影片
夜妈妈九点几, 一支公响下环, 想揾间食店坐底食晚饭都唔易, 就只有一间外卖车仔面同两间粥店, 绝望之际, 谂住去面仔美食买外卖车仔面企响街头食, 抬头一看远处还有一间谜之小食店灯光通明, 于是踏步一探究竟!真系唔讲得少, 所谓小店真系好小, 一眼望晒得两张台共六个位, 没有冷气提供, 好在天气还可以, 于是入内问问大厨阿叔有咩食, 答覆竟然系乜都有得食!!!! 无餐牌, 只要开声嗌就得! 小食、粥、 汤面、炒粉面饭、小菜竟然一应俱全!呢d就系所谓的小食, 响澳门街头都很常见, 一间小舖有30款何等闲事, 就似香港的鱼旦档一样, 但这儿好似好卫生, 起码无食尘净雪住无咁易变坏... 这就算我乱嗌的 牛肉 + 肉丝 + 鸡蛋 + 鱿鱼 + 炒米粉 $37, 其实就咁单拼肉炒米只系$22, 双拼$26, 三拼 $30, 鱿鱼我响小食雪柜自取叫佢捞埋一齐炒, $7... 大叔不断抛镬(见之后有个女人炒系无抛的), 米粉干身条条分明爽口弹牙, 豉油上色均匀, 还自动加青葱洋葱牙菜更觉惹味! 牛肉肉丝鱿鱼就一般不作修饰了, 令我有点意外既系, 本来加蛋系想令个米粉炒得更香口, 估唔到阿叔变左家庭式炒法, 先炒熟只蛋切碎再最后回镬兜乱, 而唔系最后熄火落蛋浆丧兜... 整体而言都系唔错的! 冇失望!最失望既竟然呢碟烚野, 烚猪皮($7)未熟un既!!! 肠($3)断既! 咖喱超咸既!!! 落响汤面还可以, 猪皮索晒咸到只乜! 其实我仲有碟烚油麦菜, 估唔到不合比例的贵, 要成 $15! 加埋盒纸包饮品($4), 呢餐我一个人都食左成 $66!!! 其实净系炒碟粉, 都系廿几蚊, 真系好抵食, 系我大食叫得多野姐, 同埋畀棵菜阴到..
继续阅读