影片
以上资料只供参考，请与餐厅确认详情
㖊日（28-6-2025 Sat）同老公到澳门睇黎明演唱会，由于演唱会开得早，就同老公傍晚食晚饭，嚟到时都多人，睇完menu后，就要MOP45.00嘅滑蛋芝士猪扒菠萝包，MOP48.00嘅马拉盏猪颈肉捞油面，MOP26.00嘅菠萝冰，同MOP18.00嘅热柠蜜。嘢饮先到嚟系正常，热柠蜜够甜冇问题。3分我冇饮到老公嘅菠萝冰，只食旧菠萝，正常冇问题，唔太甜。然后马拉盏猪颈肉捞油面先到，见到都几大碟，唔辣嘅马拉盏几香，猪颈肉正常爽口，油面口感都正常。4分滑蛋芝士猪扒菠萝包须要啲时间至到嚟，我移一移个碟，都冷不防原来佢系一只热嘅铁碟，而睇见都好大份，同已切开一半上枱，睇见滑蛋芝士都几厚，虽然呢个后啲上，我哋都趁热先食。滑蛋芝士系滑，不过唔会太咸，猪扒juicy,亦唔咸，菠萝包唔系几够油酥同唔甜。4.8分服务：基本上有礼貌，不过放低滑蛋芝士猪扒菠萝包时，提一提醒只碟热会好啲。但都自动俾多一只碟同俾一对胶手套。抵食系2.7分
继续阅读
✨猪扒芝士蛋菠萝包🫵🏻呢款包创意十足 仲要大大旧💛💛菠萝包面头有应有嘅香气，包体松软。猪扒好juicy，同芝士+滑蛋都几融合🍳.✨肥牛炒乌冬最钟意呢个‼️乌冬色香味俱全，炒得好有镬气 微微焦🔥乌冬就系粗身啲𠮶款，而肥牛炒得刚好 一啲都唔韧👍🏻🐮.✨猪扒炒意粉意粉都系炒得好有镬气 微微焦，好索酱汁嘅精华，但可能相比于乌冬 食落油腻啲🤏猪扒大大块，外焦内嫩🐽.✨奶茶红豆冰未听过呢款红豆冰就try下佢🫘发现港式奶茶➕红豆唔系好夹🤣🤣但两样分开品尝系冇问题。
继续阅读
喺氹仔行左半日，行好好攰，预备去酒店的路程想揾间餐厅食啲嘢，咁啱行过呢间外观几特别嘅餐厅，朋友话佢朋友食过觉得ok好似就系呢间，所以我哋就入去试试。喺平日又喺游客区，呢间餐厅都几多客人。我地叫左炒肠粉同云吞虾子捞面炒肠粉好大碟，肠粉比一般大旧，但我就觉得硬左少少，唔够滑，食几旧已经觉得饱。云吞虾子捞面，因为好耐好耐以前喺澳门食过，都觉得好食，所以今次又试下。不过佢嘅虾子味唔够，佢嘅汁（好似系鼓油汁）太多，有啲过咸。以呢个价钱唔包嘢饮，我觉得有点儿贵。而且值得一提餐厅好多乌蝇呢个又要再扣分。
继续阅读
落咗船去食个早餐先，但系又唔想去小红书攻陷嘅冰室，所以就拣咗「梳打冰室」，可能不是在官也街主街，情况比较好少少，而且仲几有特色，有室内同室外，我就坐喺室外，空气清新、有雀仔叫声、系把红色太阳伞影响拍照少少效果啫😛☕️奶茶MOP18: 茶味香浓，唔使落一粒糖都好滑、好顺喉👍🏻🧋咖啡红豆冰MOP28: 咖啡都好香，红豆🫘都够淋（我就钟意奶茶多啲😝）🥐黑松露炒蛋牛角包MOP40: 黑松露好香；蛋无炒至全熟，仲系有少少流质、好滑；牛角包香酥松软，好正😋🍴干炒牛肉通MOP48: 好似瑞士汁炒通心粉，一般啰✨🍽马介休球MOP42: 马介休球新鲜炸好香、好脆，咬开仲可以见到一丝丝鱼肉，好出色，下次都一定要点😋😋😋
继续阅读
黎到澳门真系好想食马介休球因为好耐好耐之前旅行都有食见呢间冰室个menu有就入去试下加上天气太热想走入堂内叹下冷气叫返杯冻饮休息下先虽然喺呢度order马介休球未必系正宗嘅味道但见就脚又有就试下一上枱就闻到好香而且系新鲜炸好热炸到脆脆好香口都食到一丝丝嘅鱼对得住个价钱有余另外猪扒饱整得外脆内软味道刚刚好加上洋葱爽脆本人觉得值得一试加上起码呢度有得堂食又有大冷气总括黎讲呢度可以hea下休息下食下小食不失为一个好选择
继续阅读