43
6
2
电话号码
+853 2882 5354
开饭介绍
由两位葡国人开设,有不少罕见的葡国菜及炭烧海鲜,烧野猪颇受欢迎。 继续阅读
营业时间
今日营业
12:30 - 14:30
18:45 - 22:00
星期一
全日休息
星期二至五
12:30 - 14:15
18:45 - 22:00
星期六至日
12:30 - 14:30
18:45 - 22:00
付款方式
Visa Master 现金
其他资料
加一服务费
食记 (54)
等级2 2019-12-26
215 浏览
冬大过年🎉带着一家大细「过大海」团圆冬至晚饭🥘选择去官也街试食一间比较亲民价嘅葡国餐厅由於冬至兼星期日,一定要预早book位,否则「摸门钉」餐厅装修都算乾净企理,但枱同枱之间实在有啲挤迫外脆内松软,空气感十足涂抹牛油或沾枱上嘅橄榄油、黑醋,好食八爪鱼非常松软加入黑橄榄、洋葱粒拌匀淋上用橄榄油制成嘅沙律醋汁~醒胃喱个「葡国咸鱼球」炸得酥脆、几绵滑食得出马介休份量较薯蓉多啲有酒香、有蒜香,蚬肉饱满但就overcooked咗,啲蚬肉大部份离壳外脆炭香有肉汁,但就稍微韧咗啲不过证明冇落松肉粉饭粒充满浓浓海鲜味,食落鲜甜配料非常多~鱿鱼、蚬、大虾、青口、螃蟹BTW~逢星期一休息喱度地方唔大,想食就打电话book位稳阵人均消费$250~CP值OK 继续阅读
(以上食记乃用户个人意见 , 并不代表OpenRice之观点。)
等级3 2019-06-28
4144 浏览
数数手指都醒唔起几耐无嚟过澳门饮饮食食,应该都有两三年左右?今日请咗一日假同屋企人一齐过大海办理私人事,顺道嚟食好西近年澳门百花齐放,除咗一向都出名嘅葡国菜之外,连带开咗好多唔同类型嘅小店或者外国餐厅都进驻澳门,已经唔再系局限於只有葡国菜出名嘅情况。其实都系一件好事,拥有双重身份嘅我都希望澳门经济环境越黎越好,唔再系以前单单以赌场作招徕嘅一个地方,单以美食都可以吸引到世界各地游客到澳门旅游由於我哋都系临时决定晚餐去葡国美食天地,所以无系事前打电话订枱。不过都闻说呢间餐厅都好受欢迎 (特别系当地葡国人),办理完正事之後就坐赌场巴士向官也街出发啦去到餐厅问下佢哋可唔可以安排今晚嘅订枱,好幸运地可以安排到6:30 大约6:20左右我哋再返到黎餐厅,已经见到有一条短短嘅人龙系门外等餐厅开门 (晚市开6:30),当中不乏葡国家庭及外国人。餐厅准时系6:30开门,餐厅内里以四人枱或提供俾家庭用嘅长枱为主,以我所记得就无二人枱。环境宽敞,冷气够凉快餐厅不设搭枱,即使系两个人入座都会安排整张四人枱俾你。可以坐得舒舒服服,唔洗怕要同人撘枱或者人多时要将枱一分为二。餐厅装修怀旧而不失典雅,墙壁贴上部份报章报道,原来餐厅曾经得到米芝莲荣誉,难怪餐厅咁多人慕名而来除咗主菜牌、酒牌外,仲有另一个较细小嘅是日推介。菜式价钱中等,无我想像中高昂。最後我哋点咗是日推介里面嘅磨菇牛扒 (好似MOP128?)、炒蚬 (MOP138)、炸马介休球 (MOP45),仲有两罐芬达汽水 (留意返,餐厅无免费水提供)侍应服务态度几亲切主动,工作快而有效率,亦都会主动向客人推介菜式,现今餐厅要得到咁好嘅服务除非系五星级酒店。落单後,侍应送上餐前面包,系偏硬嘅猪仔包。面包按人头配给,温度系微暖以上,面包表面颇为脆身,一拎上手已散到成碟都系内里充满面粉香气,新鲜面包从来都唔需要加盐加醋都咁好食!然後其他食物都陆续上枱 🌟炸马介休球 - 一碟3件,新鲜炸起,切开一半时仲有热气冒出。清晰见到一丝丝马介休,内里混合少许芫荽作调味,唔会过咸🌟炒蚬 - 上菜时真系大碟到令我哋哗哗声啲蚬多到成座山咁!炒蚬以橄榄油、白酒、芫荽、辣椒调味,白酒味非常浓郁!蚬肉粒粒饱满,鲜甜之余仲完全无沙!真系一只接一只咁狂食啲汁用黎点餐包食都好唔错🌟磨菇牛扒 - 磨菇牛扒煎到大约七成熟,生熟程度刚刚好。好香浓嘅牛味,肉质唔算太嫩,但亦都唔会好似食柴皮咁伴碟嘅薯条系新鲜即炸,条条都好粗身。磨菇份量几多,磨菇汁煮得好好唔会过咸或太浓而抢走牛扒嘅肉味埋单大约MOP440-450 (确实价钱唔记得咗),都算几抵食,起码食完出黎系饱肚嘅。听到隔离枱本身想点葡式芝士但侍应话已经卖哂,当时只系7点左右,睇黎葡式芝士系好受欢迎 继续阅读
(以上食记乃用户个人意见 , 并不代表OpenRice之观点。)
等级2 2019-05-05
3494 浏览
五月二日,到澳门玩乐,见识到新马路的人山人海,避开人潮便过氹仔搵食,虽然冇预订,但排队 walk in 也成,一於在此开餐。二口子食量不大,故此只点了马介休球、烧羊扒、烧𩶘鱼及一杯生啤便算了。马介休球虽然叫做球,但呈长条形,和其他的餐厅所供应的球形不同,但是一吃下,正啊,味道调教得不错,也吃到了碎了的马介休,加上热度未减,好吃!羊扒有4件,加上配菜,份量十足。本来要五成熟,可以上碟一看,烧得太熟了,除了在最厚处的内部尚有少少粉红外,其余全熟。还幸味道不差,羊骚味很少,肉质细嫩,蘸了随上的薄荷,配合得宜,替过熟的羊争回不少分数。烧鱼是平实的烤熟,加上了点点海盐及柠檬汁,鱼烤得啱啱好,鱼熟而皮不会太燶,鲜鱼味道充盈,Good!食饱饮罢,满意而回,全餐连加一要$475,算是物有所值了。 继续阅读
(以上食记乃用户个人意见 , 并不代表OpenRice之观点。)
等级4 2019-01-24
4798 浏览
生日晚餐,选了在官也街附近的葡国美食天地,这间小店之前都没留意,朋友介绍下,再和几间葡国菜餐厅比较,选了这间。.中午刚巧也在这边吃,就walk-in订位,book到即晚8点,较早的时间就full了。.面包是偏硬的口感这里没水供应,要另外买的,这支二十多元也可接受。海鲜饭$168留意海鲜饭有两种,西班牙海鲜饭应是较乾身的,浸汤的是叫海鲜饭,没西班牙。海鲜饭的汤有浓郁的番茄味,带着鲜味,十分好味,平时不爱吃饭的我,也吃了好多饭,因为我喜欢湿吃。海鲜有虾、蟹、青口、鱿鱼等,虽不算上等新鲜,也可以啦。.烧牛肋骨$145像平常见的牛仔骨,骨多肉少,较多脂肪,吃得的肉便更少,但它烧到好香,也可一吃,薯条质感实在,炸得刚好。.Sangria $96难得好喝的Sangria,红酒易入口,不苦不涩,不用大量果汁来掩饰,主味还是红酒,但有少少果味,果香,最尾还可以把酸酸甜甜的橙吃掉。.有美酒,有美食,这生日晚餐吃得很惬意。近年着重健康,少吃甜点了,也可以不吃蛋糕。. 继续阅读
(以上食记乃用户个人意见 , 并不代表OpenRice之观点。)
等级3 2018-07-17
8402 浏览
工作关系,美味子去左澳门几日。是晚被安排去呢间小舖食晚饭,同事们话呢间餐厅曾经拎过星,好味又抵食而且仲要一早book定如果唔系会冇位。去到既时侯门口已经挂左全晚满座既纸牌,门口企左几个葡国人饮酒吹水,入到去有d葡式既装饰同阵阵既食物香味,时间较得啱啱好,d野食已经一早为我地准备好上左系枱。今次系美味子第二次嚟食,马介休系其中一样美味子觉得必食既,因为真系好食过好多葡式餐厅,系香港既话更加唔使旨意食到呢个水准。其次炒蚬同冷盘八爪鱼都系属於必食系列,炒蚬冇港式大排挡嗰d咁浓厚但确实几惹味开胃,会食唔停口。我地一大班人叫左几个焗饭好快就清晒,味道唔太浓同唔油腻,仲有好香既蕃茄味所以好开胃,美味子我连橄榄都食埋。不过是晚最好味都系碟煎猪排加薯条,热辣辣又脆卜卜既薯条加块煎得脆口又薄身既猪扒,我地好快清完又再encore左多一碟。另外其实仲有佢地既Sangria都好好饮,落足生果非常鲜甜,好可惜我地好快就饮完冇机会俾美味子留低倩影;仲有木糠布丁都好地道,不过美味子就觉得太甜,食既时候要配返杯咖啡/茶就会好d。 继续阅读
(以上食记乃用户个人意见 , 并不代表OpenRice之观点。)