影片
电话号码
+853 82908628
开饭介绍
获奖无数的丹桂轩是著名的高级粤菜食府；不论是粤式点心，还是巧手小菜同样格调高雅。
继续阅读
营业时间
今日营业
10:30 - 23:00
星期一至日
10:30 - 23:00
*星期一至五点心供应至15:00; 星期六至日点心供应至16:00
以上资料只供参考，请与餐厅确认详情
招牌菜
生日前夕，想食一餐好嘢，晚饭时间，选择了丹桂轩，丹桂轩是数一数二出名的中菜厅，名气同食物质素绝对有保证，今次一行四人，加一位小朋友，原本想叫小菜，殊不知居然有火锅放题，性价比极高，四位还送片皮鸭一只，相当超值，片皮鸭一来到，职员便帮我们处理片皮鸭，一片一片切好，放上载有虾片的碟上，另外骨同肉再配凉瓜炒，因为有小朋友，另外再点了一个丹桂猪手煲，拌饭一流，与此同时，火锅汤底亦都到，我点了个麻辣汤底，汤底绝对合格，火锅配料亦陆陆续续送到，火锅放题，仲包每位一次的刺身及海鲜，所有海鲜非常新鲜，虾还在动，其他配料亦相当到位，整体评分90分以上，烚吓烚吓又过了一个愉快的晚上
继续阅读
虾饺必食，新鲜大只，加左笋粒更爽口叉烧肠粉，皮够薄，特别加左香茜更好味炸云吞我最爱，皮薄香脆虾又爽铁观音，好清香茶，有蜡烛炉令茶保持热环境舒适唔迫整体样样都好好味，同样价钱，好难在香港食到咁有水准的点心
继续阅读
任食火㶽$368全包。一人一炉，酱料饮品服务费全包了。二位送剌身，都好新鲜。见到其他人食片皮鸭仲正，四位以上先有得送。打边炉最紧要肉肉同海鲜，款式都好多好新鲜。
继续阅读
男伴最次休假，我都最喜欢到丹桂轩饮茶，它的价格不比老店高但选择又多而且更会定期转换新款式，每次来都有惊喜两个人来就算吃得不多，但它的款式上也有双并，造样就可以多吃到几款而且每次来都一定要订位，不然是要等的啦
继续阅读
原来都有超过一年无人写呢间店既食评, 难得食贵野(其实有$1000现金券先去食), 一行四人但有个食好少, 份量当3.5个人吧.... 环境唔驶讲都知富丽堂煌, 先上桌的是一壸茶同一碟辣酱三拼, 我只食左中间黄色的辣酱, 劲辣但好好味!!! 少少甜酸, 好似有果味, 净食或捞饭都一流! 不过净食真系几辣...嗌左三碗羹, 我畀餐牌既相呃左, 相中系一大旧蟹钳肉响中间, 就系畀呢旧蟹肉引诱左, 点知上到台碎晒既!!!! 味道异常之普通, 各位屋企罐头加蛋花都整到, 无蟹肉味, 好失望, 早知叫友人既韮王瑶柱羹, 不过无试过味唔知了... 跟手黎个主角, 北京片皮鸭, 当然黎个专人表演先啦! 刀功真系一流, 快靓正! 都好在唔系京式切法, 一小条片加大大片肉, 我最不喜... 因为阿姐刀功劲, 每块皮都完全不连肉, 只鸭又唔肥, 竟然完全无肥膏, 一D都唔油唔骚, 入口还暖暖地少少脆, 激赞! 好味过我食过既片皮鸭, 包括北京的全聚德, 那很骚的.... 有两大笼蒸皮, 唔怕唔够皮, 都还系热同软的... 垫底的虾片就冇乜味了...因为系片皮鸭二食, 个壳拎左去用西芹炒, 估唔到厨房佬可以超极速起肉切丝炒起.... 味道一般般, 只能说鸭有鸭味吧... 西芹仲以为大大块, 点知系丝黎既! 奀支支仲有渣, 差! 另一道推介菜, 火焰醉翁虾, 我一见到时已经系咁样, 未见过玻璃兜, 无表演睇添! 虾就新鲜弹牙嫩口, 可惜唔多觉有酒味, 要讲嫩还是雅憩的桑拿虾最顶级! 不过佢有用葱煮过的豉油, 都几好味...大澳及三姐名菜竟然响呢度出现, 窝贴小棠菜, 虾胶味, 不太浓, 嫩口, 没有油益味, 粉浆也贴实虾胶, 只能说不错...越简单既菜色就越难整得好食, 尤其淡味食物, 食到质素高好好味既瑶柱蛋白炒饭真系好难, 见咁贵酒家谂住应该手势好掂啦! 整到好食机会高D, 所以点都要嗌, 可惜好失望.... 瑶柱系还好嫩口, 没有畀油泡过既迹象, 葱粒又极少, 即系成碟饭唔够香口! 蛋白一旧旧, 即系落蛋兜果野唔多快手, 一系无熄火落蛋白... 味道真系分开饭还饭, 蛋白还蛋白... 唯一好处系饭粒干身, 基本要求吧...最后的是甜品, 就系要豪一豪, 主畀付费都系得呢个, 每人一个, 都系极为失望之作... 本身个木瓜味道比较弱, 二来杏汁都算几甜, 饮完甜野食生果, 乜生果都唔甜啦! 两样野根本唔夹! 但系杏汁系好味既, 好香杏仁味, 但没有杏仁讨厌的臭臭味, 我本身因为呢种臭臭味就系唔喜食杏仁的, 但呢个OK....总括而言, 呢餐用埋星际卡有9折, 正路人均消费$378, 唔食环境只食味道的话, 呢度完全唔值... 最多只系为只鸭黎...
继续阅读
您可能会有兴趣的...