影片
天气热到唔想煮饭，一于偷懒叫个外卖🥡，当然首选叫泰国菜，开胃又好食😋。今次选择食过几次的 祖儿泰国菜 ，印象记得铺头有少量堂食位置，平时多数叫外卖，佢地外卖平台上面有啲描述好得意，好似可以选「餐前检查」「给车手打打气 一路上有你」等鼓励选项。.餐点选择种类亦多，由泰式家常便饭、小炒、汤品、腌物到甜品一应俱全，甚至各种海鲜类都有，抵食之选有两款经典常餐，人少少又想乜都食，仲可以叫「mini BOX」每种独立小盒包装👍。▼泰式椰子焗咖喱鸡 $85冬阴公汤 大 $80泰式炒花甲 $55腌青木瓜 $45泰式炒通菜 $40JOEY Whisky Soda $40▼原个椰子外送到 泰式椰子焗咖喱鸡 ，内藏焗咖喱鸡，香口惹味，鸡肉肉质嫩滑，刮埋入边啲椰子肉，一齐捞饭一流，份量亦多，留左一半隔日拎饭番工😂。.冬阴公汤唔会太辣，较重蕃茄味，酸味较出，内里海鲜料以虾肉以及各种菇类为主，啲料好似比以前少左，但整体饮落舒服开胃。..腌木瓜丝酸酸甜甜辣辣地，特别开胃，爽脆口感，唔讲笑一啖接一啖。平时多数饮开泰式奶茶、龙眼冰、椰青等饮料，今次点一款特别啲，祖儿特饮，用1shot黑牌、泰式 Soda 、青柠以及冰杯组成，清爽冰凉，有机会可一试。味道基本上不错，咸淡适中，多数叫经典菜式都好稳阵，水准保持得到，屋企长辈觉得几好，三百蚊左右五个菜，性价比可以。
继续阅读