影片
电话号码
+853 28453615
开饭介绍
以烧烤菜式及葡国菜为主，包括葡式冻虾、烧羊架、盐烧海立鱼、底辣椒炒蟹等，营业至凌晨4点。
继续阅读
营业时间
今日营业
12:00 - 04:00
星期一至日
12:00 - 04:00
以上资料只供参考，请与餐厅确认详情
相关文章
嚟咗澳门咁多年，都系第一次食哩间林记，第一道菜葡式冻虾，开胃d洋葱劲好味，第二道咖哩牛腩，我哋一人食咗个猪仔包点咖哩，份量劲充足，香口劲惹味又食漏口，第三道跟住系大蚬，同行人话超有惊喜，牛油香草汁底，不过呢间真系劲好食，第四道香脆乳猪小小饭，皮脆肉嫩，两个人饱到傻咗，再加支大啤🤤性价比极高，一定会再嚟帮衬🤩
继续阅读
谂住去澳门食宵夜，网上好多介绍嘅都系乜乜大排档，好多都开得唔夜。见到呢间林记烧烤开到凌晨四点，啱晒，食完晚饭就过去。嚟港珠澳大桥搭的士去大约$70，位置有少少隔涉，系住宅区楼下，兜咗一阵先揾到。叫咗佢嘅signature 葡式冻虾，系唔错嘅，虾够弹牙，出色位系个酱汁，有parsley，生洋葱，橄榄油同醋，酸酸辣辣，好开胃，但性价比好低，6只唔算大嘅虾要$125。再嚟都系signature 嘅芥末羊架，叫咗细份，有三件，唔算大，食落芥末味好浓，甜甜地，好食，但件羊架有少少肥，不过好juicy。呢个咖喱牛脷正常发挥，用咗咸牛脷，腍得嚟有啲爽爽地，口感唔错。加咗个猪仔包沾嚟食，个包好好食，真系外脆内软，加上啲咖喱，好正。再叫咗一串烧粟米，系一条分开四旧，食到有牛油蜜糖味，好食。仲叫咗杯马来吉仔水，一杯雪碧同一枝青岛，两个人埋单$4xx。 整体嚟讲系一间味道唔错嘅小店，不过某些菜式价钱稍高，都值得再帮衬。
继续阅读
一齐同屋企人去食澳门林记烧烤啦，我嗌咗芥末羊架、咖哩牛肉、蔬菜同猪仔包先讲芥末羊架，真系好正啊！羊架烧得刚好，咁啱啱好熟，肉质鲜嫩多汁。配上芥末酱，够辣够香，令味道更加突出。真系令人回味无穷，系我最爱嘅一道菜！至于咖哩牛肉，就冇乜特别啦。味道中规中矩，咖哩酱味唔够浓郁，冇乜惊喜，算系普通嘅一道菜。猪仔包味道唔错。皮香脆，好味。至于店铺环境，就较普通啦，冇乜特别。冇咩装修，就系一个简单嘅烧烤店。坐落位置有啲难揾，要耐心揾。
继续阅读
很久没有去林记烧烤，很怀念那一道自虐又好味的香草芥末羊架，一落船立即去食宵夜。2个人只点了以下食物，但已经好足够 ﹕香草芥末羊架 –羊架烤得好靓，表面洒上面包糠，中间涂了蜜糖芥末酱，肉质烤至约7成熟呈现嫩嫩的粉红色。肉质保持弹性没有骚味，份量超足的蜜糖芥末酱，可以达至鼻塞也畅通的境界。但甜甜的蜜糖酱，令我吃了仍想追吃第2件。真心推介必吃之选。葡式冻虾 – 一共有6只已脱壳的虾围住碟面，大大只爽口弹牙。碟底洋葱粒酸酸甜甜醒胃生津。串烧鸡软骨 / 盐烧鸡翼 - 师傅功力深厚，鸡软骨烧至干身脆口，鸡翼烧至皮脆肉嫩，还带有肉汁。炭烧牛肋骨 – 因为本人不吃牛，不过朋友说好味有牛味抵食的。桔仔冰 – 带清新桔仔香气不太甜，还有粒话梅吊味，够冻解暑 特别一提澳门氹仔林记烧烤不是在氹仔的，是在澳门本岛，千万不要被它的名字误导去错地方。
继续阅读
见港珠澳大桥 开通左, 就周围揾下有咩食, 发现林记烧烤 网上评价话性价比唔错.就作为行程的最后一餐.一去到 店面唔系好大, 但都坐左7,8成. 服务员安排坐楼上的坐位, 冇咩装饰但环境干净咖哩崩沙牛腩 $80 , 烧 wasabi 羊架 (唔记得), 同烧鲜尤 ($130) 推介一定要食.咖哩汁香浓, 小小甜小小辣, 牛腩口感几好,配包配饭食一流, 羊架配上wasabi , , 口感几好, 主要系靠佢二个汁 调味. 抵食.食饱饱之后就出街口 坐 102X 二个站就到港珠澳大桥 返香港. 哗 好方便.店铺系内街入边, 唔识路就路在口边.
继续阅读
您可能会有兴趣的...