影片
同男朋友去左澳门两日，我地住巴黎人，第二日就行威尼斯人。行到过威尼斯人大家都肚饿了，就去左food court揾食填饱个肚。个food court啲野食都好贵，拣左好耐之后就拣左呢间。呢间pizza pizza有pizza，意粉同三文治，三文治同意粉就$68-$78到，pizza好似大约$100（唔太记得），咁我就嗌左个三文治。呢个三文治叫Venetian，大概等左20分钟，入面有芝士、火腿、辣火腿。佢个面包系好似pizza咁，外面烘到好脆，咬落入面超软熟。块火腿唔系普通金妹嘅火腿，而系一田或者city super即切𠮶类火腿。芝士烘到溶哂，一咬落去好滋味，加上少少辣味，食到停唔到。无谂过food court都有啲咁好味嘅嘢食。不过啲薯条就无咁好味，一咬落去就实左少少，唔够粉。$78唔算好平都唔算好贵，食落好味就抵返哂。同埋我嗌嘅时候唔知道原来有薯条跟埋，所以食嘅时候觉得抵左。大家有兴趣都可以试下，推介。
继续阅读