尚堂．手感の創作屋 (已結業)

今次特別搵咗呢間以抹茶/焙茶食品既小店作為早餐與下午茶之間的一餐店舖位於水坑尾一個叫百老滙中心既商場裡面（留意要搭lift按三字先到到，電梯只可去到二樓）Lift門一開原來呢層都有唔少小店食店的來到店舖前有兩場小檯可以坐到二至三人堂食既我地兩個人叫左一個杯飲品兩個甜品冰宇治焙茶茶味都夠濃郁但唔會好甘反而適合我口味抹茶蛋糕面頭有少量甘甜抹茶粉蛋糕夠軟熟而中間既抹茶cream滑且味濃愛好抹茶人仕必試抹茶芝士撻因為到達時應該係剛剛開舖無耐等大約十分鐘就剛好出爐啦抹茶餡傾向流心芝士味唔算好重抹茶味濃D

上次黎嘅時候試過抹茶飲品、焙茶撻，估唔到相隔一個月唔到，我又再黎澳門飲飲食食。週日過黎，天氣唔係太好，雖然落住雨，但非常悶熱，所以選擇沙冰。宇治焙茶沙冰 $33比起抹茶，焙茶少了一份苦澀，但茶香濃厚，完全唔甜膩，更推薦焙茶飲品！沙冰打得夠碎，入口即溶特別係天氣唔好嘅時間，見到老闆娘嘅小字句，可以提起勁，繼續一日嘅行程！上次試過嘅焙茶撻，非常有驚喜，本來真係想再食！但基於想試下其他款式，都係放棄左。紫薯芝士撻 $18個人對紫薯食品唔係好沉迷，但亦都唔抗拒，所以都試埋呢件期限定嘅紫薯撻。小店用嘅係純天然紫薯，每日新鮮製作，冇添加人造色素，可以放心食。紫薯味道唔算好強烈，味道帶甜，天然唔假，配合芝士撻都唔會好膩。同焙茶撻一樣，紫薯撻嘅流心效果都澎湃！（燈光不足，相機有色差喔）整體黎講，我都係覺得焙茶撻更出色，令人印象深刻！推薦你地試店家嘅焙茶產品！

文創村係澳門首個以文化創意為主題嘅集中地，座落水坑尾百老匯中心，佔地三層，三樓主要提供餐飲，以小食、咖啡為主。Royal Place主打用各種日本原材料製成甜品、食物、飲品，特別強調使用丸久小山園嘅抹茶粉。除左手作抹茶雪糕，仲提供一系列抹茶/焙茶手沖茶。宇治抹茶拿鐵 $33呢個自稱係全澳首創嘅漸層宇治抹茶latte，以標榜使用日本抹茶粉沖嘅飲品以言，定價合理。宇治抹茶拿鐵用上丸久小山園抹茶粉，加上明治4.3牛乳，抹茶、牛奶漸層明顯，賣相討好，飲用前需搖勻。佢地嘅抹茶飲品甜度較低，著重回甘，希望參照日本正宗手法。雖然見過有人話呢杯飲品普通，所以成日都話…我地兩個偏偏幾鐘意…如果你喜歡甜度較高，奶香重嘅latte，呢杯或許唔啱你。首先呢杯拿鐵甜度可以話係零，適合平日飲野都自動要求少甜嘅我地。唔知係咪因為使用明治牛乳，奶味相對薄弱，所以亦都能夠解釋何以完全唔甜。抹茶味突出，質地厚滑，有回甘效果，唯飲到尾會有少許苦澀除左提供抹茶/焙茶飲品、手作雪糕，呢度仲有幾款大熱口味嘅芝士撻，分別有芝士、宇治抹茶、宇治焙茶、紫薯，四種口味。由於已經試左抹茶飲品，所以撻我地就揀宇治焙茶口味。宇治焙茶芝士撻 $