熊貓葡國餐廳

营业中

休息中

十二點幾到, 無乜人, 去到一點幾的時候, 其中一邊己經幾 FULL 下. 睇住自己的黑眼圈, 同熊貓有得比喎.....首先上炸蝦沙律. 炸蝦落好少粉, D蝦都大隻, 味道咬口非常正.跟住上葡國雞. 食落都唔錯, 唔覺有乜味精.最後係葡式燒乳豬. D味好似德國豬手, 食落好似無中式燒豬咁熱氣, 好香口, 朋友覺得油咗D我覺得還好. D薯條都好好食.正正正.

記得第一次光顧熊貓，是2006年到澳門自遊行時，拾到一張$100的贈券當時心想，大派贈券的食店，食物質素一定唔方好啦.....好奇帶點貪心的情況下，才駒使我到這間位處得比較隱蔽的葡國餐館當時，我們一行二人還在地圖不停地找...... 氹仔施督憲正街到底在那裏的呢？之後，每次來澳門，也一定會順道來探一探熊貓除了因為其葡國菜水準不俗外，餐廳的環境、裝修得較古典舒適，也是其中原因更重要的是，價錢實在不貴，物有所值 最愛吃的，就是葡式燒乳豬；燒得脆仆仆、鮮紅色的豬仔皮，再配上鮮嫩的豬肉，絕對是經上乘的火候才能烹調出來；而且，份量是幾大份的......其他我幾喜歡的菜有，馬介休球、焗青口、紅酒燴牛尾馬介休球炸得幾香脆可口，不過一定要趁熱食焗青口由薯蓉配搭，水準不俗紅酒燴牛尾的汁相當惹味，加上薯仔、洋蔥等配料，用來拌白飯吃實在是最好選擇 ；再加上慢火炆的牛尾，肉質夠淋而鬆軟，易入口；牛尾肉盡吸紅酒的酒醉味，更是引人入勝，垂涎三尺 每次來光顧，總有點替它擔心，因為總是只得幾檯客，到底是否支撐得住呢？雖然每次光顧，食客總比上次的多，但希望它繼續努力吧！

官也街食肆選擇多，但始終想到誠昌回味一下那個馳名水蟹粥，可惜日間晚間均大排長龍，而附近其他食店亦因此被帶旺了。最後決定多走兩步，到口碑也不俗的熊貓葡國餐廳。晚飯時間，連較僻靜的熊貓也要等位，那就先來看看餐廳環境。店內一貫中高檔西餐廳裝潢，牆身、地面、以至桌椅均以棕色就主調，收銀櫃檯後還有一列紅酒櫃，配上柔和的吊燈光線，整體感覺不錯。不一會，剛好有客人結帳離開，所以等不到十分鐘便入座了。晚餐當然要吃得豐富些，但我們只有兩人，又不能吃得太多，唯有盡量避開些填肚菜式。蒜蓉包：頭盤為四小片蒜蓉包，麵包烤得香脆，蒜蓉味濃郁，正！ 非洲辣雞：賣相一般，但味道卻不俗。雞件不少，而且亦夠滑，辣汁頗辣，但非常開胃，配以蒜蓉包吃確不錯。 葡式焗青口：青口連殼以葡汁焗，香味四溢，亦可彌補比較乾身的青口之不足。 辣汁扒大蝦／芝士焗大蝦：屬高價貨，百多元一隻。我們點了兩款不同口味，然後交換試吃。兩隻大蝦蝦肉爽口彈牙，啖啖肉，鮮味十足；而辣汁／芝士兩款不同口味各有千秋，同樣出色。 蒜蓉炒椰菜：份量不少，蒜蓉味不太濃，也不油膩，很好。 整體質素很高，加上食物即叫即做，很新鮮，而且份量也不少，值得一試再試。

羊肉一D都唔蘇呀海鮮焗飯面頭好得意我地4人去约2百幾我地剛去到有旅行團走所以環境好靜而且我地後面眾有台外國遊客佢地叫左沙津好大碟但服務5太好la.......

行完官也街買完手信....是食晚飯的時候了.. 經考慮多次後..晚餐去木偶好(原來木偶餐廳已搬了新舖,在官也街門口,外表睇落好似好貴咁喎)小飛象好?還是其他好?實在太多選擇了..最終決定了熊貓餐廳...唔係行過都唔會發現這裡有間餐廳...在馬路的旁邊..門口得一條好窄的路仔...外面完全封閉住..睇唔到入面!入到去先見到冇人..得我地一枱人..心諗可能太早吧...D人未有咁早黎..點知我地由6:30 食到8:30 ..成間餐廳都只係得我地一枱..真係生意難做!我地平日星期二去..星期六日應不會這樣吧!但他的食物其實不差的.可能太好競爭對手了.一條街咁多間..又木偶又小飛象又公雞..地方又不明顯!食物係即叫即整的..所以都等得有點耐....怕太大份食唔曬..所以我地叫住3個菜式先!! 非洲辣雞 $ 58......附送餐包3個...個餐包好硬下喎...不過攞黎伴個汁又幾好味!雞算多同大件..底下伴用薯仔做底..不過就好辣...食2件都即刻要飲水了!! 炸馬介休球 $48....普普通通..沒什麼特別! 西洋燒乳豬 $158 ....黎澳門食葡國菜一定要小得食乳豬..不過這間的燒乳豬就貴

Husband and I spent a day in Macau, we didn't have too much time going over to Macau main island for a walk, so that we stayed in Taipa and hoped to find something special to eat.I have been to this Panda place many years ago. Remember my dad bought us to this place and had my first Portuguese meal.Because it was for lunch, we only ordered two dishes, plain rice and a bottle of beer each. Honestly, the dishes are much nicer than 小飛象 or 公雞. The environment is quiet, bigger and cleaner. It is wort

被的士司機鬧完(關於澳門美食之旅的笑料遭遇，詳情請看小弟其它澳門食評)、食完莫義記後，本來諗住去旅遊書介紹既紅屋食late lunch(4:30pm)，點知半路醒起紅屋要六點後先開，唯有係公雞同熊貓兩間中選一間...記得自己重係細路o個時，阿爸每次帶我地去澳門玩必定去當時好出名既木偶食飯，重記得門口位接待員成日都叫人過隔離公雞同熊貓食喇，因為木偶實在太多人，等成晚都唔知有冇位(現在的木偶自從幾年前試過後都唔想再去...)。o個時因為家姐唔鍾意"雞"，所以去左熊貓食，但係已經完全冇印像lu... 呢次有位朋友話鍾意"熊貓"個名多d，所以又係去左熊貓。我地睇清楚門口個營業時間再入去問過係咪營業緊先正式入去(因為又怕俾人鬧)，當時只得我地一檯人，又唔知好唔好食，所以先叫左以下幾款試試：食物：薯絲馬介休：比我們想像中好，新鮮炒起，幾好食。紅豆炆豬手：連唔多識欣賞豬手既我都試左舊，都幾好。牛仔肉：又okay喎，不過伴菜d薯條重受歡迎...鴨飯：okay喇，唔係勁討好但係一d都唔難食。因為以上四款都okay，所以再加左：蒜蓉包：得四細舊，都可以接受。燒沙甸魚：都係即整既，不過點解有魚鱗(係咪應該有

今次係第二次黎食..見朋友上次同我食都ok..咁今次就帶埋我sweetheart黎食啦...入到去一個人都冇....淨係得staff..可能七點幾太早..同埋係平日所以冇乜人係正常gei...最後都係點左少少野食...食了薯仔雜菜湯....葡國生牛肉...焗生蠔...同埋肉醬意粉....我地從未食過咁好味的肉醬意粉...真係好好味....生牛肉太大碟..因為味酸酸地唔食得太多塊...兩個人食都真係太多...生蠔八隻...for 2個人又係太多..所以都唔好兩個人去食..d份量真係多得好緊要....最後埋單都兩舊水.....飽到不得了....

今次揀熊貓,是因為朋友推薦.首先點了一份蒜蓉包 - 小小的四片兼少蒜蓉,實在不值$10.主菜先來雜菌炒椰菜 - 油多到影相會反光...牛仔扒OK,但沒有特別.馬介休球 - 不好吃. 相比我上次在小飛象吃的相差很遠. 太乾之餘內裡只是一"pat"東西;完全不是上次在小飛象吃到內裡一絲絲的馬介休球...燒豬仔骨 - 是晚比較好吃的東西. 豬仔骨都算大條兼多肉,而且燒得幾香.究竟朋友推薦的是否這間熊貓,還是有第二間?

次次來澳門老公都同我來里間餐廳, 今次加妹妹, 三個人食牛肋骨; 羊排; 炒雜菜份量吾多, 三個人食都係剛剛好(如果你跟住要食甜品的話)我意見就吾係特別好食, 叫做OK 咁啦, 不過去咁多次都差不多包場咁, 人少靜靜地食吓野, 談下心咁d食物都係即叫即造, 一定熱騰騰; 價錢方面同响香港食一樣

即刻整~大碟~

2年前食過，當時真係大件夾抵食，燒羊鞍，好大碟﹗飲品亦加大碼，唔會到喉唔到肺。另外點了葡式烤魚，燒西冷都好味，配菜有份量!!!

我o地食o左個辣蟹，蟹好新鮮又多肉，惹味又夠辣。另外鵪鶉同乳鴿都醃得好入味，同一般香港酒樓食o既味道唔同。最緊要係：好食過佛笑樓好多。仲飲o左支「泥樽」紅酒。唔錯o架！不過呢間頗為大間o既餐廳，竟然得兩個企堂。一個永遠聽唔到我o地叫佢，我o地又永遠都聽唔到佢講乜。另一個就永遠都唔記得我o地order 乜o野。真係救命。好心阿老闆就請多個人啦。呢餐埋單七百幾，六個人o黎計叫抵食。

Waiter幾hard sell~西汁焗蟹- 個sauce好似越式牛腩o既sauce~ 但蟹就無蟹味~紙包牛油蝦- 牛油味香, 但係d蝦太老~燒羊架- 肉夠"酥", 調味都幾好~ 最好食係依味~紅酒賓治- 賣相同味道都麻麻~ (無紅酒味)一支細o既葡國白酒- sparkling???埋單三百幾~ 同九如坊相比, 差好遠~