影片
一间装修简陃, 只系开夜晚兼只做外卖的车仔面, 好多时都大排人龙, 我点都要一探究竟! 几个人都要排十分钟, 因为每人都唔止买一盒... 都有不少人嗌全餐面... 好似我企响街头度食真系得我一个, 澳门人通常都系买番屋企食的! 餐牌样样$18, 我真系唔知净𩠌定有面, 反正样样都想食, 倒不如来个全餐面, 十几样𩠌都只系$37! 出奇的是, 捞面竟然与汤面同价, 同埋系用饭盒装, 而唔系用汤兜! 个饭盒size比香港一般外卖饭盒还要大, 竟然有成尺长!师傅渌完面, 响个网篱度加酱油捞好才入饭盒, 如果当正餐的话, 劝你一定要加底! 你睇下我盒野d面响边???? 卖相不太讨好, 只见好多野扔埋一堆, 睇真d, 鸡脚都有4只! 绝无欺场! 那就先试鸡脚! 好林好入味, 完全唔驶用牙咬都已经去晒d骨! 当然要咬一咬松条骨啜埋里面d汁先冇嘥! 牛腩同样好林, 原因系佢切薄片之余, 每一旧仲要系半筋半腩, 我就系最钟意食呢d牛碎腩! 黄色果两旧一咬落去, 竟然系薯仔!!!! 我知道响澳门系普遍, 但我真系未试过薯仔送面, 粉粉林林得薯仔味, 其实觉得唔夹的.... 面就出奇的好奇, 生面爽滑弹牙, 咬落去即系断开, 唔会黏住d牙既感觉, 其他𩠌一般啦, 只系鸭红比较差, 冇乜味又鞋又浪唔起d汁.... 整体而言都系好味的!
继续阅读
您可能会有兴趣的...