影片
招牌菜
相关文章
睇网上介绍想食平野一定要去 ‘ 营地街市综合大楼3楼’ ，咁同🤴🏻上去医下肚先😁😁～～～干炒牛🐂河～～～$43我哋行咗一圈人流都唔少，最旺嘅就系呢间 ‘ 平记美食 ’ 炒粉面档，起码6-7个人排队，成个档口烟雾💨弥漫，炒镬声此起彼落就知道唔简单😆😆我哋保守啲叫咗个 ‘ 干炒牛🐂河 ’ ，镬气十足，每条河粉颜色平均条条都深啡色☺️☺️，牛🐂肉片大约有4-5块好香牛🐂味，另外炒得到几干身，食完只碟都唔会 ‘油立立 ’ 👍🏻👍🏻
继续阅读
呢间位于营地街市楼上既平记美食，闻名已久，今次澳门游特意前来一试看看究竟是龙与凤廿几度天晴既天气，上到黎有中央空调但唔算好凉（当然有好过冇啦）揾个对正空调出风位坐都ok凉既，讲番呢间食店食物既款式太约三四十款左右，价钱就见人见智啦，炒粉面及炒通菜三十几蚊至四十几，街市档系咁上下啦叫咗碟豉椒排骨炒脆面， 酱汁好够味炒出黎 香喷喷好有镬气， 排骨系有腌过既冇雪柜味而且冇肥肉，几好食至于呢个虾酱炒通菜又系非常有镬气， 唔太咸味道啱啱好而且冇变色炒得唔错，如果唔系食量有限真系想再炒多两款唔同既小菜试吓，唯有留待下一次啦。题外话……始终街市既熟食市场系平民为主既地方，如果你系斯斯文文怕粗鲁既就要慎重考虑呢度啱唔啱你,我哋喺度食嘢个多小时所见所闻，不论系档口工作既人还是食客，都有唔少系粗口横飞，如果听唔惯都几难顶架！
继续阅读
在澳门寻找平民美食，最方便就脚而且一定有足够选择的，不得不说那位于新马路市中心区内的《营地街市》。好多人都知道，《营地街市》最出名的就是瓦煲咖啡，不过，近些年因为太多人冒名前来，令到出品多而参差了，而且，整个街市熟食中心，也因为电视节目的推介而成为了游客的饮食热点，澳门本土的人情味仍有，但已经不及7、8年前的《营地街市》了。是日，下榻酒店后一家人出去寻食，由于有班小朋友的关系，而葡京酒店内的茶餐厅亦被整顿了，所以，以平民美食为目标的我们，就走到来《营地街市》，简单食大排档。选择多的，但奈何地，两位 ABC 小朋友一定要吃饭粉面，而且我同外父想吃的火锅又沽清了，所以，我们只好来一人一碟炒粉面，就光顾了这一档《平记美食》。中午1点半左右的时间，全场满座，好不容易才等到有人让出一张长台，在《营地街市》的这一面，对著排档用餐，风味比坐在另一边的大堂位更加之有风味。饭，是一个粟米肉片饭，我手快才能够拍到这一张照片，因为三个肚饿的小朋友已经匙羹筷子齐起，虽然好明显是粟米汤饭，但味道十分之香甜，牛肉片亦非常之滑，小小的一碟饭，充满了街坊食品的好味道。粉，要了一碟除新加坡之外都老少咸宜的干炒牛河，单是豉油的颜色已令人感觉到艾味。极浓极香的豉汁味道，均匀地粘上河粉的每一处，再加上镬气十足，没有过多的油份残留，再加上豉味十足，很惹味。面，我选择了猪什炒面，我亦选了脆卜卜的炸面底。出来的面，香脆可口，猪什的确是集合了所有的猪内脏，入口充满了美味的膻香，美中有不足的，就是汁不够多，令我全程都是吃脆面。简单的街市炒两炒，充满了澳门的地道人情，而《营地街市》虽已经游客化，但其内心依然是为了澳门的本地人而设，为本地澳门人同知路者的游客，方便就脚地带来澳门的本土饮食文化。
继续阅读
原先想食杨六记，不过太大雨，都系唔行，走左入街市揾食，都系食返上次食过既梓记，水准依然唔错，不过见周围都有人食煲仔饭，又试下平记呢档既煲仔饭。要个鸡饭，即叫即整，要等十分钟先有得食，用gas炉，唔系用咩炭炉整。鸡嫩滑肉香，很不错，唔知系咪唔系瓦煲关系，饭香唔系太强劲，不过个底既饭焦就做得好唔错，喜欢食饭焦既应该都满意。廿五蚊，一个碟头饭都要咁上下，唔贵。想讲，只系唔够饭香。
继续阅读
落山后，我们便到营地街市，睇下有没得食出哂名的牛什。途中经过牙婆井前地。不过上次已经去过大三巴，所以冇打算去。去到营地街市，发现出哂名的梓记牛什，呀ＳＯ介绍个间已经不再卖牛什，转净卖车仔面。我们在平记美食叫了一个牛河和炒饭，味道价钱也不错，只是＄２２一碟。镬气十足,条条河粉都有色，芽菜去根。。不过营地街市耍等好耐位，俾你等到都没有人执枱。其实食物水准一般茶餐厅都有，又唔系平过人，应该冇下次了。蔡生都话正既牛河,其实不是太特别
继续阅读
您可能会有兴趣的...