得懿

营业中

休息中

傻婆生日快閃遊，嚟澳門嘅真正目的，就係為咗嚟我哋嘅澳門必到飯堂 My Messy Kitchen ，唔係賣廣告，而係真係可以同大家講呢間鋪仔細細，人情味絕對爆燈，好似去咗自己親戚屋企食飯咁warm咁熱情，成年無返過澳門，一見面好似老友敘舊咁開心，佢哋嘅食品質素我可以講分分鐘好食過d大牌葡國餐廳，佢哋嘅,、、呢啲必食order我都介紹過就唔多講啦！反而今次真係要極力推介佢哋嘅，佢哋嘅出品同外面葡國餐廳食到嘅好唔同，外面嘅餐廳餡料係薯仔、麵粉多、馬介休少得幾粒仔，呢度嘅會將馬介休全部人手搣碎晒先撈埋其他材料炸，入口每一啖都係馬介休嘅香味，加上少少辣椒粉，直頭好食到好似味蕾在跳舞一樣！超級驚喜咖！大家嚟澳門，除咗去官也街，行入嚟優美嘅小巷試下佢哋嘅味食啦！溫馨提醒：佢哋 7月28日至到8月18日去旅行， 呢段時間唔好去到摸門釘呀🤣🤣

畀佢嘅千層麵吸引咗，肉醬包裹住啲麵，口感好豐富有層次。好耐冇食過千層麵，呢個係一個好正嘅體驗。老闆好friendly，會推薦當日特別菜式。因為佢注意健康所以食物都冇落味精，其他調味料都係啱啱好，balance 返健康同埋味道。同老闆傾開知道佢之前長時間喺外國，返嚟之後夫妻檔開咗呢間小店。大家除咗walk in，仲可以book 返佢哋嘅私房菜。行開官也街或者地堡街，要一嘗呢間小店，沿住水鴨街行入去福隆彩巷容易搵啲，行木鐸街就要留意返路牌轉入去。

此次澳門遊，做足功課，第一站去咗氹仔舊城區嘅得懿，首先佢個焗鴨飯真係好好味，滿滿的油香加上一絲絲鴨肉，飯底還有微微的焦香，層次感豐富，跟住個葡式炆牛尾，另外配麵包，將麵包沾上牛尾汁，麵包吸盡湯汁，又係一絕，之後叫咗蒜茸檸檬雞翼，好fresh好開胃，我女超級喜歡，最後打包咗半隻焗雞返酒店食，老板娘係個健談，對食物又有要求的人，而且食物價格一啲都唔貴，下次一定再encore! 另外十分期待即將開業的私房菜！

前幾日生日，又返咗我嘅second home - 澳門，話說check in攞咗房之後，原本諗住問我家夫人想食咩，點知居然俾佢搶先問我“我哋幾時去食羊架同鴨飯呀？”，喂！好似我先係壽星仔喎。。。雖然我點都一定會去 My Messy Kitchen 食飯，但你係咪要問下我食咩先呢？🤣🤣🤣好！即刻出動去食好西！雖然今次係我半年內第三次去打搞佢哋，但係好食嘅嘢真係點食、食幾多次都唔會厭咖♥️♥️♥️一拉開玻璃門，已經聽到靚女老闆同我講生日快樂，好感動呀，冇諗過我呢個細小嘅過客，同老闆講過嘅嘢佢居然會記得，多謝你呀！一坐低，老闆已經問“你兩公婆係咪又係羊架同鴨飯先？”，睇嚟老闆都已經記得我哋嘅喜好啦(可能我哋兩個係咁食羊架已經食到佢怕啦。。。)一上枱，兩隻厚切羊架上陣，真係堅厚肉大隻，juicy兼嫩口唔韌，最緊要係佢哋嘅秘制真係醃得超級無敵好食，真係好難响外面食到咁好味嘅羊架♥️♥️♥️跟住嚟葡式鴨飯，果陣鴨油煮飯嘅香味，同外面食用牛油煮嘅好唔同，特別香，每啖飯夾住鴨絲同葡式肉腸嚟食真係好正，不過遺憾係食咗羊架再食佢，羊嘅濃味cover咗鴨飯未，口感變得淡咗少少，下次要調轉嚟食👍🏼👍🏼跟住再嚟個葡式“巨型

自從上次嚟澳門食過一次呢一間穩世餐廳之後每次黎澳門必定會來食，真心覺得食品新鮮抵食而且好味，老闆親切友善必食推介：1)葡式魷魚沙律🤤魷魚新鮮而且口感吾靭，味道又fresh，比一般嘅葡式沙律冇咁酸。2)烤秘製厚切羊架😋好大隻，好厚肉，羊架烤得剛剛好，鮮嫩又多汁，而且吾羶。3)蒜蓉檸檬雞翼😍蒜蓉和檸檬味突出，雞翼又嫩又多汁。4)葡式焗鴨飯😋正宗萄式味道，鴨肉肉汁滲哂入飯，淡淡鴨香味佈滿口腔總言言之試過你就知😋

話說果日帶住一個極壞心情去澳門。。。(親人突然離世)。。。淚崩。。。傷心。。。送完親人最後一程。。。心情點差。。。雖然完全冇胃口。。。點都要食d嘢咖。。。於是。。。又去返一間可以令我放鬆一下嘅小店，老闆同老闆娘一見到我隻眼腫晒，就問我發生咩事，佢哋真係好好人，不但冇催我嗌嘢食，仲聽我講傷心事，兼且慰問我。。。好感動。。。多謝你哋🙇喊完，心情終於一d放鬆，於是。。。又亂咁嗌嘢食啦，首先又叫咗隻羊架，老闆娘攞出嚟，嘩！好大隻，超級juicy，唔羶，好嫩滑，肉醬千層麵焗得啱啱好，芝士好香，而且肉醬唔會好鹹，炆牛尾仲好食過上次，個汁收水收得啱啱好，好好食，多謝老闆娘賣晒巨型魷魚沙律，特登整一份俾我，新鮮即整好fresh又鮮甜，味道一流。對唔住，飲咗你哋咁多支黑啤，失禮晒🙇🙇🙇(特別鳴謝老闆、老闆娘俾我特別情況特別order半份餐)咁有人情味嘅小店咁有人情味嘅老闆夫婦就係好難得♥️♥️

上一次嚟與它擦肩而過，今次終於食到喇。相比對出人山人海嘅官也街，呢間店顯得平靜，當你一睇價錢，即刻嘩咗一聲！唔好以為平嘢無好，原來個價錢係老闆專登set到咁平，希望多啲人可以試下葡國菜。當然個份量係徧細少少（唔好當飯盒食飽），但嚟得澳門，大家都應該預咗小食多餐架啦🤷🏻‍♂️所以我覺得份量啱啱好！一路食一路同老闆傾偈，佢超nice。原來佢係香港出世，跟住去外國生活，嫁咗個葡國人老公。明明唔係學廚，但因為好想同人分享葡國美食，所以就開咗呢間餐廳。其實仲有好多嘢未食，下次一定會再嚟幫襯!!(希望唔好變到排晒大隊食唔到啦🙈🙈）

夜行官也街，行行下入咗條巷仔， 畀呢間葡意式小餐廳吸引咗，於是入咗去試下：第一樣試葡式巨型魷魚沙律， 比起一般葡式嘅沙律冇咁酸， 魷魚鮮甜新鮮而且唔韌，原粒橄欖油香又爽脆，口感清新可口；第二樣試鴨飯，每粒飯都充滿著鴨油， 而且炒得好乾身唔會油粒粒， 鴨絲同葡式香腸煎得好香， 每一啖口腔都充斥著陣陣鴨油香味；第三樣試燴牛尾，老闆同老闆娘仲好好人送咗個發包俾我哋點汁食，講返牛尾先，佢哋炆到啱啱好，唔會散晒，個汁好食到痴咗線，好香好好味，點埋麵包簡直世一呀；第四樣試羊架，香草味好正，唔羶，Juicy到爆燈，啱啱好7成熟，加少少芥辣果味道真係一絕；第五樣試埋蒜蓉檸檬雞翼，酸味同蒜蓉好夾，雞肉又夠焾又入晒味，好好食；最後試埋支葡國黑啤，好creamy ，冇苦澀味，好易入口。整體嚟講，今晚呢餐小店新試充滿無限驚喜，老闆、老闆娘好用心去煮，又好客，食物又好食，下次再嚟一定要再嚟呢度食♥️♥️