影片
话说寻日生日，又返去我嘅second home-澳门，check in 完肚仔饿饿地于是去揾嘢食先，谂到一间之前嚟到点知果日晏昼冇开嘅居酒屋，一入门口已经好似去咗日本咁充满和风嘅装修，好，入坐准备嗌嘢食啦！我同夫人嗌咗北海道茶渍饭、豚软骨乌冬、和风照烧鸡肉丸子、 昭和焦糖鸡蛋布甸。首先嚟咗北海道茶渍饭，个饭有蟹钳、帆立贝、同好多三文鱼子，茶渍汤好香，每啖入口都有好多三文鱼子，鲜甜清香，唯一系个蟹钳解冻时间唔够，雪味重。和风照烧鸡肉丸，好香，跟一只温泉蛋攞嚟点鸡肉丸食，首先试烧大葱点蛋浆，已经好食到痴线，到将条鸡肉丸点落蛋浆，哗！照烧汁同蛋浆混合简直绝配，免治鸡肉入面有鸡软骨混合，好有口感，有惊喜。豚软骨乌冬，汤底香浓，味噌味好出，猪软骨好淋，不过下次会拣荞麦面，会更加好食。鸡蛋布甸又系极品，佢嘅味道好似东京好出名果间老伯布甸店咁，焦糖唔系好甜而且系水质唔结，淡甜而香滑，冇得顶！绝对系下次返澳门要再食嘅餐厅。
继续阅读
这间日本食店，食物非常细致，味道恍如置身在日本食，我哋本来食葡国菜，但系葡国餐厅排队的人非常多，突然见到这间三层的古建筑日本食店，就去试吓，想不到味道非常好，有如置身于日本，可以食到日本人做的细心菜式，寿司虽然要等一啲时间，但系每样菜式都精致，味道非常好，我哋之后去咗三次，拉面乌冬，寿喜烧，三文鱼寿司，各样美食都非常好食，值得推介！👍👍👍😃
继续阅读
您可能会有兴趣的...