既梳化!!係香港人至愛既卡位一個屁股跌落去真係梳乎呢日唔太肚餓，所以大家只係叫左2份茶餐share~不過份量都幾大夠4個小嘴女仔食架聞說呢度係出名fushion~出名估你唔到就叫個蝦仁炒蛋墨魚汁包三文治喇~嘿嘿一聽個名都夠搞笑夠fushion果然係將中式蝦仁炒蛋發揮到極致:::炒蛋夠滑蝦仁夠爽仲有大量既蔥呀!!!配埋墨魚汁包(menu話秘製架)，好似有啲甜甜地既感覺，最緊要夠脆!真係正既另外有個厚多士條條質素都好夠~有蜜糖香既脆身多士，配自選雪糕(如果雪糕可以大舊啲就好嚕~)，一啖撈埋食:::冰火脆軟既感覺唔少得openrice個個都叫既3d cappuccino同埋greentea latte喇~3d熊熊奶泡打得又棉又企身，有時飲3d咖啡，多奶泡但係咖啡底會唔夠濃，呢個咖啡好夠濃，味道0岩0岩好!!Greentea latte真係要試!!!雖然樣就冇咩驚喜，都係3隻眼喺面但係好夠味，唔苦!!!係必叫!!不日要encore!!試埋afternoon tea set, 粉仔同蛋糕!!!同場加映3d熊熊奶泡之無頭兇案
继续阅读
去年的 12 月，我偶然在 Openrice 看到有一篇文章，介紹這裡的 Tiramisu 蛋糕，造型非常特別，跟香港坊間的 Tiramisu 很不同，於是趁我出發去澳門前，便在 Openrice 訂位來這間位於沙梨頭的餐廳 - D’light Dessert Cafe。餐廳外面有巴士站，交通都幾方便。前面馬路雖然有不少車輛經過，但感覺仍然是旺中帶靜。這裡的座位相當寛敞舒適，光線亦都很柔和，環境相當雅緻。中午的時候，餐廳只開放了下層，這時人流並不多，可以靜靜地享受寧靜的時光。我來到的時候是星期五的中午。原來逢是平日，點了意大利粉/飯或三文治，都會贈送一杯熱飲，而我叫了一杯熱檸檬水。在 Menu 見到可愛的咖啡立體公仔，於是我便叫一杯意式泡沫咖啡。可愛的立體泡泡熊仔伏在我面前，相機都爭著要飲先，真是不捨得飲啊！咖啡的味道本來苦中帶甘，把奶泡攪拌後便變得香滑，而附送的曲奇餅令我感到苦中的一點甜。D'light 特式卡邦拿意大利粉，意大利粉軟硬適中，不過黏也不太硬，非常彈牙，沾滿了香滑濃郁的卡邦拿醬汁及香草，口感相當 creamy。配料都相當豐富，鹹香的煙肉絲，爽口的洋蔥片，軟腍腍的蘑菇及彈牙的魷魚片，味道都幾多元化。提拉米蘇，造型相當漂亮，相機又要食先，果然沒有令我失望。軟綿綿的 Tiramisu 忌廉，沾滿了帶點嗆喉的可可粉，口感非常軟滑。上面披著一片薄薄的金箔朱古力，味道亦濃甜。下面墊了三件鬆脆香口的 lady finger 手指餅。配以香濃甘香的咖啡，咖啡的份量可隨意加添，自創喜歡的 Tiramisu 味道。侍應見我不停拍照，以為我忘了吃，於是好心提醒我說：「再唔食既話，咖啡便凍啦，倒落去塊朱古力就唔溶，就無咁好食架啦。」這是難得一見的熱情。把暖暖的咖啡倒在朱古力上，朱古力瞬間跟 Tiramisu 忌廉融為一體，味道變甜了，同時把鬆脆的 lady finger 浸濕了，帶點濕潤的 lady finger 口感有點像蛋糕，又營造了另一番的味道，相當好味。這裡的侍應都相當友善有禮，食物都幾精緻用心，位置距離遊客區並不遠，感覺就像澳門巿區的後花園，可以悠閒地享受寧靜的午餐。
继续阅读
您可能会有兴趣的...