2
0
0
电话号码
+853 28425950
营业时间
今日营业
13:30 - 03:00
星期一至四
17:30 - 03:00
星期五
13:30 - 03:00
星期六至日
17:30 - 03:00
付款方式
现金
其他资料
深夜营业
食记 (3)
等级1 2017-05-21
3342 浏览
物美价廉,海鲜新鲜、汤头美味。肉质滑嫩,让人一口接一口,吃不停。火锅汤底好喝,食材丰富。服务专业、环境卫生好。聚会的好场所,让人久久就想光顾一次。想念了⋯⋯评价5颗星。 继续阅读
(以上食记乃用户个人意见 , 并不代表OpenRice之观点。)
等级4 2017-05-11
3306 浏览
见到有人介绍,睇落几抵食,所以今次旅程都安排左晚餐黎呢间後宫。因为惊人多,而且晚餐後我地要坐船番香港,怕如果等位会赶唔切,所以一早预约定位置。所谓意外系意料之外啦,我地因为坐错巴士,所以迟到,大概迟左十几分钟,店员话有打过俾我地,但冇人听…咁我冇买澳门卡…所以听唔到电话。都知衰架喇…所以都好好态度拜托店员,见到佢都好落力帮我地安排,又打俾之後嘅睇下有冇人唔到。必须讲,餐厅嘅服务真系非常好最终等多十几分钟,佢成功安排到张枱俾我地,但就要坐楼上,我地5个人就有少少逼嘅,不过冇所谓啦,亲密啲。佢地有三款套餐,唔同价钱,限时两个钟任饮任食。我地拣左中间嘅贵妃餐,冇记错好似系$188加一,包大部分野任食,海鲜类就点一次。个人认为呢个餐都好够食,因为得两个钟,烧得黎都唔系食到太多。烧烤、连火锅任食,锅底拣左蒜蓉蛤蜊锅,要俾15蚊,好重口味,抵啦!肉类呢款好似限点一次,肉味浓,又唔肥,好食!海鲜呢个套餐限点一次,好正!如果钟意食海鲜嘅人可以点最贵嘅餐,任食。虎虾、鲍鱼、蚝都爽口,蛏子就一般般。鸡、猪乏地全晚不停烧,好忙。蛤蜊任点架,可以用黎打火锅,冇沙。後宫性价比真系几好呀,服务都好满意,如果可以烧多半个钟更好。两个钟密密烧,密密食,冇停过手!同埋有个烤年糕都好好味,朋友都话冇介绍错,下次可以再食 继续阅读
(以上食记乃用户个人意见 , 并不代表OpenRice之观点。)
等级4 2017-03-03
2980 浏览
上一次黎澳门玩嘅时候,喺网上搵左唔少餐厅、食店想要一试。奈何只有两日一夜,当时晚餐拣左赢到粥,於是就冇空间再食后宫!今次再过黎,决定点都试下,并且预早几日时间打电话预约。周五晚上客人真系蛮多,唔预约嘅话,相信比较难安排到位置。店内装潢贯彻中国风,用上灯笼、屏风、木椅、木枱等。或者你会稍为期待侍应们嘅制服、装扮,不过要失望喇,如果着到宫女、太监般,恐怕好难招呼客人。餐牌配合宫廷风,分三款套餐 ($148/$188/$248),一律任饮任食两小时,客人只需要选择食宫女、贵妃,抑或食皇后,当然价钱不同,食物亦有所不同。以下会为你稍作介绍,套餐名字,宫女 ($148)、贵妃 ($188)、皇后 ($248) 基本上已经反映级别。餐牌食物一样,分别系有冇格仔,三个格仔系任点,一个格仔系限点一次,按人头数出,所以你唔需要填写份量。宫女式任食 $148+10%服务费基本上比起另外两个套餐,缺少左霜降牛、牛肋骨、黑豚肉、羊扒、海鲜、烤年糕,其余食物系相同。所以如果你系对以上食物冇兴趣的话,点呢个套餐好划算,因为选择其实唔少。(三个格仔系任点,一个格仔系限点一次,按人头数出) 贵妃式任食 $188+10%服务费「贵妃」比起「宫女」相差$40,分别在於霜降牛、牛肋骨、黑豚肉、羊扒、海鲜、烤年糕,可以点一次,按人头数出。我认为点呢个餐最划算,一开头当然会觉得海鲜只可以点一次,唔够喉,但食食下会觉得足够有余,毕竟餐牌仲有好多种食物可以点。(三个格仔系任点,一个格仔系限点一次,按人头数出)皇后式任食 $248+10%服务费最贵系「皇后」,餐牌见到嘅都可以点,包括肉类、海鲜、锅物。(三个格仔系任点,一个格仔系限点一次,按人头数出)一般食放题都会高估自己嘅能耐,简称眼阔肚窄,我地一睇餐牌,就理所当然拣最贵嘅「皇后」。我地自问唔系细食人士,但只系点左两轮,已经被KO喇所以我估计大部分人点贵妃餐,已经好充分,除非你旨在食海鲜。近楼梯位置有多款调料选择。烧烤、火锅同一时间进行,所以除左拣餐,仲需要拣汤底,,有麻辣鸡锅、蕃茄锅、蒜香蛤蜊锅等,$10-$20,价钱合理。我地拣嘅系蒜蓉蛤蜊锅。烧烤炉位置附上焗炉纸,几卫生,一来客人可以避免食物容易烧焦,二来冇咁油腻,不过最重要系无需更换炉底,换焗炉纸就可以喇(店员会主动帮忙换)。肉类方面,个人非常推介霜降牛、牛肋骨、黑豚肉、鸡软骨。海鲜方面,虎虾、鲍鱼、牛油扇贝都系必食!上菜快,瞬间满桌!肉类:酱烧霜降牛、酱烧牛肋骨、葱香牛舌、酱烧黑豚肉牛肉腍身,肥脂分布平均,轻轻烧过经食得!第二轮点嘅肉类一样靓仔,唔会发生好似香港嘅放题般,得第一轮肉靓。海鲜:去壳贵妃虎虾、花开宝贵饱、爱尔兰蛏子王推介虎虾鲍鱼!两样都已经去壳、离壳,方便食用,呢点我好喜欢,唔怕整污糟手!而且非常新鲜,肉质弹牙,以烧汁调味,完全唔腥!相对的蛏子有点逊色,烧调味不足,烧完有少许乾。特选蒜香鸡软骨、酱烧左腿肉、牛油扇贝、麻辣奶油虾麻辣奶油虾够惹味,店员提议拎出黎烧会快熟过放喺盘中烧,但我地更喜欢连盘烧,因为虾肉更入味!雪花酱烧松板猪较肥腻,烧起上来油份较多。酱烧香菇、牛油金针菇、炼奶花生烤烤年糕、麻辣奶油虾烤年糕好好食啊,年糕表面烧到微脆,里面保持柔软烟韧!可惜我太饱,冇能力追加!锅物选择好多,但我地挂住烧烤,所以唔系食左好多。由於我系蚬怪,疯狂食蛤蜊,唔知食左几多斤!蛤蜊鲜甜,完全冇沙,配蒜蓉锅一流,自制卜卜蚬锅!饮品自取,樽装可乐、雪碧、柠檬茶、菊花茶、百事、凉茶等。后宫食物选择多,质素整体好有水准,定价适中,可以一次过食到烧烤、火锅,好适合我呢类花心吃货,!一大班朋友去的话,可以试到嘅款式更多!店员服务好好,几位都好细心留意客人需要,主动换焗炉纸、收拾碗碟。不过提提大家珍惜食物,量力而为喔! 继续阅读
(以上食记乃用户个人意见 , 并不代表OpenRice之观点。)