影片
电话号码
+853 28938670
附加资料
楼上派对房可容纳15人, 晚间主要做私人派对
私人派对需于一星期前预约
营业时间
今日营业
12:00 - 21:00
星期一至五
12:00 - 15:00
17:00 - 21:00
星期六至日
12:00 - 21:00
以上资料只供参考，请与餐厅确认详情
相关文章
星期日下昼去澳门逃离一下工作嘅烦恼，冇急急脚嘅情况底下，搞到13:45先出到大马路。二话不说先去买左少少手信，方便一阵唔洗赶。途中见到一间之前bookmark咗想试嘅餐厅有开。买完就返去试试佢。间餐厅就系位于福隆新街嘅「老地方」，入到去见到两台客。好似都系本地人，不其然有少少信心。呢间餐厅其中一样菜式就系土生集会（tacho)。一望望个size同价钱有少少却步，standard size 系四人份量（$380）。我两个人食完呢个都会食唔到其他嘢。好在店员好慇勤咁介绍返个菜同埋话可以做过细portion俾我地。咁我地就连埋马介休球同干免治饭一齐落单。 先上枱嘅系干免治饭，个菜式名叫干，但系佢有只煎蛋系饭面同埋有啲薯仔粒。有啲水份同蛋液令到个饭口感唔会干争争，啲猪肉腌完炒到干身，睇落简单嘅炒肉粒但估唔到咁香。有惊喜👍🏻。喜爱度(5分为满分): 4.5跟住就到马介休球。炸得唔错，外脆内嫩。食到一丝丝嘅马介休肉。好食。喜爱度(5分为满分): 4最后就到今次餐晏嘅重头戏，tacho土生集会，佢名副其实系一个大杂烩嚟。里面有葡肠，腊鸭件，鸡件，排骨，猪皮同大量嘅椰菜。猪皮炖到淋晒，加上葡肠同腊鸭带到嘅咸香同埋椰菜嘅甜，成个菜式好似饮紧花胶汤咁嘅感觉，有胶质，汤奶白色。食完直头觉得唔够喉，有机会一定翻食。喜爱度(5分为满分): 4.5今次呢个午餐食得好愉快，店员好热情，仲会讲下少少个菜式嘅典故（香港少见），价钱亦合理。地点方便。下次过开澳门可能会同家人再去多次。
继续阅读
4个月内去左两次澳门，试左四间葡国餐厅，有米之莲，有长龙热店，比较之下，呢间细细间冇乜装修，乳猪有啲肥又唔系全部脆皮，食物外观普通，个场唔太爆⋯⋯竟然唔单止最平，仲系最好食！叫左乳猪拌黑醋沙律、马介休球、马介休意粉、无花果蜜梳打、冻柠茶，只系299(好似冇加一)，全部清碟，当晚顾客都系本地葡人，下次去澳门一定会再嚟食！
继续阅读
葡国肠来澳门值得试吓，不过要预咗都几咸。盛装的碗几可爱，是猪仔形碗。葡国鸡有自家制的感觉；特别欣赏咖喱汁，似系以鸡汁煮成，用来捞饭食一流，鲜味十足。鸡肉有腌制过，入味的。另外有薯仔、鸡蛋做配菜。马介休意粉芝士味很浓，应该加了不芝士。隐约吃到经盐腌制而成的鳕鱼，不会咸，就变成一个澳门特色的菜式。
继续阅读
早几年黎到澳门试过葡藉老板娘手势之后，一直都好喜欢黎呢度食无论小食或者晚饭。早几日再黎，下昼两点左右时间，无见到熟悉的老板娘，反而有个外藉男士看铺，因为一行5人地下座位唔够，要开楼上，但果位男士就咁开左门开左灯就无理我地，无开冷气好焗，唯有走返落去叫佢开冷气同比MENU啦。点知佢竟然寸寸贡问我地系咪墨西哥黎，咁既天气仲要开冷气？（全程英文）如果唔系专登带朋友黎试，我一定走人！待慢客人仲咁寸，所以好求其叫少少小食就算啦！或者以后来澳门未必再黎啦！
继续阅读
每次嚟到澳门...我都定必要食返个马介休球...因为真系好好食...外脆内软...清淡中带点鱼香同薯香...不甜不咸味道刚好...口感一丝丝一层层咁...连不爱吃薯类嘅我都深深爱上了...不愧为葡国菜嘅精髓...！咁啱呢日同男朋友去龙环葡韵睇完"暖恋紫情-薰衣草花展"之后...我哋就谂住去返波尔图度医下肚...点知去到系落场时间...想食就要等到1730了...男朋友知我肚饿唔想我等成个钟...佢就带我出返去新马路揾食...但系系大街上揾咗段时间都揾唔到葡国菜...咁我哋就转移去一啲巷仔度了...行行下就嚟到福隆新街揾到呢间餐厅...见佢冇人唔使等就入咗去了...𠮶阵已经1800好肚饿了...虽然舖头入面得3张台...但佢系1对3嘅贴身又贴心嘅服务...可见嘅菜式唔多...全部都系啲黑板仔上面...但系价钱可谓平民大众化...我哋仲好有礼貌问佢借个WiFi一用...最初我哋只系点咗4件马介休球(MOP$36)...仲有2件虾多士(MOP$18)同1份蚬肉意粉(MOP$45)...马介休球系精髓就唔多讲...反而想讲虾多士多啲...因为个虾多士我觉得好惊喜...！系除咗马介休之外...会令我再番桌嘅原因...三角形嘅外表...不论新鲜炸起或是放暖了...佢嘅外皮依然好脆...外皮脆脆的但也仍然保留咗少少水分...令到佢个皮唔会话好干...里面软软的也保持了不少水分...而且炸得一啲都唔油...佢个馅肉除咗系虾肉之外...亦都有啲虾粒或是原只虾仁...我哋最后系再叫多咗4件虾多士㗎！而另外个蚬肉意粉嘅蚬肉亦都好多兼好大粒...所以啲巷仔小店总系令我哋有意外惊喜...我哋就成日误打误撞就揾到啲好野食...只要有心...就一定会揾到好野食...
继续阅读
您可能会有兴趣的...