影片
港铁天后站 A2 出口, 步行约4分钟; 地铁A1出口(步行约4分钟)
继续阅读
电话号码
26606373
68065382 (WhatsApp)
开饭介绍
创意日式烧肉店，装潢富有日本风味，以A5宫崎和牛牛眼盖做招徕，油脂丰富入口即溶。另外超长日式牛仔骨、牛味浓上等封门柳桶都值得一试，另亦供应猪肉、鸡肉、海鲜等。
继续阅读
营业时间
今日营业
12:00 - 15:30
17:30 - 23:00
星期一至日
12:00 - 15:30
17:30 - 23:00
以上资料只供参考，请与餐厅确认详情
有关餐厅
有关奖赏计划
相关文章
今日嚟到天后一间装修几有风格嘅韩式小店，主打串烧放题，最吸引系有马来西亚D24榴梿任食，真系好少见，榴梿控必定要bookmark！牛肉类选择特别多，包括精修牛舌芯、酱汁洋葱牛肉、酱汁特选美国牛五花、美国安格斯封门柳、荔枝牛肩胛串串同澳洲和牛M7牛板键。每款牛肉都切得厚厚地，肉质嫩滑，酱汁调味唔会太重，啱晒钟意食牛嘅朋友。特别推介澳洲和牛同安格斯封门柳，烧完油香四溢，牛味浓。豚肉方面有爽脆猪颈肉、酱汁豚肉片、厚切果汁黑豚、黑椒盐五花肉、果味酱汁五花肉同杂锦香肠。豚肉款式多样，肥瘦适中，特别系黑豚同猪颈肉，烧完有弹性又唔会太肥腻。海鲜同其他选择有蒜蓉牛油烤帆立贝、泰式生虾、烧菠萝、烧翠玉瓜同烧粟米。帆立贝新鲜，牛油味香浓；泰式生虾酸辣开胃，菠萝、翠玉瓜同粟米烧完更加甜美，食咗咁多肉之后嚟啲蔬菜或水果都好啱。鸡肉类有地鸡鸡软骨串、摩萨酱汁鸡肉、韩式鸡肉同蜜糖烧鸡翼，全部都香口惹味，特别系蜜糖鸡翼，甜甜地好容易一啖接一啖。炸物同烧物有猫山王榴梿酱烧薄饼、炸粗薯条、炸饺子、吉列炸虾同炸鸡块。即炸上枱，外脆内软，猫山王榴梿酱烧薄饼自己慢慢烧，仲带阵阵榴梿香，十分特别。主食方面有月见紫菜珍珠米饭、胡麻酱乌冬同辛辣面，饱肚之余又有特色，尤其胡麻乌冬香滑，辛辣面有啲刺激。最后重点推介D24榴梿任食，榴梿肉够新鲜香浓，食完咸嘢再食返几瓣，满足感爆灯。我地榴梿面食左4转😍成餐饭感觉无论系串烧迷定榴梿控都会满意，值得一试！
继续阅读
之前约左朋友去烧肉屋食烧肉+海鲜放题，因为喉咙痛唔敢食牛肉, 当晚专攻豚肉类（猪颈肉、厚切果汁黑豚肉、豚肉片、黑椒盐五花腩）、海鲜、鸡肉，仲有意外之喜 — 榴梿同榴梿烤饼！ 餐厅环境环境相当不错.，装潢都好有日本风味, 当晚有不少客人，气氛轻松又有惊喜。第一件事看看有没有啤酒. 因为烧肉一定要配啤酒, 酒柜有不少 Asahi 及其他啤酒, 同时见到雪柜内有 Haagen-Dazs 及其他雪条。 五款小碗酱料散发烧烤香，食欲即刻开。喉咙痛避开牛肉，豚肉真系主角！成盘豚肉. 仲有杂肉肠, 鸡翼等等猪颈肉烧得正，外脆内嫩。 厚切果汁黑豚肉多汁而豚肉片易熟、黑椒盐五花腩香辣扑鼻。用生菜包. 超正大只厚肉海鲜扇贝、生虾鲜甜、鸡肉。烧到熟度啱啱好，鲜香扑鼻。生虾, 不用加酱料. 超新鲜最惊喜是有榴梿！新鲜榴梿肉香浓滑溜，仲可以整榴梿烤饼，功夫不少. 要烧, 不可以放太久, 不时看, 要有外脆内软，烤好后, 才放榴梿肉, 榴梿肉浓郁得嚟唔闷，烤饼没有任何味道。但烤饼外皮香脆，内里榴梿蓉滑溜，互相配合. 食落有惊喜， 令榴梿肉味道更出，绝配。 虽然喉咙痛，但没有阻止享受美食味道。所以差不多饱时, 依然要食 番杯Haagen-Dazs 。整体来说，份量够晒，质素抵赞。下次养好喉咙，会再嚟睇下新海产同季节限定野食，仲想多啲榴梿相关甜品，期待下次！
继续阅读
发现到一个打卡胜地急不及待想推荐俾大家首先去相先所谓未赢食物先赢打卡如果带女朋友过嚟一定可以周围都可以出到相你方面都有好多唔同种类嘅，有甜㗎啦，有果汁啦有酒啦平时大家会饮多嘅饮品𠮶度都唔缺系俾大家任饮嘅首先枱面见到嘅迎宾小菜一定唔少得啦佢嘅烧肉上碟几靓系有特色烧肉嘅 佢个荔枝串烧牛肉好食 而且都有牛嘅唔同嘅部位 唔少得嘅海鲜，佢亦都可以拣我一份肉佢都有少少嘅调味料好有韩式烧肉嘅感觉最经典嘅系佢嘅五花腩肉份量够足 好晏啲重口味人士炸虾真系要推介因为佢啱啱新鲜炸出嚟嘅佢系放题任食嘅放到满枱都系食物啖啖肉真系好幸福最后令人惊艳嘅，梗系𠮶个榴梿啦上枱嘅时候系冰冻嘅再加上啖啖肉感受到店家挑选榴梿嘅用心最尾每人都唔使$400就出到去今次嘅体验几正 有时候支持小店都几好
继续阅读
收工同朋友食饭，佢book咗天后一间叫”烧肉屋”嘅餐厅，去到先知，原来佢已经拣好咗我唔食嘅榴梿放题，最搞笑系佢自己都唔食榴梿😆。好了，一个榴梿放题而冇榴梿食，到底仲食唔食得饱？答案系饱到顶住。原因系，佢本身包咗嘅食物种类繁多，净系牛都有好多款。喺牛之中最有诚意嘅系m7澳洲和牛，不过个人觉得封门柳更有口感，而荔枝牛肩胛都好特别。不过个人觉得今晚最好食，系蒜蓉牛油帆立贝。烧完之后，牛油味香爆。泰式生虾亦都做得有板有眼，够冻又大只。其他肉类都唔错，同样地有好多选择。想食其他嘢嘅，呢度亦都有啲炸小食，烧翠玉瓜，菠萝同粟米等等。烧肉当然唔可以缺少嘢饮，呢度有埋嘉士伯啤酒，算系有诚意，个人仲饮埋Asahi。至于甜品，Häagen-Dazs已经系标配，不过能得利柠檬可乐雪条原来都几好食，听餐厅讲系新出嘅！呢度嘅气氛都好好，周围都系倾偈饮酒嘅气息，好适合喺度同朋友烧肉一番。就算唔食榴梿，净系食其他嘢，呢个放题都已经返到本！
继续阅读
朋友介绍，难以置信有咁抵食嘅「榴梿烧肉放题」，$348食120分钟，包饮品（有好多款）同雪糕 。餐厅个经理姐姐非常好服务介绍，同热情。就算系任食，食物一点就好快上，餐厅唔会”dum”你时间，完全无漏单，非常之值得一讃！！Encore好多次叫咗以下几款肉：酱汁特选美国牛五花，肥瘦相间的纹理如大理石般细腻优雅。经秘制酱汁悉心腌制，将肉香与酱香完美融合。炙烤后，油脂在高温下悄然融化，入口鲜嫩多汁，浓郁的风味在舌尖层层绽放，每一口都是味蕾的极致享受。美国安格斯封门柳，其肉质紧实鲜嫩，富有嚼劲却不失柔软。烹饪后，肉香醇厚，肌理间的油脂，独特的口感；澳洲和牛 M7 牛板键，雪花纹理均匀密布，油脂含量恰到好处。烹饪时，肉香与脂香交织，入口即化。荔枝牛肩胛串串，呢个啱哂我呢个钟意食荔枝嘅牛魔王。鲜嫩的牛肩胛肉与清甜的荔枝串连。牛肩胛肉紧实弹牙，荔枝的果香清甜沁人。经烤制，肉香裹挟著荔枝的独特香气，甜咸交织，口感丰富。蒜蓉牛油烤帆立贝，新鲜肥美的帆立贝，在蒜蓉与牛油的双重加持下，烤制后，帆立贝表面金黄诱人，一口咬下，汁水四溢，蒜香、奶香与贝肉的鲜甜完美融合。将个蒜蓉牛油捞埋饭食好正好开胃。最后点少得叫主角，猫山王榴梿，果肉金黄饱满，香气浓郁醇厚，入口绵密细腻，令成个晚餐更加圆满。又有高质牛，又有榴连，真系好抵食，啱哂我呢个钟意食榴梿嘅牛魔王！！
继续阅读