影片
以上资料只供参考，请与餐厅确认详情
之前同另一半到澳门路氹城观光，都预咗喺威尼斯人入面食嘢会比较贵，奈何𠮶个肚唔争气，最后都系选择咗呢间帝王点心。门面气派就一流，服务亦都几好，入面位置非常宽敞，坐得好舒服。我同另一半就犯咗眼阔肚窄嘅错误，我哋两个人叫咗非常多的食物，包括澳门特产猪扒包、虾饺、虾肠、烧肉、香辣牛展、椒盐土鱿以及凤爪。我本人就冇食到个猪扒包，但系我另一半就赞赏个猪扒包味道唔错。个人觉得大部份嘅点心味道同水准同香港接近，符合预期，但系奈何个烧肉真系太肥，基本上食唔入口。点心卖相可以参考我附上的相片。埋单超过$600 ，算系有少少贵。
继续阅读
有日经过威尼斯人，想揾个地方饮下菜食个包，就见到呢间，就试试佢啦。环境非常舒服，清幽。本身谂住系酒店食，应该味道一般，点知有惊喜。干炒牛河有镬气，唔干好味道。叫左几样野食都有水准，好味道，好有平时系传统酒楼的风味同味道
继续阅读
上星期五晚又同老妈子过大海🤑 今次住威尼斯酒店，佢见到间房咁大咁靓好兴奋！ 除左酒店房靓，赌场够大，酒店内好多餐厅都有水准。 今次同妈随心黎左依间中菜。我地点左三款美食，有云吞面、虾肠粉及星州炒米！ 云吞面面条几爽身，唔会偏淋；汤底都几清甜。 云吞细细粒但又几弹牙。虾肠粉又值得一赞架！ 肠粉真系好白滑！ 鲜虾🦐大大粒！阿妈就好欣赏个星州炒米。镬气够，炒得香，又够爽身不油！价钱唔算贵，而且金沙会卡仲有折扣呢食饱饱，差好电，就当然去赌场啦🤑
继续阅读
到达时不足8pm，餐厅里只有2-3台顾客，非常空。点了帝王鲜虾饺，蟹籽蒸烧卖，瑶柱野米糯米鸡，皮蛋瘦肉粥，澳门猪扒饭，一壶普洱。除了瑶柱野米糯米鸡比较特别，其它都不堪，尤其是帝王鲜虾饺和蟹籽蒸烧卖，虾的颜色竟然是白色的而没虾味。。。饺皮厚而黏，用筷子夹起，整片皮甚至可以粘在筷子上，嚼劲堪比吃麻糬。
继续阅读
只没有其他选择之下，友人才选择吃点心填肚。因为得3个人，所以要等一阵至有位，但等位其间，因本人个袋好重，所以就放一放落地下，跟住就有个男店员即刻冲埋嚟问我地几多位同埋做咩事？我地答咗佢3位，但仲未答佢后面嘅问题，佢就已经叫我地入去。我地行咗几步之后，有另外一位女店员同果位男店员讲，未有台住，叫我地等多阵。个人觉得此店又唔系好大，点解连咁少事都可以出错？最主要系果位男店员，未了解清楚就冲埋嚟好似想闹我地咁呀？简直就不知所谓。 白灼油菜︰真系好油，果然名乎其实。罗汉斋肠粉︰一啲都唔好食，入面啲斋真系一啲味道都冇。虾饺︰好普通。香港大把酒楼都做到同样水准。鲜竹卷︰都几油，而且啲馅料都唔系好特别。烧卖︰一样系好普通。未见有任何特出之处。总括嚟讲，差不多大部分点心都系由$28起，如此价钱，响香港都可以食到比此店更好嘅水准。
继续阅读