影片
电话号码
+853 28590161
开饭介绍
澳门老字号茶餐厅，提供各式各样的怀旧美食，务求以简单的材料，为食客带来最真实的澳门味道。当中以滑蛋牛肉炒河、西多脆脆等最受欢迎。茶餐厅的冻奶茶以玻璃瓶盛载，茶味特别浓郁。
继续阅读
营业时间
今日营业
07:30 - 18:30
星期一至日
07:30 - 18:30
以上资料只供参考，请与餐厅确认详情
相关文章
weekend 四点食个lunch, 唔使排队. 其实之前去过一次觉得一般, 当时又好多人, 坐得辛苦, 所以今次想畀多次机会佢...一入到去已经冇人理, 咁冇所谓啦咪自己揾位坐啰. 成枱都系碗, 冇人收, 冇人行过嚟, 冇人理...隔咗好耐之后有个阿姐黑晒口面咁过来收碗, 又粗鲁, 收碗收到嘭嘭声...都冇所谓, 我地自己睇嘢食. 我见到网上post咗有碟炒米粉想问下佢系咩嚟, 态度激差话系星洲炒米, 但系𠮶碟嘢系啡色嘅, 所以我哋想问清楚, 跟住就发晒晦气咁讲星洲炒米就辣嘅杨洲米就咪唔辣啰！ (好多谢呢位阿姐唔识答,但系又答咗等于冇答）...跟住佢就走咗到谂好食咩想落单𠮶阵又揾唔到人, 举晒手叫咗好耐都冇人过嚟,好唔容易揾到个阿姐喺附近, 大声嗌先落到单. 点完𩠌之后顺口叫佢俾两杯水, 佢问我哋要水定茶, 我哋未答到佢𠮶阵仲凶我哋话"谂清楚呀", 好快答咗佢要水, 点知嚟到系茶 (正！😂)...服务态度差, 可能嘢食能够搭救, 我哋叫咗个滑蛋叉烧饭同星洲炒米, 嘢食上枱啦。个滑蛋叉烧饭太咸，个滑蛋又唔滑，全熟嘅滑蛋，连啲饭都硬嘅, 求其街边茶餐厅都好食过佢..个星洲炒米先正, 米粉比正常份量少一半, 辣椒膏同盐比正常份量应该落咗双倍. 究竟系炒咖哩叉烧芽菜定系炒米粉, 令我十分之疑惑 😂🤷🏻♀️其实都真系唔明白点解啲游客店要做得咁差, 呢个算唔算系澳门版嘅九记？ 食完一肚气, 啲嘢又难食, 佢呢啲热潮过咗之后就应该唔会再有人去
继续阅读
嚟到澳门第一站拣咗呢间咖啡室食早餐🌞可能因为系平日加上过咗繁忙时段，所以唔洗等位就入得，好好彩✌🏻✌🏻铺头位置唔多，嚟食就要有心理准备要搭枱🙈✴️煎蛋蕃茄芝士包✴️名副其实有齐煎蛋、蕃茄同芝士，全部材料夹喺脆猪入面～惊喜就唔算有，但只蛋煎得好靓仔，食嘅时候蛋汁爆开，都几有feel🙈✴️阿华田脆脆西多士✴️肥仔西多士真系抵挡不了😈面头嘅阿华田脆脆好似唔洗钱咁，淹没咗块西多士！切开入面竟然有芝士馅，真系太邪恶了🥹
继续阅读
一日之计在于晨，咁梗系要食个早餐啦！资料搜集显示，我哋应该食一间传统嘅餐厅嘅早餐，所以就拣咗佢！由于我哋一日要食几餐，所以我哋都系嗌咗少少嘢食咗先试试～咖喱腩蛋菠萝包 - 原来而家早餐已经要食牛腩😳牛腩唔系太辣𠮶只咖喱嚟嘅、菠萝包个皮都好脆嘅，配埋个蛋汁，我觉得好似食紧个饭落肚咁😳如果一个人食有啲Heavy。西多士脆脆（阿华田）- 由于我系劲钟意食甜品，呢个西多士系几好，西多士炸得金黄、热辣辣、阿华田铺咗喺面（可以再多啲）、仲有炼奶、仲有旧牛油…..极级邪恶！ 食落去佢系偏甜嘅，口感几特别，不过都系同朋友share咁会开心啲，罪恶感冇咁多😌食甜嘢梗系要配返杯奶茶啦，有人叫咗杯冻奶茶，佢系用牛奶玻璃樽装嘅，唔系太大杯，少少偏甜啦。至于我就叫咗杯热鸳鸯，佢系比较苦少少，不过啱我，早餐系要有啲咸配有啲甜咁先啱啱好。原来呢间餐厅好出名，所以早啲嚟就会比较好，唔使同人哋争位。另外价钱上佢唔系特别平，不过食啲特色野，都值呢个价钱。
继续阅读
在周末的一个澳门游，当然要试一试不贴的餐厅及特色食品.马庆康南天咖啡室是喻为澳门人最钟意嘅茶餐厅，所以周末都很多人，需要排队等位。当日等了大约30分钟.以下系小编试了，又推荐的：1️⃣推荐1: 维记玻璃瓶奶茶小编系香港，维记玻璃瓶朱古力就见得多，但就未饮过玻璃瓶奶茶饮落香滑，茶味都重2️⃣推荐2: 阿华田西多脆脆一个十分不错的甜点，外脆内软脆脆系外面，令西多更多了一层口感.小编另外仲叫了滑蛋牛肉饭等等，觉得不过不失
继续阅读
马庆康南天咖啡室 Loja De Cafe Nam Tin 📍 新桥(三盏灯/白鸽巢)俾利喇街65号A趁住端午节假，我同朋友走咗转澳门，玩咗三日两夜，又食又饮叹下世界。我啲澳门嘅亲戚知道我哋一到埗就食咗一间网红茶餐厅后，话要带我哋去试下澳门真正嘅茶餐厅天花板。呢日我哋大概2点半左右到，好好彩等咗两张台就到我哋。带我去嘅阿姨同老板娘好熟，佢成日都帮衬佢哋嘅蒸肉饼同蒸鸡，不过呢日已经卖晒肉饼，加上我哋想打下卡，所以就叫咗啲人气菜式，又叫咗呢老板娘推介嘅饮品试下。 💰$45日式咖喱牛肉饭 🍛首先要介绍嘅就系呢个日式咖喱牛肉饭，估唔到喺茶记会食到咁高质嘅日式咖喱饭！佢嘅辛度同甜度适中，唔会太稀太杰，而且汁嘅量俾得好足，够捞晒啲饭嚟食！虽然我无食到啲牛肉，但真系要赞下佢嘅蛋，滑溜得嚟充满蛋香，每一啖都好满足。最重要嘅系佢唔会好咸，食完唔会好颈渴，呢个价钱有咁高嘅质素，可以讲完胜好多日本餐厅嘅咖喱饭！ 💰$42菠萝肉丁奄列饭 🍛爱试新嘢嘅朋友拣咗厨师推介嘅菠萝肉丁奄列饭，真系够晒新奇，够晒估佢唔到。大大件嘅奄列里面包住大量菠萝粒同五香肉丁，蛋同样香滑出色。呢个新奇嘅配搭令香辣嘅五香肉丁索尽菠萝汁，所以肉质比一般嘅罐头肉丁松软，创意值100分。有少少可惜嘅系佢无咩汁，食到最后有少少干。 💰$32冬菇蒸鸡 🐓阿姨佢一心嚟到食蒸点，所以即使拣好食咖哩饭，佢都要叫返碟冬菇蒸鸡过下口瘾。将冬菇切片然后连同切半嘅鸡翼一碟过蒸，鸡肉好嫩滑，所有鸡嘅精华都锁晒喺啲鸡汁入面，用嚟捞饭一流！ 💰$23辣鱼多士 (原条) 🥪我系辣鱼嘅头号粉丝，平时煮面食都会开罐嚟食！而每次过澳门我都钟意叫辣鱼嘅菜式嚟食，虽然系罐头鱼，但整得好食嘅话真系会令人一试难忘！本来我想食辣鱼飞碟嘅，但呢度好似无得叫飞碟，所以我就叫咗份辣鱼多士。多士烤得好香脆，但略嫌辣鱼太少，存在感不大。 💰$25柚子咖啡 ☕️大家有追开我文都知我唔太饮咖啡，但既然系老板娘推荐嘅，我哋就叫嚟试下啦。讲真，柚子咖啡，真系闻所未闻，我都系抱住试伏嘅心态去饮。搅匀后饮一啖，哗，好正！我仍然饮到咖啡嘅香味，但柚子蜜中和咗咖啡嘅苦涩，越饮就越似饮紧有咖啡香气嘅奶茶，柚子味唔会过分抢戏，成杯饮品好有层次，大家有机会一定要试下！ 💰$20奶茶 ☕️最后就系人气打卡饮品，鲜奶樽仔奶茶。奶香茶浓，加上系用返鲜奶玻璃樽装住，比较有特色，值得叫返枝打个卡。
继续阅读