財神爺海鮮飯店

营业中

休息中

很久沒有到澳門大馬路，見到這間飯店人頭湧湧，於是一試。點了一個魚翅鮑魚餐，魚翅很美味，鮑魚新鮮軟熟易入口，鱔片肉厚肥美，鹽焗雞肉質鮮嫩，花甲時蔬夠新穎，最後鲜甜木瓜做甜品，兩個人全部食清光，性價比高，下次去澳門一定到此一遊。

好耐冇嚟到澳門啦，闊別三年即刻要嚟食返個翅先，一推開門企係門口那位姐姐招呼一流，作不會hard sell佢會介紹佢哋當日嘅新鮮海鮮，叫咗個翅食足夠4人份量材料都算多，蜜汁爆鱔係我最喜愛😋佢嘅椒鹽鮮魷非常惹味😚叫多個菜已經好飽啦😊送咗客甜品非常滿足

環境：係澳門大馬路附近，屋企人由十幾年前幫襯到而家，由一間舖變左幾間門面。普通中式餐廳茶樓feel，環境尚算乾淨，○近來多左好多大陸客，但都唔需要等太耐。衛生：有茶水毛巾洗手，以中式茶樓黎講算唔錯。食物：雞湯翅真材實料，雞濃湯異常鮮甜美味，推介必點，可以揀最便宜ge翅一試無妨，每人大約分到2.5碗湯翅。大部份小炒都好食，而且價錢相宜，蒸魚必點，大部份係新鮮海魚，係香港呢個價錢絕對食唔到。蒜容粉絲蒸蟶子/扇貝都係我最愛，火候岩岩好，粉絲吸哂啲汁好正。價錢：人均150左右已經可以大魚大肉，比香港抵好多，性價比高。會否再來：黎澳門都會黎幫襯，大部份菜式可以保持水準，中上之選。乾煸四季豆夠乾身入味，少少微辣感特別開胃小炒夠氣，份量十足蒸魚每次都一定會點，都係析海魚，肉質好結實，唔會好似養魚咁毫無魚味，而且價錢好公道

中午吃過自助餐後， 晚上原本想吃簡單的麵食 ，但又被魚翅吸引著。當時的時間大約八時半， 附近雖然有不少食店，仍未拿出主意之時，剛巧經過財神爺， 店內有不少食客光顧 ，也不用在門外等候 ，已經有一桌食客結帳離座 ，侍應隨即執枱， 叫我們入來坐下， 看著有魚翅的餐牌， 女侍應見我們只有兩人 ，推介我們吃$238的燉雞湯魚翅(正式菜名我不太記得) ，足夠二人分享，之後我們再ORDER一隻$38的乳鴿， 一碟芥菜$48。 魚翅亦算是足料， 內有一只雞腿 。乳鴿亦有鮮味。芥菜的份量亦正常。真的吃得很飽，侍應隨即給一碟水果，有西瓜和橙。之後 ，看見鄰座的兩位食客亦正在吃魚翅， 每人吃著的是$138/份魚翅 ，價錢雖然相差不多 ，感到魚翅好像多過$238的份量呢!

到澳門的第一餐，去酒店CHECK-IN完就去開餐LU朋友早一天已經BOOK左LEE間飯店DINNER，朋友要預早BOOK，諗住一定好好食啦！其實都係普通叫餸食飯的飯店啫......睇下今餐食乜餸先乜乜豆腐~~~味道好屋企，豆腐加入瘦肉碎，雖然好簡單，但味道好OK，餸飯一流花枝片炒西蘭花~~~花枝片好味喎，但西蘭花太"林"，煮得太熟了胡椒中蝦煲~~~胡椒味好香好出，蝦蝦都做得好乾身，蝦肉都好爽口，蝦肉都吸收哂胡椒香，香口又好味 脆膳~~~一碟野得6-8件，真係好例牌喎！而且賣相同味道好麻麻地，一D都唔脆焗禾蟲~~~焗得好乾身，味道不錯，宜家好少食店會做LEE個菜式LU，太多功夫了豉椒田雞籠煲~~~又係一個好例牌的菜式，田雞肉真係小得可憐呀，但味道係好惹味的黑椒牛仔骨煲~~~又係好惹味，好香濃的黑椒，牛仔骨夠入味 乳鴿~~~乳鴿肉好嫰，味道剛好，皮脆肉嫰魚香茄子煲~~~味道剛好，好少見魚香茄子煲會有蝦蝦喎！又係一道餸菜的菜式 椒鹽九肚魚~~~脆漿好薄好香脆，好味這飯店其實坐得唔太舒服，店內舊舊的，感覺好似好DIRTY咁個人覺得試一次就夠了

一個平時食飯的好地方，已開了三十年，價錢合理，落去一定要試下，我好多親戚朋友都當了半個飯堂，皆因佢地話侍應態度好，啲餸菜又出得快，唯一缺點就是唔可以坐太耐，要talk就要去番小泉居，如果落去有幾款菜一定要試下， 推介 1) 胡椒中蝦煲 2濃湯雞煲翅 3)紅燒乳鴿 4)滋補禾花雀(只限 10-12月)Yummy yummy! ^_^

今曰同班兄弟姊妹"行"完樂善行, 食完蝦子面, 又排不到翅, 結果去了這間"財神爺", 入到去招呼還可, 係咁推介個8-10人餐, 話$988好抵咪信佢LOR, 叫左冇幾耐, 個阿姐就話冇水, 又話冇乳鴿, 排骨, 好啦, 照轉, 又話爭10蚊, 要補差價...............乜都冇仲要補差價~~~上菜, 全部碟頭都係迷你例牌, 又細碟又少仲要唔新鮮蔥蠔~~唔新鮮, 有異味咖哩CRAB~~唔新鮮, 超迷你CRAB一品煲~~唔新鮮魚, 膳, 雞煲翅~~還可以極失望, 以後不用再來

在漁人碼頭小鋪頭內買了玩"大細"的用品, 相信在新年應可大派用場. 離開後就坐車來了這兒, 拍過照後看見出名經濟實惠的魚翅食店就在附近, 但見門外等著位的人可不少, 雖是有些想試, 但不想浪費排除時間就另覓食店. 行行拍拍的就來了這兒, 看門口鋪面應該都不會差得去那兒, 地方一貫舊式老飯店模樣, 因時間不多就隨便的點了數樣清熱解毒草龜湯($60) - 招牌湯水, 如真材實料賣六十元一點也不貴, 一打開湯盅蓋, 深黑色的湯水呈現眼前, 心中不禁有點兒卻步, 待放涼了點就喝一口, 味道甜甜的藥材不濃, 正如朋友所說這兩天吃了那麼多熱氣食物, 當清熱也不錯焗禾蟲 - 蛋面焗得乾身, 但內裡卻兼不夠軟滑, 禾蟲有陣怪怪的異味, 之前朋友嚷著要試, 但吃了一啖就舉手投降, 不知是我們不懂欣賞, 還是真的在水準之下蝦子柚皮 - 柚子皮帶些少澀味, 而蝦子可能下得太少, 所以一點鮮甜也沒有鹹雞 - 這個反而不錯, 雞雖然個子比較細小, 但雞皮沒帶半點肥膏, 肉質也尚算嫩滑, 鹹鹹鮮鮮的, 比起以上各樣已可收貨四個人叫了三樣食物, 但到最後也吃淨不少, 這個澳門之行, 吃了這個絕對浪費了胃的限額

早兩天, 由香港到了澳門玩左兩日, 第一晚友人介紹到叫了25蚊隻, 冇口感既, 咩咩(腥味都幾重), (原本以為係咕嚕肉, 食落都好), 太多都係外殼黎,同魚] 叫左但我冇試, 因為本人對椒鹽冇咩興趣 係我覺得最好味既. 一定要試下之後有生果食, D橙都幾好味不過最不滿既係既運作!!!!話說我地訂左七點食!!去到又指我地行黎行去, 又話依張唔得, 態度勁唔要得!!咁行黎行去都七點二先坐低, 叫埋野都七點三, 四...D野好快黎哂, 我地唔知點解又好快清哂..個陣太約七點六,七到, 突然有個女人放左張留野係到..七點半下一!!!!有冇搞錯呢? 咁分明趕我地走..之後個 D人又行入黎我地隔離, 驚死我地唔走咁!!佢應該要好好安排下留位既服務!!!!! 激死!!!如果下次我再黎, 財神爺我係唔會去!!

試左d 很普通既菜色, 如"蕉"鹽九肚魚, 很大條, 很香水蟹粥也份量十足, 鹽焗雞也一樣很香, 很有雞味

上周六過澳門玩，唔知食咩好?朋友叫我試這間飯店，於是就試囉! <br />我同埋條女叫一個二人魚翅套餐\都係$198, 翅都幾多, 湯濃, 招呼都幾好, 還有生果! 同區最低食<br />

大家可以去\"財神\"試佢\煲翅,湯濃分量足，翅都好大條，分量同價錢好合理。同埋d小炒都唔失望..龍蝦套餐\都好得..兩個人食(兩連一煲翅,啤酒,水果)都約$400..奇怪我會知咁多???因為我每幾個月就去澳門做一星期野...so堅料..大家可以比較...p.s.澳門有間野叫\"\"\"\"南洋\"\"\"\"大家千萬不光顧呀!!!因為是\"黑店\"架..就算的士佬介紹都唔好制..因為的士佬車你去有\"回佣\"架!!!本人真人真事個案:::4個人(4小菜,1啤酒.無飯,無湯,無翅)埋單\"\"$2000\"\"大元...所以係朋友既就話比\"d\" friend知...有仇人既就介紹佢\去試啦!!!!