影片
开饭介绍
来自马来西亚的连锁品牌，主要提供欧洲班戟，包括俄罗斯、法国、荷兰等地的咸、甜班戟。
继续阅读
营业时间
星期一至四
12:00 - 22:30
星期五至六
12:00 - 23:00
星期日
12:00 - 22:30
以上资料只供参考，请与餐厅确认详情
相关文章
今天过大海，预订此餐厅吃pancake。好多款式，有咸有甜。我们叫了一个甜原味pancake，有3块和6块选择。原味即有蜜糖、云呢拿雪糕和香蕉。热烘烘的，好好味。姐姐叫了朱古力卷，有好多榛子酱，nuts，我个人觉得有点太甜。爱朱古力的人可能会喜欢。我们亦点了一个芝士薯条加薯角。又是热烘烘的，好食！配茄汁、芝士酱和松露酱，不错！
继续阅读
严严夏日，到埗午餐第一站拣咗呢间班戟店外面天气严热，加上从大马路朝大三巴步行上嚟都有一段距离，份外炎热由于系Openrice订咗位所以唔使等就可以入座啦刚巧被安排近门口的梳化位坐低马上叫嘢食先先送来Mocha够晒冰冻咖啡唔会太甜唔错紧随送来一款甜食「水果百宝盒」其实系鲜果配上细细粒既金钱班戟加上云呢拿雪糕呢款啱晒夏天食金钱班戟细细粒一啖入口表面微焦而有香味连同士多啤梨酱同鲜果/雪糕一齐食有少少饱肚感而开胃鲜果有奇异果，士多啤梨，桃，香蕉加埋少量提子干同好脆口花生配衬另一咸食拣左波尔图「荷兰薄饼」荷兰薄饼其实有一块好薄好薄嘅脆饼放于上面配料有西兰花车厘茄芝士烟肉粒仲有只荷包蛋睇落有啲古怪，实际好味到爆薄饼整得够薄而脆唔会有腻感西兰花处理过略为软身，与其他配料口感较相衬，唔会“硬倔倔”车厘茄够酸甜蓅果加埋芝士刚刚好减少肥腻感包住一齐食够晒美味整体环境食物都非常满意值得推介大家来试下
继续阅读
榴梿pancake超好味，薯条好脆，同埋最钟意佢提供好多汁点， 芒果冰沙清新，好评！朋友坐得好舒服！ d 荷兰饼系脆架！必叫朱古力招牌果只！地理位置方便，食完柠檬车露顺便来
继续阅读
澳门真系好细 但要食正野 真系冇得唔捐窿捐罅😂 呢间以窝夫为主题嘅小店 几特别😋----------韩式芝士辣鸡荷兰薄饼 ( $75 )薄饼四边整到好薄脆 但个饼底竟然系窝夫😆 窝夫唔厚 烟烟韧韧😄 饼面舖满好多材料 鸡肉有少少似照烧鸡肉嘅感觉 有芝士 沙律酱 椰菜 等等材料 个汁有少少辣但几刺激😁 店员仲教埋你点食最好😗-格仔饼汉堡 ( $82 )第一次食咸窝夫 配上汉堡、芝士、牛油果、蕃茄、青红椒😂 汉堡肉松软 唔系平时食好实嘅汉堡 不过易散啲😅 调味方面啱啱好 牛油果加左分😄-紫薯卷饼 配紫薯蓉、草莓、紫薯雪糕 ( $68 )紫薯pancake加埋紫薯粒雪糕☺️ 好大pat紫薯蓉喺入面 唔会太甜 不过皮略嫌厚左啲啲 食哂都几饱 可以当正餐食都得😂-杂果黑糖麻糬窝夫 配香草雪糕 ( $68 )中间系麻糬馅 令个waffle烟烟韧韧 不过雪糕融得好快😂 虽然系甜品 但伴碟劲多生果 感觉上都健康啲😋-欢乐奇遇 ( $34 )用奇异果 荔枝 青柠 加梳打整成 饮落唔会太甜 真系饮得出奇异果味同有粒粒生果😬-原个菠萝沙冰 ( $36 )沙冰偏酸 因为系原汁原味😬比较杰身 唔会成个都系冰😂
继续阅读
食完生煎包，麻糬同炭烧鱼饼包呢啲pre-lunch之后，终于要正式食个Lunch啦而今日既Lunch亦系本日行程其中一个重点 - 《Paddington》，我地选择去既系欧式呢间，因为想试佢个卷饼（注：Paddington系澳门系分欧式同美式两间，卖既野系唔同架！）今次既位置就系闹市既一条小巷入面，行入去你就会见到一间黑色玻璃屋架啦！环境好恬静嫁，好似远离左闹市既繁嚣咁，入到去仲几好坐添，好大嫁，有2层，楼底都好高，完全冇压逼感！最岩我地避下雨同食个靓lunch倾计😚😚！睇完Menu之后（Menu超大本嫁，图文并茂），我地就有左决定啦！就决定叫 - 三文鱼牛油果卷饼 同 抹茶红豆卷饼！同埋我地好好彩㖞！最近做紧promotion，只要like同share佢地个fb page，每点一样野都可以加$1换1只炸蚝，而每一样野最多可以换3只，换句话讲，我地可以换6只，但因为唔想太饱，我地只系换左3只者1）吉列蚝 ：⭐️⭐️⭐️新鲜热辣炸起，食落超脆！不过太厚粉啦⋯⋯蚝其实好细粒，尚算有蚝味既，1蚊只，好抵！！合格！2）三文鱼牛油果卷饼 ： ⭐️⭐️⭐️⭐️⭐️大爱呢个班戟卷饼，薄身得黎好软绵绵，卷起左一层层好有层次！馅料用左三文鱼同牛油果，味道配搭出色，好夹又健康，唔会话牛油果/三文鱼太重味，而系入口先黎一阵牛油果味再有三文鱼味渗出！（屈小姐点果阵仲以为系烟三文鱼，原来系熟既三文鱼！只味仲好夹添！）最要赞系佢加左生菜丝！口感加爆分之外，加左菜更加好食食！又唔会漏！不过⋯侧面D千岛酱其实可以唔驶加/点，因为佢味道太霸道，会遮晒所有味，除非你真系好钟意食千岛酱啦⋯⋯少少建议比Paddington: 如果卷饼切口位啲千岛酱可以唔好咁重手/放碟边等食客自己点就好啦！因为头两啖真系太多千岛酱，遮哂啲味3）抹茶红豆卷饼：⭐️⭐️老实讲，呢碟野除左靓，真系太令我地失望啦⋯简单D讲系多几层既超滞豆沙包咋A) 卖相: ⭐️⭐️⭐️⭐️⭐️影相呃like一流！相信冇乜人有异议！而且佢个样其实好吸引，好似好好食咁连我地都被骗B) 抹茶雪糕 ： ⭐️冇抹茶既回甘味，系假绿茶味，只有甜味⋯而且好快溶，要尽快食C) 抹茶红豆卷饼 ：⭐️⭐️靓就靓啦⋯一食落口个红豆味太抢⋯劲甜，完全食唔出抹茶味⋯连绿茶味都唔觉呀！超似759卖紧果个抹茶红豆豆沙包，唯一好过佢既只系多几层only 最后我地要用溶左既雪糕做酱捞埋黎食先食到D，无做大哂鬼D) 士多啤梨 ：⭐️⭐️⭐️⭐️唔好讲笑，成碟个亮点就系粒士多啤梨，又香又甜！我地即时谂到如果我地叫士多啤梨吉士卷饼应该劲好食！唯有下次试过⋯Ps 会再帮衬个三文鱼牛油果卷（少酱）！ 识简野食其实应该好好食#美食治愈心情#有个为食女朋友系幸福既#约定你下次再试#偶尔揾间舒服餐厅撑枱脚也不错
继续阅读