影片
开饭介绍
装潢独特且融合日式元素，其日式铁板烧采用新鲜高质食材，厨师发办设有不同价位，丰俭由人，是约会及与好友聚餐庆祝之选。
继续阅读
营业时间
今日营业
12:00 - 00:00
星期一至日
12:00 - 00:00
以上资料只供参考，请与餐厅确认详情
有关餐厅
有关奖赏计划
在黑雨下只可以将原先预订12:00改为2:00，由于天雨加上唔熟路又要上到兰桂坊斜坡顶，结果五分钟前到达舖面分开两边，安排入座靠门口之铁板台。靓仔师傅颇为健谈又风趣首先上台之开胃前菜(季节渍物三品)用长方形盛器分开三格，忘记了侍应之介绍跟住系(烟熏挪威三文鱼有机沙律菜卷)。食材实在新鲜，入口后咀嚼菜卷会听到声音味道好非常清爽。再嚟嘅(花胶炖汤)要海带片，大家都觉得略为咸了，应该可以调较一吓。(极品刺身两品）鲷鱼+澳洲蓝生蚝，鲷鱼厚身鲜甜鱼味重。特别一赞系蓝生蚝，大大只。入口食到淡淡海水味(唔太浓)，反而食出蚝本身嘅味道肥美香滑，口腔内满满海产嘅鲜味(铁板海鲜二品)系烧鳗鱼+鲍鱼，睇住师傅足足用咗差不多廿分钟煎鳗鱼。佢话鳗鱼带厚身但又要做到皮脆肉嫰，只可以花时间慢火煎。鳗鱼的确煎得好香脆，可惜鱼皮刀叉都切唔断鲍鱼好新鲜，烹调火候刚好。入口肉身带脆唔韧，份量亦恰当(是日主食)系和牛柳，好厚身大件亦系烧到外脆内软。入口一咬肉汁流出，容易咬亦有少少咬口，加埋伴碟调味好快清晒(极品寿司三贯)中间嘅和牛好嫰有油香，连带醋饭非常配搭右边海胆寿司劲浓味，入口直情感受到口腔满满嘅油腻感海胆爱好者一定唔会失望特别加钱$888一只嘅皇帝蟹师傅做法好特别，将蟹膏加入牛油，干蒜粒，豉油调匀后淋上蟹身。全部蟹都已经剪开晒好容易打开，带埋手套食得非常干净又方便蟹嘅火候时间亦值得一赞基于烧板有200几度高温先可以锁住蟹嘅肉汁唔会流出，亦唔同一般酒楼嘅清蒸方法咁样带水份。所以食时入口比较干身，真正时到皇帝蟹柳嘅原汁原味。加埋满满淋上嘅蟹膏包住每只蟹脚，个个都食到赞口不绝。真好食结尾(季节甜品)系柚子雪葩，刚好系一个当时得令嘅甘泉。雪葩本身唔算甜，间中咬到粒粒柚子粒。
继续阅读
周日晚同朋友一齐嚟咗呢间喺中环嘅楼上铁板烧餐厅食晚餐🤣$688 一位嘅「高级厨师发办套餐（十一品）Deluxe Set Menu (Eleven Dishes) 高级シェフのセットメニュー（十一品）」要咗两位🤣前菜两款（渍物）Appetizer 前菜：有三款，有三文鱼蓉、渍菜 等，简单几好食🤣招牌沙律 Signature Salad 招牌サラダ：一片烟三文鱼包住沙律菜，几清新🤣鱼子酱兰王温泉蛋 Caviar Onsen Egg カヴィアル 温泉卵：兰王温泉蛋 够滑有蛋香，加咗少少鱼子酱感觉豪华啲啲🤣刺身一品（鲷鱼刺身/时分鱼子酱生蚝）Sashimi Selection (Snapper Sashimi / Caviar Oysters)刺身一品（鲷の刺身/季节の生牡蛎）：鲷鱼刺身同埋生蚝都几新鲜，两样肉质都系比较爽口🤣铁板海鲜两品（慢煮鲍鱼/日本元具/白鳗/东星斑/虎虾）Two Types of Teppanyaki Seafood (Slow-cooked bowl / Japanese Yuanbei / Eel / Plectropomus leopardus / Tiger Shrimp)鉄板海鲜二品 （ゆっくり煮込んだボウル/日本の元北/白条/东星斑/虎エビ）：两客都系拣咗 慢煮鲍鱼 同埋 白鳗，店员话鲍鱼慢煮咗48小时，肉质软熟得嚟又有啲烟韧🤣，白鳗肉质鲜甜又配埋啲甜甜哋嘅好似系蒲烧汁咁样食几得意🤣铁板料理 澳洲牛柳粒／美国安格斯牛肉薄焼巻／宫城厚切黑豚扒／宫崎鸡腿 Australian Beef Tenderloin / American Angus Beef Roll / Miyagi Prefecture Pork Chop / Miyazaki Chicken Thigh オーストラリア产ビーフテンダーロインキュープ/アメリカンアンガスピーフロール／宫城県厚切り黒豚／宫崎鶏もも肉：拣咗 美国安格斯牛肉薄焼巻 同埋 宫城厚切黑豚扒🤣，黑豚扒🐷🥩肉质偏瘦得嚟几软熟兼几好猪味🤣，牛肉薄焼巻🐂 几 juicy 🤣菊花豆腐白面豉汤 Chrysanthemum Tofu with White Miso Soup 菊花豆腐の白味噌スープ：店员话系花胶浓汤味道浓郁🤣Black Truffle Fried Rice With Seafood 黑松露海鲜炒饭 ブラックトリュフシーフードチャーハン：海鲜有 虾仁三文鱼籽蟹籽铺满饭面，炒饭炒得粒粒分明🤣时日甜品 Seasonal Dessert 季节のデザート：呢晚嘅 甜品系豆腐雪糕，有啲豆腐香味同埋几滑🤣$48「葡萄果汁汽水」：个樽上边嘅招纸写住话系用山梨县产葡萄，制造就喺静冈县制造，甜甜哋又唔系好甜味道几清新🤣
继续阅读
餐厅负责人做好一样先一样啦，职员同厨房踢晒脚，刺身同热盘都掉转次序上，你哋厨房出咗少少问题唔关我哋事，我地好介意呀刺身同热盘mix埋，都谂唔明点解你哋好意思会咁样上菜。又做KKday半价优惠，又请打手Blogger宣传，作为一个俾钱嘅食客听到啊好受咩？即系人哋免费就可以好好招呼，听到其他客人有Booking未安排板到座位，又要企喺出边等冇冷气咁等，虽然职员都好好，斟冻水俾客人系岀面唞吓，但楼梯有人食烟，咁就真系有啲差。时令海鲜有机杂菜沙律，讲到咁劲，原来烟三文鱼卷着啲沙律菜 笑。季节前菜一品，系温泉蛋加啲白松露油捞埋啲青瓜丝一齐食，都ok嘅，一个同行朋友唔识生食，想转全熟嘅蛋，厨师竟然谂到茶餐厅煎熟蛋嘅做法，OMG冇卖相可言，其他配料同你走晒，真系~呢个可能系我嘅问题啦，嗌酒嘅时候我问有咩优惠，职员话: 暂时未有，不过呢支”作”就$398，如果贵价少少就呢支”鬼面”$598，我都记得呢段对话，买单𠮶阵就收我 “作” $666，话我听错ok fine，(666咁好记我会唔会系听错啊？)下次真系要睇住个酒单嗌。总括嚟讲食物都唔系话唔好食嘅，(不过有只龙虾唔新鲜，餐厅都肯换嘅)，如果想食嘅话系KKday买半价menu都冇咁嬲，千几蚊食啲咁嘅真系唔抵。
继续阅读
隐世铁板烧竟然开到去兰桂坊🔥放工同朋友两个人订到座补祝生日，当晚星期四系满座！有四五枱庆生🎉非常热闹，想感受气氛热烈嘅铁板烧记得要订座！有数款厨师发板套餐，我同朋友都拣咗高级厨师发办套餐(十一品/$688 per person)，可以睇住厨师做料理，非常有feel🔥每上一道菜，店员都会介绍，服务贴心。招牌沙律————————————烟三文鱼配沙律菜🥗加上粒粒黑鱼籽，令依道菜更精致。加上黑醋，清新嘅沙律非常开胃。清甜嘅灯笼果同样爽甜又开胃。前菜两款(渍物)————————————实际上系三款小前菜🤣都系好清爽开胃！鱼子酱兰王温泉蛋————————————非常有仪式感嘅兰王温泉蛋🥚轻轻一压，流出橙红色蛋黄，蛋香浓郁，捞埋鱼子酱，更显高级感。刺身一品————————————是日刺身系时令鱼子酱生蚝🦪好肥美😋口感清爽，加上粒粒饱满鱼籽，增添鲜味，配上蝶豆花泡沫，更凸显生蚝嘅鲜甜。铁板海鲜两品————————————拣咗慢煮鲍鱼同虎虾，两大只新鲜又饱满嘅鲍鱼，入口一咬肉质非常爽弹。虎虾好厚肉，啜埋个虾头充满鲜味🦐铁板料理————————————牛豚鸡都有得选择，同朋友分别点咗澳洲牛柳粒同美国安格斯牛肉薄烧卷分享食。牛柳粒做到想要嘅五成半生熟效果👍🏼肉质软嫩多汁，每粒入口都肉汁爆满。安格斯牛肉薄烧肉质细腻，丰富嘅油花分布均匀，令肉质更加柔嫩多汁🐮菊花豆腐白面豉汤————————————白面豉汤非常暖胃，进食料理嘅后半段饮一杯可以促进消化。黑松露海鲜炒饭————————————炒饭粒粒分明，好香口，加上葱花、蛋、虾、鱼籽等等配料，看似简单嘅炒饭却好惹味。Seasonal Dessert————————————系好有心思嘅红豆爆珠柚子雪葩🍧食完火辣辣嘅铁板炒食返个柚子雪葩降温啱晒，而爆珠系每粒红豆酿入去🫘非常有心思，每粒爆珠口感都好正。
继续阅读
位于中环兰桂坊「龙亭」，店内装潢融入日式元素，用餐环境光亮舒适，厨师发办更设有不同价位，最平$388便可食到入门级厨师发办铁板烧，绝对超值✨季节限定沙律摆盘够晒别致，用烟三文鱼卷著爽口嘅沙律菜，面层加上黑鱼子作点缀，配上黑醋汁和青瓜蓉、车厘茄和龙珠果，清新又开胃✨前菜（渍物）日本洋葱｜牛油果三文鱼蓉｜三文鱼头软骨配昆布，开胃前菜三款，特别喜欢腌制过嘅三文鱼头软骨部位，口感爽脆，搭配昆布酸酸地几开胃✨时令刺身选用法国蚝Gillardeau，面层放有碟自家制嘅豆花味泡沫和三文鱼籽，卖相已经相当吸引，蚝肉口感够爽脆，味道非常鲜甜，好想食多几只✨铁板海鲜两品慢煮鲍鱼｜日本元贝鲍鱼口感软腍鲜甜，肉质细致有弹性；元贝外层煎得微微焦香，火喉控制啱啱好，鲜甜又Juicy，两者搭配香浓惹味嘅龙虾汁非食惹味✨澳洲牛柳粒｜安格斯牛肉薄烧卷牛柳粒拣咗5成熟食落口感非常软腍，肉汁多牛味浓；安格斯牛肉油脂较为丰富沾少少wasabi 和蒜片一齐食，更将牛味道提升，增加层次感，搭配樱桃萝卜食更可解腻✨黑松露海鲜炒饭黑松露味道好香，炒饭炒到粒粒分明，大虾爽口弹牙，加上粒粒三文鱼籽瞬间在口里爆发增添口感，不经不觉食晒一整碗✨ 花胶猪骨白面豉汤尾段饮返碗暖胃面豉汤，意想不到面豉汤有一大条花胶，口感软腍充满胶质，增添惊喜✨时日甜品柚子味雪葩作结尾，味道酸酸甜甜够晒清新，又可清清口腔，食完透心凉，好满足
继续阅读