津津

营业中

休息中

又有酒店半自助餐介紹🥳依家好多地方都做緊折！今次約埋朋友，一齊試下W hotel入面既津津午市半自助餐（$156）🍴想攞足優惠，可以先入mfood買團購飛。去到自助沙津吧任食，主菜可以係menu入面揀📖主菜：肉骨茶最有驚喜，估唔到係一個小火鍋上，肉同菜都好足料，個飯如果可以濃啲既薑黃飯會更好🔥非洲雞則同出面餐廳食開有啲唔同，佢整得精繳啲，仲係雞入面包左層糯米飯👍🏻沙律吧：沙律吧唔算太多野食，亦都唔係咩名貴野食，但都夠哂我地食🤭有各款沙律菜、生果、卷物、甜品。值得一讚，生日可以免費有個小蛋糕。餐茶除左一般奶茶咖啡，亦有唔同既中式茶用保溫樽裝住，好細心🩵

Dinner 價錢合理，由6:00食到10:30，食足4個半鐘。職員有善態度好好，不斷refill 食物（燒鵝除外，只有1round)整體食物都好食，款式多，座位好寬敞，坐得舒服，同鄰坐有點距離。冷盤生蠔新鮮冇腥味，蝦好大隻，龍蝦，蜆，螺，青口正常操作，不過今日唔見有蟹。刺身有吞拿魚，三文魚，希靈魚，八爪魚。。。。。新鮮。壽司無試，望落有5,6款 。仲好好多醃製既冷盤，沙律。沙律菜好新鮮好靚，芝士有4款，生果差唔多有10款。飲品有幾個雪櫃，有汽水，支裝啤酒。側邊有香檳。最多人飲一定唔係汽水，因為佢有手沖咖啡，多款即沖手沖飲品，有幾款熱茶（用保溫壺裝，keep warm好細心)，仲有膠囊咖啡機，果汁。甜品有好多款，高質有水準。個紅莓朱古力蛋糕真心高質，tiramisu 個咖啡係咖啡果凍黎，幾好食。巴斯克蛋糕一般，因為唔夠滑。斑籣蛋糕個樣平平無奇但又幾好食，有驚喜。雪糕有6款，無講咩牌子，其他蛋糕都好味全部都食哂。如果有waffles 食會加分。另外有candy corner.熟食好多款，個人鍾意去左皮既燘芥蘭，羊架，豬肋骨，鐵板燒，pizza，強烈推介法式千層蔬菜，真係好出色。仲有蒸龍蝦

自助吧 分為冷盤 壽司 煙三魚 芝士拼盤、沙律水果選擇多 壽司 煙三魚都出色 淨係食壽司都飽呀S。質。甜品幾靚 味道吾會好甜 主菜揀了其中兩款 刺身海鮮丼海鮮丼非常足料 6款刺身新鮮 鮮甜肥美雙層芝士牛肉漢堡 漢堡味道正常 好大份 漢堡扒牛味唔算突出 夠多肉汁。伴菜煙肉沙律 薯條自助吧質素高 環境好 價錢合理

今次是第二次來澳門津津吃自助餐，選擇這裡吃自助餐的原因是因為第一次吃完後覺得很有驚喜，所以再次光顧，但這一次回來，驚比喜還要多，大部份食物品質下降，先說說凍海鮮；除了生蠔我上一次有提及過比較鹹，而今次是正常以外，凍蝦的肉是淋的，龍蝦的鉗好像橡皮膠一樣，龍蝦的肉太硬實了，很難咬得開，生醃界的代表「螄蚶」，這一次居然沒有，其他熟悉的食物，味道比上次都略為較差，最搞笑的是煎鵝肝，想吃鵝肝的人都希望會是一整塊的，因為上次吃的時候都是一整塊的，但是這一次，竟然把一塊開成四件，鵝肝小到好像我的手指尾一樣，這樣吃下去，感覺好差，完全吃不到鵝肝的那種香味；另外中湯「姬松茸雞湯」完全沒有味道，那個菇吃下去是苦的，其他食品都一般般，很難想像第一次很有驚喜的津津，今次再來為什麼會變成這樣？好失望好失望

生日正日，來試一下，澳門W酒店內的津津自助晚餐，比較一下和香港的Kitchen的分別，香港食過好幾次，但今次，在澳門的W食自助晚餐，感覺非常好，要感謝兩位服務態度好好的員工（Ken&Kirsty ) ，當晚的自助餐，食得最開懷的是生蠔，因為我實在太喜歡食生蠔，而好多酒店自助餐，生蠔只可以每次2-3隻，每次都要走幾轉，這裡不同，可以隨意攞，喜歡攞幾多就幾多，完全冇限制，食得很開心，凍海鮮方面，好新鮮，而刺身方面，如果可以多幾款選擇就更好，熱食同樣都多選擇，最驚喜的，是自助餐還可以打邊爐，飲品方面亦相當多選擇，唯獨一樣美中不足的，凍海鮮和熱食比較鹹了一點點。最後，要多謝餐廳當晚送上的生日小蛋糕，令整個用餐的晚上，畫上完美句號。亦留下了美好的回憶

去到澳門搵食，點都會預留一餐食吓自助餐。今次選擇咗W hotel嘅自助餐廰 ‘津津’。用餐時間由 6:00pm-10:30pm, 可食足4.5小時。餐廳地方唔算好大，環境舒適，枱與枱之間距離可接受。當晚入座率大概8成，感到周邊不會太嘈。至於員工服務態度亦感滿意, 但經驗方面仍有改善空間。食物方面款式選擇不算多，雖然基本要有嘅都會有，食物水準普通。廚師是日推介：蟹肉他他多款凍海鮮，生蠔等。 食了一round, 未有再encore。廚師即埸蒸海鮮： 東星班， 海蝦， 帶子等。推介多款不同熱食鐵板燒焗生蠔，龍蝦多種甜品款式就我而言，我對自助餐嘅食物款式，認為真的不需要太過多不同選擇，因為基本上無可能試得盡所有款式。但至少要有幾款令人感到驚喜，可以留下印象嘅食物。好可惜當晚這裹未有任何食物能令我留下印象。