影片
香港人生活紧张,趁假日到澳门走走,放松一下!今次嚟澳门,打算参观世界文化遗产-郑家大屋,去之前开餐先,原本事前在openrice揾下附近有咩好食,谂住去南洋粿条面食店,点知我地11点几嚟到,无开嘅?! 又话开一至日嘅,门口又无贴字条,唔通去咗睇赛车?既然无开,试唔到,就要另觅选择了,一于试下几舖之隔的"老街坊"la! 其实嚟𠮶阵已经俾佢门口招牌吸引住,颜色够sharp,而"老街坊"呢个名我又特别喜欢,好有亲切感!唔知点解,今日突然想饮冻咖啡……叫咗个咖喱鱼饼面,其实个碗唔使咁大,D面上𠮶阵跌晒喺底,会俾人觉得份量少的错觉! 影相点可以睇唔到D面呢,所以已经俾我动手脚了!我觉得辣咗D,咖喱味唔够重,不过老公就觉得够辣,好正!
其实已经食饱,不过见到个牌同张相,有芝士的猪扒菠萝包,咁特别,一于叫一个拎走,晏D食!不得不提的是,店员姐姐服务真系好好,我同老公两个人嚟食,坐低咗拣嘢食,店员姐姐就醒目地额外拎多一个餐牌俾老公睇拣嘢食! 后尾有个男人嚟买外卖,叫咗猪扒包同咖喱牛肉包,因为咖喱牛肉厨房仲整紧,所以店员姐姐就提议客人改要牛肉包,当客人仲等紧𠮶阵,又有另一女子嚟买咖喱牛肉面,又系咖喱牛肉,店员姐姐就追问厨房整好未,终于整好,女客人有得叫咖喱牛肉面之余,店员姐姐唔使等男客人开声,就话帮佢转番咖喱牛肉包,真系令人觉得很窝心! 仲有个"芝朱波",我地话咗拎走,店员姐姐已经包好晒,见我拎番出嚟影相,主动话俾个碟我放上去影,咁可以靓D! 放喺碟影,真系靓好多ga!
继续阅读
您可能会有兴趣的...