聚龍軒粵菜酒樓海鮮火鍋

一班人突然間想去飲茶，於是約咗去聚龍軒，貪佢夠大容易搵位。結果我哋六個人一入到去就有位，呢度食嘅都係傳統點心，份量都OK。我哋去係平日，唔算非常滿座，不過環境都比較嘈，傾偈要講嘢大聲啲先聽到………查看更多

澳門平民海鮮，不得不提聚龍軒，碼頭落船坐3號巴士，半個鐘左右就到。今次同澳門朋友去食阿拉斯加蟹套餐，套餐優惠期有限，要食快手。我之前同朋友去聚龍軒單點海鮮，阿拉斯加蟹每斤160左右，加埋蟶子王、象拔蚌、龍蝦等等，$4XX埋單。今次一見有套餐就即刻BOOK，我地提前兩星期訂枱，10人席$2388，我地加3人(+$600) ，埋單每位$253。菜式方面，主打阿拉斯加蟹，用黎整芝士伊面，10人席有5斤蟹，我地13人，目測起碼有6斤，無呃秤，抵讚！蟹腳好粗，食落啖啖肉，每人都食到幾件。用蟹剪剪開黎食，美食當前，咩儀態都唔理了。雞煲翅，翅比想像中多同粗身，雞味濃，可惜唔係好膠。平時黎聚龍軒食海鮮多，第一次黎食翅，平均每人都有碗半（貪心的我食左3大碗！）清蒸大海斑，澳門海魚點都比唔上香港，肉質軟D同無咁魚味，海水味唔係好夠，但都算新鮮同大條。最後不得不讚蟹膏蒸滑蛋（阿拉斯加蟹兩食），講真，蟹膏唔算好多，但都有啖啖膏味，蛋真係蒸得好滑好滑，一食落口就直接SIR落肚，可以食一大碗白飯。其他菜式不逐一介紹了，自己睇相：平民價錢食到咁多海鮮，真心正，好耐未試過食得咁滿足，食剩好多菜，打包拎走唔好浪費。…查看更多

今晚一家人有飯局，來了聚龍軒。聚龍有有兩間(不同老細) :新口岸聚龍酒家：食叉燒出名，遊客多少少提督馬路聚龍軒：食海鮮勁正，街坊價。性價比極高。今晚菜單少肉，主要亮點有兩味：1:  勁大隻勁厚鹽焗奄仔蟹，爆哂羔。2:  花枝雞，功夫菜，先將燒雞起肉再放花枝於中間底層再加杏仁每間酒家都有其特色，但魚蝦蟹，呢個價錢澳門都係top 3。綜合評價: 食物>環境>員工*綜合性價比: Wow! 物超所值 (幾好啊!唔錯,有機會一定再來) *性價比1.  抵! (不代表平) 超乎想像的驚喜 (嘩! 無論怎樣一定要再來! 抵啊) 2.  Wow! 物超所值 (幾好啊!唔錯,有機會一定再來)3.  正常  (可以, 但這個價錢坊間有很多選擇)4.  物次價高 (都不是太差, 但這個價錢坊間有質量更好的)5.  有比較大的改善空間 (填胞肚算, 失望)…查看更多

聽朋友説十一月做海鮮promotion! 阿拉斯加長腳蟹只售168/斤，於是訂台嘗試 ，是次晚餐選擇打邊爐形式（有小炒提供）點了長腳蟹（5斤）聖子王，鮑魚，及其他火鍋配料，長腳蟹很新鮮多肉，基本每台都有叫長腳蟹，有些選擇原隻蒸，我們就蟹蓋蒸蛋，蟹蓋及膏混合蛋一齊蒸，很滑。聖子王很大隻，鮑魚生猛，其他配料都很好，新鮮。整體食物質素很高。價錢合理…查看更多