影片
3个女子ORDER了一盆细的，原本是要订位才可以食，但我们很早去食，老板好好人立刻为我们准备。里面有：蟹、虾、蚬(超多)、鸡、鲍鱼、薯仔、菜，这么多的材料，细的我们都食唔晒。材料新鲜；绝对抵食。汤底已有海鲜及鸡的精华，真系令人回味。如果想食海鲜，这里是最佳选择，不过记紧要订位。我下次有机会都会再光顾的。
继续阅读
我系一个个个月都会过澳门 "揾食" 嘅香港人， 主攻中下价食品，即每位 $800 以下果种！ 由街头美食丶地道小吃丶百年老店丶米芝莲食店，食过不下100间， 呢间系我食过抵食夹大件嘅其中一间！记得第一次嚟食嘅时候，两个人叫在一个细鸡锅， 食咗一半已经见到旁边三个男人都系食一个细锅先知道原来𠮶锅真系好大个。。。 讲咗咁耐，一个细鸡锅有乜呢？ 一只鸡丶两只蟹丶四只鲍鱼丶十几只虾丶十几只蚬丶 好多薯仔丶好多娃娃菜， 记得第一次嚟食叫咗啤酒，今次第二次食，我唔会再上当： 因为一定要饮佢个汤底，真系好甜，而且系越煲越甜！食呢个锅系有技巧，首先要食咗啲鲍鱼，因为煲得耐会 "un"， 跟住就可以食其他嘢，我会由鸡开始食先， 因为海鲜煲得越耐越甜，但鸡煲耐咗一样会 "un"...今次我哋四个人都只系叫一个细锅， 因为想试下其他小菜，凉拌三宝唔错，木耳非常爽口， 白灼八爪鱼系第一次食，无谂过系日式铺头嘅芝麻八爪鱼𠮶只八爪鱼， 就咁食又得点，点wasabi 豉油食又得，yes 得咗！提提大家记得带湿纸巾， 因为𠮶度冇地方洗手， 用手食完海鲜会好麻烦！最后再提提大家，切勿眼阔肚窄，咪做大嘥鬼！P.S.椒盐九肚鱼张相好吸引，下次我一定会留肚食！
继续阅读
父亲节前夕，一家四口去澳门玩两日。临出发前当然要资料搜集下有咩好食啦！无意中见到有本杂志介绍表嫂美食，见佢又唔贵，咪去试下啰！佢个位置系平民住宅区都好难揾，我地都系坐的士去。最好去前打电话去订枱，因为地方真系好细，万一去到先冇位就白行，另外如果有特别要求加料或者有野唔食可以先同佢地讲，都好弹性。我地叫左个细窝，佢话2～3人食，点知个窝都几大。萝白，洋葱舖满垫底，上面条大头鱼好大条放满成个窝，条鱼好好食，煲左好耐都唔鞋，d骨好大条，怕啃骨嘅细佬都食左好多，我钟意食鱼，成个鱼头俾我一个人食晒咁滞。旁边仲有好多蚬，蚬都好新鲜，冇沙。仲有虾、八爪鱼、扇贝、青口各4只，冇咩特别啰，仲有一只细嘅膏蟹，好多膏。我地仲叫左一个砂㶽卜卜虾子粥（其实系有虾同蚬，挂住食唔记得影相）2支啤酒，1盒柠檬茶，埋单$390，每人$100都唔驶，4个大人都食剩少少（我尽左力唔想做大嘥鬼），系好抵食。总括，d材料都好新鲜，份量好多，服务都很好，只系地方真系细左d。其实本来唔谂住写食评，不过，竟然咁抵食嘅小店都冇人写过食评，唯有撑下场啦，下次再去澳门一定会再去！
继续阅读
您可能会有兴趣的...