影片
去到澳门食野预左洗钱，但有时钱洗左唔代表食物质素可以有合理回报，玩左两日酒店食日本料理好嘅得一两间，最后经本地熟人介绍去左呢间骑师试下，订左位都仲要等一下，舖头装修冇太大特别但坐得都松动，但最好系有日式卡位包厢坐落都几舒服，服务员都ok，睇下餐牌基本上所有日本料理食物都有，价钱中上，食物出品的质素都好味及新鲜，以呢个价钱食到咁嘅嘢我唔敢讲超值但性价比超高，连食个烧鸡泡鱼干都可以做到口感松化唔死硬，真系唔错，酒类好多选择有贵有平，服务员介绍得好清楚，整体上呢间餐厅有90分以上。
继续阅读
十月一日黎澳门玩，预左多人，唯有揾d少游客去既餐厅食饭。呢间日本餐厅位处民居，系官也街行过黎5分钟左右。附近有好几间餐厅，间间都想试。我地见骑师咁多客，就拣左呢间。价钱唔似游客区咁水鱼，如果想食贵野有几百到几千蚊既刺身、日本酒，好似我地想食平野，可以叫寿司、拉面、焗饭都得。侍应服务都几好，冇因为我地食平野而黑面，又主动帮我地换碟。食物质素好好，天妇罗炸得好脆，拉面寿司正正常常。最好味系炸豆腐，外面脆、里面好滑，大大旧，好快俾我地秒杀左。
继续阅读
趁住周末，一家人又去揾日本好野食，系氹仔揾日式料理店其实都冇咩选择，大部份好食GE都起晒去赌场，上次去左中厨（骑师旁边），今次就试埋旁边既骑师。无BOOK位，所以都预左要等好耐，入到去竟然即刻有位 心情即刻大好服务员既态度都好好，一坐底就好快倒好茶，然后递上餐牌。点完之后，约10分钟，拉面就上台了哇，快到我都唔信。 先讲下 什锦锅仔拉面，味道方面，不过不失，拉面我认为偏硬，但胜在材料丰富，除左有大大只天富罗之外，仲有蛋，蟹枊同菇。拉面汤偏浓。好快，日式炸饺子就上碟，依个炸饺子真系好食，外面脆卜卜，但入面D汁全部锁晒系饺子入面，一咬落去D肉汁流晒出黎，正。土瓶海鲜汤，其实贪好玩见佢个餐单有个壶，就叫一壶黎试下，点知有惊喜 ，这个海鲜汤可以饮超过8小杯，汤清甜，饮完之后打开个盖，发现有鲜虾、菇、蟹枊、鱿鱼、带子等材料系入面，过瘾。海鲜炒饭，由于用珍珠米炒，饭干身而且饭粒分明，加上有鱿鱼粒，青口粒，虾肉，食落口好有口感。最后不得不提一下这个 黄金焗生蚝，生蚝焗得啱啱好，食落去唔会太湿或者太干，好味。 最后卖单，3个人550有找，抱住个肚走出门口，骑师质素真系几唔错，环境阔落而且干净，下次还会再黎。
继续阅读
位于(乙水)仔花城附近的骑师烧烤美食，旧址位于南新，亦是澳门较有"年资"日本料理之一．新店的菜式／刺身种类比以前更丰富，尤其是烧物更为多选择．不过今次暂时先选回我喜欢的刺身吧．．．．嘻．鲜带子刺身 － 很鲜甜，再配上少许的咸味蟹籽，层次更丰富．剑鱼腩刺身 － 一如以往的我喜欢浓味的鱼肉，剑鱼腩油香浓郁，卖飞佛！什锦手打乌冬锅 － 又是中规中矩的水平，面质比一般市面咬口感好．叉烧拉面 － 汤底香浓，但败笔之处在于配料放了白菜，原本尝著浓郁的味觉， 忽然被白菜的菜汁冲淡一下．不如换上两块海苔还好．
继续阅读
您可能会有兴趣的...