影片
以上资料只供参考，请与餐厅确认详情
## 澳门千笹日本料理### 餐厅特色在澳门，千笹日本料理被誉为真正的日料天堂，以其高品质和合理价格而备受推崇。### 餐饮体验- **正宗日料**: - 千笹专注于提供正宗的日本料理，菜品新鲜，口感独特，完美呈现日本饮食文化的精髓。- **多样化选择**: - 餐厅提供丰富的菜单，从寿司到刺身，再到热腾腾的拉面，每一道菜都经过精心准备，让每位食客都能找到心仪的美味。- **分店便利**: - 千笹在氹仔区域设有多家分店，方便食客随时享用美味的日料，无论是家庭聚餐还是商务宴请都十分适合。### 总结如果你在澳门寻找高品质的日本料理，千笹绝对是一个不容错过的选择。来这里，体验真正的日料魅力，让你的味蕾尽情享受吧！
继续阅读
食物一般 唔算好好食，都唔算好新鲜无，个人认为价钱偏贵，服务超差，坐下无茶，无招呼，要叫先有茶，跟住落单都正常，直到个荞麦面黎到，wasabi 唔够，叫要wasabi ，那两个女待应 ，厌麻烦打哂眼色话10号要 (她应该唔知道我知那枱号是10号) 黑口黑面，到埋单 ，找钱，我正常都会俾小费，但我认为佢既服务唔值我比小费，这价钱如果系咁既服务质素，真系无下次。。。。。。。。。。。。。。。。。。。。。。。。。。。。
继续阅读
澳门之行都有唔少餐厅想食，本身心中有另一选择，但上网揾揾下资料先发现，原来该餐厅已经转左做放题。咁我地放题就冇乜兴趣，唯有揾另一间。千笹日本料理听番啲澳门人讲，都算系澳门比较唔错嘅日本菜，朋友话当然比较香港仲有距离，不过都可以一试。佢地有三间分店，分别系我地去嘅筷子基店、花城店、百老汇大街店，因为听闻客人都几多，所以预先打左过黎订位，听电话嘅店员好有礼，而且听起黎好开朗，即时已经对佢地印象唔错。周日晚黎到，几乎满座，加上筷子基店本身位置唔多，想食嘅话真系最好订位，因为见walk in嘅客人都基本上要等位。小店装潢好有日本风味，灯笼、粉彩手写嘅餐单、木制枱凳，仲有几个面对师傅嘅吧枱位置。餐单食物选择非常多，沙律、刺身、寿司、卷物、串烧、炉端烧、手作料理、天妇罗、锅物、丼物、汤、拉面、乌冬、冷面，花多眼乱。定价中上，两个人都食左7百蚊左右（上网发现某网站有9折券，成功用到），都食得几饱，但就唔系话点左好多靓野，人多嘅话相信会正好多。由于我地只有两个人，食物款式拣得比较多，二人枱其实唔系好放得落，呢方面我都有少少躁底+无奈。餐厅弹性唔够高，考虑到餐枱唔够大，应该控制出菜速度，有部分热食，我地根本食唔切，都冻哂了。或者我应该逐样落单啦…刺身：三文鱼腹 $78/5片；北寄贝 $62/5枚三文鱼腩食落都好新鲜，而且厚切，肥美北寄贝就比较普通。见有唔少人都会点佢地嘅刺身拼盘 (六款$328/十款$468)~沙律：温室青瓜蟹籽沙律 $48沙律都有十款，$52-$98，点左最普通嘅款式，喜欢特别啲嘅有海胆蟹肉沙律、芝士烤鸡沙律等。青瓜沙律卖相唔错，份量唔少，青瓜食落好新鲜，沙律酱唔会太酸寿司/1件起：蟹籽寿司 $10、香葱金枪鱼腹蓉 $26、火炙左口鱼边 $28、火炙芝士帆立贝 $24寿司价钱偏贵，所以只系点左4款浅尝，真系几唔错，金枪鱼腹蓉鲜味非常，特别钟意左口鱼边，入口即溶串烧：京都黑七味串烧鸡中翼 $22/2只串烧鸡中翼味道唔重，皮烧得微脆，唔会油腻。南高梅烧丹波鸡柳串 $18来自和歌山嘅南高梅，唔试过就唔知有咩特别，可惜失望了。鸡肉串虽有酱汁，但味道唔强，而且鸡肉够干身冇味日本料理：千笹豚平烧 $48 (本店限定)见餐牌上写住只有此分店供应，都点左一客试下。大阪烧、文字烧就听得多，豚平烧系第一次食，豚平烧都系关西嘅铁板料理。食落烟烟韧韧，蛋味浓郁；放凉嘅话味道有差，记得趁热食温玉子牛舌铁皿烧 $86牛舌煮得腍身，而且入味，好似牛腩咁嘅质地，食到尾略咸。手作料理：鲷鱼汤季节野菜煮蛤 $88如果喜欢饮鱼汤，一定要点呢个蛤蜊份量不少，粒粒都大粒，完全冇沙。特别系个汤，真系好鲜甜，鱼汤一啲腥味都冇锅物：豚肉韭菜泡菜锅 $108最后先上嘅泡菜锅，其实我地都已经饱左8成~点左泡菜锅还是有啲失望，泡菜份量太少，所以味道较淡，泡菜锅系应该喺韩国餐厅食的锅物材料都几丰富，有豚肉、菇类、泡菜、韭菜、娃娃菜。虽然有韭菜，但味道唔强烈，好似我咁唔食韭菜，只要夹开，味道都唔会好呛。总括黎讲，呢餐都非常丰富、满足，埋单9折后650蚊，价钱稍贵，但味道不错，同意朋友所言，都算系澳门性价比高嘅日本料理。不过以呢个价位，服务可以再细心一啲，加上呢间分店座位较逼，如果再访，我或许会试试百老汇大街嘅新店。
继续阅读