0
1
0
食记 (1)
等级4 2021-01-13
142 浏览
打破对车仔面档传统印象,呢到透光既玻璃窗到入面多处打卡点,睇落好乾净舒服,而且有开放式透明厨房,可以睇住师傅剪车仔面配料。成间铺主打做面食为主,系旧式邮箱到拎餐牌圈完落单,完全无难度。六福面 ($38)瑞士鸡翼 ($8)牛肚 ($10)自选车仔面—炸猪扒红肠捞油面 ($31)热车仔奶茶 ($10)玫瑰荔枝红茶 ($13)有选择困难症朋友叫三好面或六福面最岩,拣好唔洗烦啊😆,好似我咁想食丰富啲,六福面满足到晒,有齐卤水蛋、卤水翼尖、卤水猪耳、鱼蛋、白卤水鸡脚以及猪肠。另外单点瑞士鸡翼及牛肚放埋落去,变左八福面(?)😂。想自己自由发挥既可以自选车仔面,自己拣面底、汤底、配料、加咩汁和自选食材,我今次拣左「炸猪扒」「红肠」「捞油面」,跟葱花、炸蒜和腩汁,自由组合属於自己车仔面。六福面咁多材料$38算是性价比中上,虽然有六款配料,比预期中每款份量小,图中系外加多两款单点,不过好在味道还可以,卤水方面味道正常。而另一个自选,强烈建议要点⚠️「炸猪扒」外层酥脆香口,而且唔会乾身,捞油面配埋腩汁几时都咁惹味😋。例牌一人跟一碗细汤仔,味道可以跳过😅,另一个必试重点⚠️⚠️放系枱面任夹酸菜意外地好合我口味😆!整体不过不失,无大太记忆点,系环境气氛有加分! 继续阅读
(以上食记乃用户个人意见 , 并不代表OpenRice之观点。)