影片
舖头面积比较细，价钱有少少贵，不过质素系好嘅。卜卜蚬：汤底系清汤加大量嘅蒜蓉 ，同一个熊仔造型嘅牛油。叫咗小辣，但系其实食落都冇咩辣。上到枱个造型好靓，打卡一流。睇住啲蚬慢慢卜卜地打开，好疗愈嘅感觉。蚬肉好鲜甜。因为汤底比较清，所以就食到蚬肉嘅清甜味，同埋比较浓郁嘅牛油味。另外佢舖头嘅豉油都比较甜，就算啲蚬点咗豉油，只会增添少少鲜味，而唔会太咸，系好味嘅。打边炉材料:顶级牛肋王：嚟到先知原来系牛肉粒，冇睇清楚。大部份牛肉粒都有牛筋，要煮得耐啲先会腍，否则牛筋嘅部份会好韧。牛肉味非常浓郁，系好味嘅。👌🏼美国牛小排：质地嫩滑。但系因为食咗牛肉粒先，味道会显得淡一啲，冇牛肉粒𠮶种牛肉味好浓郁嘅味道，但系质地系好嘅。😕西班牙猪腩肉：肥膏好多，正正常常冇咩特别。唔算特别鲜甜，少少韧。蜂巢冰豆腐：索晒鲜甜海鲜味嘅汤底，非常好味。👌🏼玫瑰虾滑：食落同普通虾滑冇咩分别，都系爽弹嘅，但系冇食到玫瑰味。另外黄芽白或者油麦菜都会索左汤底嘅鲜甜味同牛油味，好味。总结：少贵，但几高质。
继续阅读
去亲澳门都必定会去帮衬👍可以预先订咗，预留食材为咗熊啤啤卜卜蚬😋😋本人系蚬怪，超级钟意食贝类完全冇沙好鲜甜，有劲香牛油蒜蓉香草味另外个乳鸽BB超级好食，必点完全好有味，新鲜即炸烧粟米有意外惊喜，估唔到咁食都好食之后仲可以叫菜打边炉，款式多，够新鲜👍👍👍去澳门嘅都可以试试喔😊5个人去人均消费都系$200超值之选
继续阅读
【食游澳门】旺德福 - 好味又可打卡！卜卜蚬煲真系无得输！个煲造型劲得意，见到熊仔开始跌落个汤底到我仲尝试救佢。个沙白阵又排得好靓，打卡一流。味道方面，加左蒜蓉，牛油，小小辣椒，食落微辣好好味，冇沙。如果冇开嘅沙白，最后佢会主动捞起再换d新既放落㶽。乳鸽都系一绝！d皮好脆，肉嫩多汁又够香，咸度岩岩好！另外有牛小排，肉嫩好滑都系推介。再放杂菜，有娃娃菜，生菜同菜心，放汤都好甜。环境干净，地方唔算大但坐得舒服。服务态度好好，主动帮你搅下未熟既沙白，又帮客人落墨鱼滑落个汤度。食品同服务都非常满意。最好打定电话去book位。
继续阅读
同老公去咗澳门玩🇲🇴夜晚就Search下附近有边度有得食卜卜蚬。发现最近系旺德福，所以就直接去。餐厅唔算大，不过都干净企理。我哋一坐低就叫左佢个卜卜蚬先!! 好大盘，系牛油蒜蓉卜卜蚬!! 微辣口味!!新鲜又好味，蚬肉又大又滑👍🏻好正! 老公仲叫左一份麻辣蛳蚶🌶️一向唔食蛳蚶嘅我，都试左一只，又大又滑又腌得好惹味~ 老公都大赞😋最后仲叫左份烤金菇，外表平凡，但一样都好正!!仲有一杯正常发挥嘅咸柠七! 值得一提，餐厅服务几好，店员俾咗个盘我哋放蚬壳，基本上8成满就会帮我哋清，非常勤力，感觉良好。绝对会再帮衬。(⁎⁍̴̛ᴗ⁍̴̛⁎)
继续阅读
嚟到澳门氹仔旧城区，依间人气火锅店以旺旺黄金多多蚬作为招徕，更加被「卜卜蚬关注组」大力推荐！➖✨ 旺德福火锅.餐厅装潢风格现代时尚，座位宽敞，环境舒适。除咗提供传统的火锅配料，更有多款创新特色菜式。➖🥢 旺旺黄金多多蚬｜$288（⭐招牌）.依道「旺旺黄金多多蚬」卖相十分精致吸引！满满沙白蚬整齐地排列成花瓣咁，中间仲有一只可爱小熊造型点缀，极具视觉效果！汤底以蒜蓉、辣椒、牛油和米酒简单调味，搭配爽口鲜甜嘅蚬肉，味道清甜！➖🥢 顶级美国牛小排｜$238（⭐推荐）.牛小排切薄片，叠成火山嘅外型，十分有视觉冲击！牛小排油花丰富，肉质柔嫩，简单涮煮几秒，牛肉入口即化，牛味浓郁。➖🥢 美国牛板腱｜$148.牛板腱油花分布均匀仅仅中间带著一条嫩筋，而且脂肪比较少。食落有咬口而且肉味浓郁。➖🥢 黑毛肚｜$78.黑毛肚七上八下渌一下就食得，涮煮后依然保持爽脆弹牙口感。➖🥢 新鲜鱿鱼｜$68.鱿鱼筒肉质爽口弹牙，吸收煮过沙白蚬嘅牛油蒜香汤底，味道鲜甜！➖🥢 黑松露墨鱼滑｜$88.黑松露香气浓郁，手打墨鱼滑口感爽滑弹牙，十分不错。➖🥢 弹脆蟹籽虾滑｜$88.虾滑质地弹牙，搭配蟹籽嘅咬感，口感层次丰富。➖🥢 窝蛋鲜奶牛肉｜$88.嫩滑嘅牛肉片配上鲜奶和蛋液，微微涮煮后，牛肉更加丝滑柔嫩，风味十足。➖🥢 蜂巢豆腐｜$38.豆腐吸尽煮过沙白蚬嘅牛油蒜香汤底精华，口感软嫩爆汁。➖🥢 劲爆芝士牛肉丸（4粒）｜$78.牛肉丸用匙羹呈上，造型独特，牛丸外层弹牙，咬开香浓的芝士内馅，香气扑鼻，芝士控不能错过！➖🥢 旺旺麻辣三宝｜$108（⭐推荐）.作为凉拌前菜，麻辣三宝包含了花甲、花螺及鲍鱼，爽嫩鲜甜嘅花甲及花螺，配上秘制麻辣汁，辣得过瘾又开胃；而鲍鱼就用上矶煮鲍鱼，肉质厚实而且软韧细嫩。➖🥢 旺旺麻辣熏蹄｜$58.同样凉拌前菜，猪手切薄片铺满碟面，加上蒜醋汁及辣椒碎，微辣惹味又开胃。➖🥢 青岛啤酒｜$25.➖➖➖➖➖➖➖➖➖➖➖➖➖➖#Ming_Course #澳门 #澳门一日游 #澳门好去处 #澳门探店 #澳门火锅 #澳门美食 #氹仔美食 #旺德福火锅 #旺旺黄金多多蚬 #卜卜蚬关注组
继续阅读
您可能会有兴趣的...