影片
澳门朋友介绍，原本放弃去揾这地方, 一心随便行, 一抬头就见这间舖, 企正系门口, 这是缘份吗?唔想食咁饱只系叫左猪扒饱, 肉质唔干, 够味道而不太咸咸牛肉饱, 咸牛肉加左洋葱好味只系个饱唔够翠口加支涷柠檬可乐真系乐透心
继续阅读
2月3日, 今次嘅澳门之旅快到尾声, 我地嘅平民澳门生活, 又点少得去食个正正式式嘅澳门茶餐厅~ 呢间金葡喺新马路附近, 近就近, 不过唔熟路嘅我地行咗好耐先揾到, 估唔到想食个茶记都几辛苦~ 7点几入到去, 人流唔多, 餐牌上都有几多澳门特式嘅食品, 拣咗好耐加上仲有个澳门朋友推介, 我地叫咗d好够平民嘅澳门特食~::: 葡式焗海鲜饭 ::: $35焗饭用个煲仔上,个汁溶溶地咁都焗得几香~ 以为葡式焗饭系用平时食葡汁𠮶d黄黄地色𠮶只汁, 但系呢种汁系用上焗猪𠮶d茄汁. 又真系估唔到, 味道都几好味, 虽然d海鲜又系普普通通嘅蟹柳、鱼柳、鱿鱼, 但系每一样加埋个茄汁配合都几好~ 个饭焗得干得嚟个汁可以湿润番, 令到d料都唔会好干, 而个汁又可以捞得晒成个饭食, 唔错~::: 沙丹牛脷饭 ::: $35沙丹呢样野真系喺港式茶餐厅见唔到, 我地都唔知系点样样嘅一个饭, 个沙丹又有乜特别呢? 我地都系经友人介绍, 先知系d乜~ 原来沙丹特别之处唔系个汁, 而系在于只荷包蛋, 白白滑滑咁放喺白饭上面, 拮开个蛋黄d蛋汁就流入d饭度, 捞埋一齐食十分之惹味~ 而个汁, 其实同焗饭个汁差唔多, 都系酸酸甜甜𠮶只茄汁咁, 牛脷都几爽口, 够淋易咬开亦都仲有牛味, 唔会好似香港d茶餐厅咁, 韧得嚟冇味道~ 虽然系普通嘅碟头饭, 不过都唔常喺香港食到, 几特别~:::西柚子蜜 ::: $13西柚子蜜都几重手, 味道本应都够, 但弊在d冰都落得好重手, 成杯未免太冻, 要减d冰先唔会沟稀杯野!::: 冻柠茶 ::: $12冻柠茶味道偏甜, 柠檬虽多但系味道唔浓, 普普通通啦~本来都叫咗个葡式马介休球, 只不过食下食下, 已经食晒个饭都未见个马介休球, 原本好想食都等到不耐烦… 唯有取消个order, 下次再食过呢d地道嘅澳门茶餐感先~
继续阅读
响议事亭斜对面, 上斜绕过蛇羹(旧时系粥店), 见到绿色矮栏杆, 见到间四川野转弯就到...呢间系茶记格局, 晚餐都冇乜款拣, 就系非鸡鸡扒饭拣, 有汤有甜品, 又系冇茶啡(要用汤换, 食完先知)...一路以为葡萄园既非洲鸡好好味, 点知一食呢间就发觉高一班! 果种香辣油油地个感觉最正! 鸡扒唔会干实, d酱汁都系薄薄地包住件鸡, 唔会大大劈咁挞响上面, 唔会觉得腻, 后面果两旧薯仔都炸过黎好香口的!
继续阅读