影片
招牌菜
食记 (7)
十一国庆假期，当然不会浪费，与友人们一行六人一起到马交饮饮食食﹗上星期先同食家去完，今个星期又去，当然要去试试新野吧﹗友人介绍一间在澳门的星级名店，关闸的台山水佬荣﹗呢位师傅就系台山水佬荣喇﹗听说在澳门有好几间叫水佬荣的食店，呢间新明珠先系正货﹗店分地铺与楼上雅座，地铺小小，楼上却别有洞天，数个单位被改成食店，放满一张张餐枱与座椅﹗大排档装潢，但可放心有冷气，坐得舒服，空气亦流通﹗墙上贴满来帮趁过的名人呢﹗睇墙上既广告招徕，呢间水佬荣开到去台湾添﹗煲内除了花甲及蟹外，仲加入十多只野生菇菌，睇资料佢话好有营养添﹗蟹可自由选拣，我地六个人食叫了一只大膏蟹及一只大肉蟹﹗每只都重两斤﹗呢个蟹煲系我地六个从来都未食过咁贵既锅底﹗剩惠$1100﹗大既膏蟹肉蟹在街市买一斤都要成百几银，出街食又点会唔洗呢？汤底是冬荫公汤，叫小辣已经可引出海鲜的鲜味﹗花甲大只亦甜美﹗唔系流野，只蟹钳都成个碗咁大只﹗肉质实净清甜﹗一起筷后成班平日嘈乱巴闭的即时静哂﹗啜啜声此起彼落，唔洗几个字已清哂所有花甲同蟹﹗味道确很好呢﹗不过真系几贵，要发o左先可以再试多次﹗花螺又系想叫与唔敢叫之间，因为$200一斤﹗街市细只的上次见到都$120一斤，只有咁样同自己讲先无咁肉赤﹗螺味浓，完全不用蘸上任何酱汁，新鲜烟韧，一生都要豪一次﹗呢度出名的有手打猪肉丸，一客8粒$45，肉味香浓，值得一试﹗椒盐鲜鱿，见落似有少少炸过龙，㶶㶶地的﹗不过食落蒜味极重，送啤酒一流，大家也很钟意﹗手打墨丸，又系$45﹗真正墨鱼鲜打，丸内大量墨鱼粒，好吃必试﹗最后用番佢个汤底用来煮公仔面，极重口味但有阵阵蟹香，过瘾﹗食物很不错，系个主角真系贵o左少少，友人话佢每次来唔加蟹都只系叫花甲锅，约$200左右真平得多了﹗饮左成廿支啤酒，最后埋单每人$330左右，用料好，有咩喜庆节日可来一试呢﹗
继续阅读
听闻这间是正牌水佬荣店, 就黎试一试佢撚手既花甲蟹煲, 由于有小朋友同行, 朋友亦话有其他小菜叫, 但去到先知, 呢道系只有火锅食物, 结果要在附近买粥同肠粉for小朋友食只知这店驰名的是花甲蟹煲, 实际是花甲煲$180一煲, 蟹是有糕蟹同肉蟹选择, 收费$150-$170一斤, 普通叫一只蟹系大约是一斤十至二斤(佢地系用好粗既咸水草黎扎) 花甲蟹煲 : 我地叫左一只二斤糕蟹, 连埋个花甲煲大约$500多, 个煲同openrice既相有出入, 比想像中少, 并不是叠得好高, 同埋中芹,葱等配茶都算少, 有点失望, 可能系我地叫得一只得两斤既蟹关系吧, 味道唔错, 但唔觉鲜甜, 系咸味多过海鲜应有既鲜甜味 白灼花螺 : 都好大只, 一碟有大约15-20只(冇认真数过), 因为系白灼, 所以只可评论花螺本身既质素, 螺既头好硬, 系冇办法咀嚼到, 只可咬走个头净食尾部, 仲有就系香港人习惯食螺时点甜酱同辣酱, 这店是欠奉的, 只有豉油同辣椒豉油选择听埋个价钱先俾icon, 叫果阵没有问清楚多少钱, 冇得怪人, 埋单时先知, 15-20只白灼花螺承惠$400 黄金虾 : 卖相唔错, 蛋黄比例都算平均, 虾亦都一只手咁大, 蛋黄味道尚可, 但问题系主角, 虾虽然大, 但一点虾味都没有, 就连蛋黄味都只系仅仅到虾肉, 整只虾系淡而无味, 简单d讲, 就系壳出面既味入唔到肉, 如果以渣华道东x比较, 佢只有不超过两成既水准同样, 听埋个价钱先俾icon, 又系叫果阵没有问清楚多少钱之下, 6只黄金虾承惠$480夹埋3支啤酒同一碟唐蒿, 埋单$1580, 只好奉劝各位, 黎呢道试花甲蟹煲就好嘞, 其他野食就....... 仲有一样野不可不提, 店里环境应真麻麻, 地面湿滑, 周地烟头, 在这样地方已经预左侍应服务差, 果然不出所料, 以下是辑录几句俾大家欣赏下:请问有咩好野食 "餐牌果道有写啦"想问系咪得咁多 "你地谂到先叫我啦"我想问有冇小菜食 "呢度系食打边炉架吗, 边有小菜嗌架"咁, 我想问花甲.....(此时个侍应阿姐已唔出声走左去)
继续阅读
澳门同事话去食水佬荣 (其实我想纠正一下, 间舖名应该叫做"新明珠之家", 但佢舖头出面会写住由水佬荣主理, 系个人名黎架!), 一定要去呢间, 近关闸呢间先好味!!今次去澳门玩, 第1晚既晚餐就去左呢间~其实今次系第2次黎架咋, 上次令我同事带我黎, 食过番寻味, 所以自己去澳门都要带埋朋友一齐去! 可能夏天既关系, 都冇乜人, 几好!2个人竟然食左咁多野!首先当然叫左个花甲蟹辣煲(少辣), 2个人咁少, 所以叫左佢拣只最细既蟹啦! 因为肉蟹$144/斤, 糕蟹$176/斤, 一只都成1斤几, 所以好贵架! 我地叫左肉蟹, 鲜味d, 1斤9两, 好贵!果然, 只蟹真系好鲜味~ 劲多劲多花甲, 可能因为得2个人食啦~ 我上次食就一大班人, 所以觉得唔系几够喉, 但今次真系劲多, 食黎食去都仲有, 其实真系食一个煲都够, 但我地又为食, 所以仲叫左肥牛、手打墨鱼丸同埋生菜。劲饱! 肥牛普通啦, 因为唔系靓野, 可以不叫。手打墨鱼丸都算系佢地既招牌之一, 可以一试, 系几弹牙架呢间野未必好多游客识, 但系澳门人实识, 同埋花甲蟹煲香港好似冇乜得食, 都几特别架!
继续阅读
爱食蟹的人,如不来这里,人生必有缺憾!!至今还没发现比它们更美味的蟹煲!!从5蚊两肉蟹食到8蚊两,有6,7年了,地方颇地踎,主角是野菌花甲辣蟹煲,不辣也可以,同样美味,汤底极鲜甜,会上隐的,不知是否加了大麻!!卖相非常好,很状观,花甲的啡色,内蟹红色的壳,白色的肉,加上葱的绿色,颜色配搭完美!!蟹啖啖肉,很大只,很鲜甜,很滑;花甲爽口无榨,`清甜味美;野菌花款多,口感不同,有些爽口,有些甘甜,有些滑溜溜,层次丰富,有益健康!还有其他火㶽𩠌可加,如羊肉,各式丸等,肉丸必试,肥美甘香!
继续阅读
每次去澳门都会去食花甲蟹煲, 今次都唔例外, 一行四人.叫咗个大蟹煲, 再加咗碟牛肉同菜再加椒盬鲜尢, 已经好饱花甲蟹煲内有好多花甲, 芹菜及什菇结账都系$600左右
继续阅读