雅佳茶餐廳

营业中

休息中

睇到介紹，專程過來試下，嗌左件奶油多，凍檸茶，然後茄汁焗豬扒飯（加芝士）。奶油多個包好似薄左少少😅味道正常的，檸檬茶不過不失。等左15-20分鐘左右，焗豬扒飯終於上桌。豬扒為炸的吉列豬扒，茄汁望落好靚🥫，兩大塊豬扒，都幾大件，蓋晒成個焗碟，然後撥開上面，見到底下的炒飯底都唔錯，我唔客氣了！食落係想像中期待的味道，豬扒、茄汁、炒飯底呢三樣都幾出色。不過因為本身呢類焗飯會好易飽肚，所以我一個人係食唔晒呢個飯的🙂‍↕️下次有機會再帶朋友來試過。

已經好多年冇食過啲間茶餐廳，一樣都係價錢實惠，份量多，味道不錯。抵食夾大件，碟頭飯都係三十幾蚊大碟到食唔哂。仲有甜品⋯芝士蛋糕都係十幾蚊一件！有驚喜⋯好味，可配飮品鄀係廿二三蚊

每次行去渡船街某餅店時，總在街角見到這店，總是望見那張cheesecake 相的poster 挺吸引，終於找了一次機會入店嚐一嚐。普通茶餐廳，卻有芝士蛋糕供應，而且仲有set 揀，可以配埋嘢飲。平平哋，廿幾三十蚊 (唔記得咗確實價錢)，嘆個tea。第一次食，都係揀返原味嘅芝士蛋糕，配杯熱菊蜜。芝士蛋糕味道不俗、芝味突出，質感如日式cheesecake般，軟綿綿、微鬆軟(但又不是一陣風嘅口感)，蛋糕口感滑溜，入口即微微溶化，整件cheesecake 皆為有水準之作，值得下次encore，可以試埋另外兩款cheesecake口味！