影片
去到澳门🇲🇴夜晚8点几去到新马路福隆新街𠮶边想帮衬添发食个翅，点知职员出嚟同排紧队嘅人讲卖晒样样售罄冇哂翅、唔洗排，咁就去咗附近间官翅。入去见都坐满人，刚有人埋单有位可以坐低，不过店员话‘红烧小锅心’已经售罄，所以就叫咗红烧砂窝翅试一试。砂窝一上枱，见到里面啲翅滚到发泡，真系热辣辣，里面有肉丝木耳和少许翅，不过略嫌翅汤个芡太杰，味道亦唔太浓，试过一次就算了。红烧砂窝翅-小翅客 $ 90📍 官翅 (新马路)新马路福隆新街32号
继续阅读
澳门开放～黎走一转！食下野行下～必经之地「食个翅」7点几黎到～好多款都卖晒！今次叫左个「砂锅竹笙龙凤翅」一锅每人食小小～～味道岩岩好～一片片勾仔翅～热辣辣～不过竹笙就好少～～依然好味经开可试吓
继续阅读
原本想去添发食翅，点知撞正休息日，一场来到便在附近逛逛，见到这间'官翅'便入去试试，叫了一个浓汤翅(凤尾翅)$125-，一个砂锅翅(大)$100-卖相无乜特别，可是食唔到有翅，砂锅翅只食到肉丝木耳和似鱼唇的物体，献杰而无味，街边碗仔翅好食过佢，浓汤翅汤不浓，淡而无味，只食到翅骨，鱼唇同一旧极'鞋'的鸡件，以这个价钱食这样质素的所谓'翅'，真是完全不值！大失所望！以后不会再帮衬！
继续阅读
去衬澳门 例牌都会去食下翅 第一次食呢间 嗌左一个红烧翅 有d似碗仔翅 一个浓汤花胶翅 个高汤几浓郁既 每碗里面都有两三块翅既 味道正常无惊喜 另外嗌左杯龙眼肉罗汉果水 成$35一小杯超贵 另外有d偏甜
继续阅读
平时嚟澳门，一定会食翅，皆因澳门啲翅又平又抵食！今次我地无去平时最大𠮶几间食，男朋友话试吓其他店，行过呢间「官翅」，人唔多，有位坐，就入嚟一试，呢间官翅价位对比起「X家」同「X记" 就贵d...我地就叫咗个"红烧竹笙龙凤翅", 价值为:$140一上枱，卖相唔错，老板一上枱就拎住支麻油，走过来同我地讲落啲麻油落去更好食，但我话唔冼，我心念如果一碗真材实料嘅翅，根本唔需要用麻油来调味。当我不停影相食先，用匙羹捞起材料出嚟影相时，竟然系闻到𤓓味同麻油味！所以，应该有人已经系碗嘅上枱前落咗大量麻油去除一些唔想俾人发现既味道！跟住我男朋友帮手将翅分为两细碗时，惊吓地发现咗，有支只有香炉里面见到嘅拜神香残支喺度！有无搞错！我大叫咩嚟？！？！跟住有个阿姐走过来，9秒9就将我地碗野收走咗，我话咁恐怖嘅！跟住阿姐答，唔恐怖，换过碗俾你地啦！我o晒咀望住我男朋友，话咁都得？无奈，我男朋友系一d 唔想麻烦的人，唉，$140俾钱食咗碗唔知系咪用香炉灰炼成的翅，好在，我地两个无肚痛！唔系我一定去告佢地，大家小心点，也希望呢间官翅在良心，唔好再俾d 咁正嘅嘢俾客食。🤢🤢🤢🤢🤢🤢🤢🤢🤢🤢🤢🤢🤢🤢
继续阅读
您可能会有兴趣的...