影片
今日中午叫完外卖庆祝同事生日，下午茶时段又有个同事半自发咁请我地食下午茶，真系好开心原本想叫柏伦甜品，可惜打去佢地话爆咗单，送到我地都收咗工，所以转叫雍记，由于我成日买近住雍记的小丸子(泉碧)盐酥鸡，所以买完都会顺路去埋雍记买个海带绿豆，用黎解下自己食热气野的罪恶感而今次就系我第一次试杨枝金露+凉粉，无错，我就系想食凉粉，所以夹硬叫佢加，都系加多$2，有多样野咬下，口感都好D 但可惜的系，我一食就知太甜啦，整体碌柚肉唔够多，无咗个种酸酸地的口感，而且芒果都唔太香，无咩味咁，又加得太多炼奶，除咗个甜字外，我俾唔到其他评价 反而以前食开佢的中式糖水，好似喳咋个D 都无咁甜，仲OK 好食好在佢都有样好味的野，就系芒果奶黄糯米糍啦，过去我都试过几次，今次食仍然都KEEP到水准，奶黄同芒果粒夹得好好，酸甜硬身的芒果肉同溶溶地的奶黄夹埋"烟UN"的糯米皮同椰丝，唔会太甜，又唔会太腻，个人几钟意仲试咗芒果汁糯米糍，呢个又系太甜，仲要无咩芒果味，我谂我唔会再叫多次本身自己唔太钟意榴梿(其实系闻到都想逃)，但听到同事食个个榴梿糯米糍(好鬼死大粒)同榴梿西米露，都话好足料，好多榴梿肉，我系隔离都闻到劲重闻味，我谂佢D 榴梿产品都应该不错总结系雍记唔系样样野好食，但就一定有自己招牌，下次我仍然会继续买芒果奶黄糯米糍同中式糖水
继续阅读