影片
电话号码
+853 8803 3140
开饭介绍
24小时营业的不夜天Café，提供超过二百款环球美食，包括日式美食丶粤式点心丶广东烧烤丶意大利面食丶地道美食及自助餐等。新款的开放式厨房设计让客人可以观赏厨师烹调过程。
继续阅读
附加资料
另有自助餐设于星期一至日:18:30-22:00
营业时间
今日营业
24小时营业
星期一至日
24小时营业
以上资料只供参考，请与餐厅确认详情
招牌菜
最近朋友分享 「葡京酒店 」内不夜天Cafe 中午半自助餐餐单比我睇，睇到几抵食，百几蚊左右，一共有三个选项，如下：A 沙律吧+汤: $115 +10%B 沙律吧/汤+主菜: $150 + 10%C 沙律吧+汤+主菜: $175 + 10%.上官网睇主菜发现每星期更新，每个餐会跟餐前自选面包、饭后甜品和饮品一杯（有两杯特饮 / 咖啡 / 柠茶 / 奶茶 等选择），当日天气又冻冻地，拣左C餐去试下。.半自助午餐 C餐 ($175/位*).点菜选择主菜 「扒羊架配露斯玛莉汁」 和 「香煎猪扒配烧汁」 ，汤品两个都系 「法式龙虾汤」，饮品系其中一杯特饮「柑橘柠檬梳打」和热拿铁。.首先服务员拎住是日烘焙盘过来上餐前面包，个日有甜面包和酸种面包提供，两个都拣左前者，和一般甜餐包味道差不多。.可以随时出去自助沙律🥗吧拎野食，所有种类见图，沙律大约有二十款左右，以蔬菜生果为主。另外有烟三文鱼、冻牛肉、火腿等六款冻盘任食。.自助吧对我最吸引系烧菠萝🍍、杂果沙律、牛油果🥑、烟三文鱼等，未食到主菜已经饱饱地🤣。.龙虾汤 浓稠重味道，食完暖番个身。.主菜#扒羊架配露斯玛莉汁 （七成熟）羊架嫩身，酱汁搭配刚好，意外的还不错👌🏻。另一款 #香煎猪扒配烧汁 ，猪扒系易切开易咬，但块扒无咩肉味，加酱汁亦帮助不大。.饮品推荐呢杯 柑橘柠檬梳打 加入话梅，令到整杯除左酸甜以外，多左一份咸酸味，配合梳打更清新开胃，而热拿铁就不过不失啦。.饭后饱到不得了时仲有一个中式糖水 红豆沙 ，甜度适中，暖暖地还可以的。_⭐️ 需加一服务费*⭐️ 主菜餐单会更换，有兴趣可以睇官网餐单
继续阅读
难得今次番去澳门，探表兄一家吃饭，表嫂选举了不夜天的自助晚餐！儿时，常来这里住，已经知道在葡京酒店里吃的东西，全是贵价食品！长大了，澳门变了，葡京以外还多了新葡京！竞争大了，所以老牌酒店都要革新一下！听表嫂说不夜天前阵子装修过，自助餐4位送1位，刚好我们5个人，所以来了！价钱大概$250一位，很便宜！未进去前，我心还在想，便宜不一定有好东西！进去后，我想法错了！先去看看头盘，虽然款式不算多，但都有长脚蟹、螺、鱼生等食品！另外熟食很多选择，除了一般在香港可以吃到的，它多了点心！！对！！就是葡京中菜厅的御厨点心！久违了，全世界最好吃的虾饺，皮薄馅靓，连气吃了两笼！说真的，在香港，就算去贵价酒楼，都比不起这里的点心！糯米鸡是第二之选！熟食里，还有这里驰名的烧味！叉烧、乳猪、烧鹅、鸡，全部都不太咸，乳猪皮脆口，一个字型容，「正」！最后，甜品类都是一般的奶冻，雪糕，味道还算不错，最令人开心的，有一架车会推去每一枱的顾客前，表演姜汁撞奶！回味！总结，旧葡京令我想起儿时常来这里玩耍，长大了一点，每次都想入去行一下，但总会害怕有些人以为你是有目的而来！今次衬著这敞晚餐，再进来行一行，结果是新鲜了！不再像从前旧旧的，还有一个藉口给我再来的，就是「不夜天」了！
继续阅读
For the food, the sashimi isn't quite fresh at all and it tastes quite 'dull' and 'pale', a bit disappointing to be honest. While the lamb and other dishes are in average standard, not a bad idea to could fill them in your stomach.Indeed, the dessert is quiet awesome, the chocolate fountain is perfect to match with the fresh fruits, and the cake is well baked.However for the service, it really not as good as those in HK. The waitresses barely know Cantonese or English, and not warm and caring service to the customers.
继续阅读
听好多同事话个价钱系抵食, 所以即日订枱, 好彩都有位不过就俾职员激死因我大肚, 想request 近buffet 枱职员话:你依家近洗手间, 一系坐去上面喷水池位好吗?我一听到上面?就问:要行楼梯ga?我未来过你呢间食, 唔知你地d 枱点分布职员答:系呀, 几级, 你未来过我都唔知点同你讲....d 枱我地又安排好晒我就话:我依家有bb 㖞, 你仲安排我行多几级楼梯? 职员问: 你带个bb 来呀?我话:我系个肚入边有bb, 未生, 我系怀孕呀!!!我只系想要一个位, 近buffet 位, 方便我拎野食, 洗手间又系咩位? 对正吗?会否闻到厕所味?职员答:味就无, 只系附近, 一系我帮你安排下la咁我唯有一肚气咁收线, 虽然用广东话沟通, 但唔知点解有d 鸡同鸭讲比原定订枱时间, 6:30...我同老公6点就去到, 唔放心的底下, 去reception 问一问个张枱安排左系边? 真系好惊头先个职员仲系误会左我的意思最后知道张枱都近buffet 位, 就放心行左一阵赌场就去recept 等安排入座边行边望到, 款式都多, 每样有少少~卖相都吸引等6:30 正式开始食野, 我地都去启动la因为大肚, 有限度食....鱼生有三文鱼, 吞拿鱼个d, 老公食过话几好味沙律几款, 但味道ok新鲜热辣的天妇罗, 炸粉唔厚又炸得脆, 有虾, 蕃薯, 茄子,茹, 全部都好好味唔系惊热气,真系有d 想encore点心有虾饺烧卖芋头糕糯米鸡....但我地叫d 特别d, 叫左凤尾虾同水晶饺水晶饺好香皮又薄, 好食呀凤尾虾就入边有冬茹同芋蓉, 几特别!!印度炒饭, 香料味好正, 好印度feel, d 饭粒粒分明忌廉薯仔片, 个忌廉汁整得好香, 同薯仔片好夹反而菜唔多....又唔算特别仲有个鱼柳块无食....有2款汤, 一个系冬瓜老鸭汤, 无饮只系"笔"左呢碗罗宋汤, 但味道唔得.....好淡唔够浓面包系之后分开食, 无跟汤一齐食......失败了d 包硬到牙都就断又唔系好味同职员讲, 佢地话d 包系跟汤食....有2款甜品分开摆, 一款系肉柱面包布甸, 好好味, 加左个肉桂味炼奶汁, 吊出个布甸的味,又够热!俾左唔太好甜品的老公食, 佢都觉得整得不错另一款系下边蛋白杏仁茶, 未食过咁多蛋白....平时出边食, "笔"极都系d d 蛋白真材实料, 又香又滑差左出名的叉烧无影相, 食左叉烧, 油鸡同烧腩仔, 如果配埋白饭食就好食, 否则咸到死系油鸡唔咸好入味甜品都无影....但我地食左水果串+朱古力喷泉(士多啤梨好酸)跟住食左木槺布甸, 要饮啖水先好试味....差好远咖仲有蓝苺芝士蛋糕, 同出边食一样好味, 唔会话太甜太漏芒果芝士蛋糕, 侧边有d nuts, 味道好夹芒果布甸, 老公食...我无食, 老公话好正, 不过太饱, 食唔落第2杯雪糕都无食, 已经饱左...所以无得写食评讲真....真系赞不停仲要赞埋个度侍应, 收碟速度快, 见你食完就想收跟手不停refill 水俾我地饮, 多数都要叫, 但呢间职员好主动好快手系呢度楼底可能矮左少少, 放的buffet 位呢唔系集中, 不过都好, 分散左d 人流以咁平价钱($238加一, 每人$262), 有咁多好野食, 9成系好味, 抵食呀!!下次会再encore!!
继续阅读
10383 浏览
妈咪居澳o既一位好友，一知道我地会去澳门一日游，就话一定要请我地食餐饭。由于同行o既亲友早已计划行程，午餐及晚餐亦已预先订座，最终只能抽出下午茶时间与澳门auntie相聚。Auntie真系心思细密，得知我地刚于新葡京酒店进食午膳，所以就特意带大家去「旧」葡京酒店个咖啡室「不夜天 Noite e Dia Café」饮茶，等大家可以比拼一下两间酒店。「不夜天」弧形o既正门好够阔绰，直入大堂即可见到自助餐o既食品，望落都好干净企理。厅内左手边为高咗一级而又半露出大堂o既散座，因为小肥当日行动不便，故我地一行九人被安排入座右手边近洗手间位置o既长枱，经理哥哥非常细心体贴 。个人觉得，咖啡室内o既光线较为昏暗，四周多面金色o既镜子衬上紫色o既光管感觉有啲夜总会feel啰 ，同新葡京酒店高雅o既格调截然不同。澳门auntie真系客气，除咗任由团友们自选食物及饮品之外，仲额外点咗几款镇店美食。特色蜜饯猪扒脆包（$55）：喺酒店食猪扒包都系第一次，果然高级过人！热烘烘o既面包皮脆包松，中间挟住o既炸猪扒不但香脆肉汁够，配上甜甜o既秘汁食一啲都唔觉油腻，哥哥仲大赞伴碟o既洋葱、蕃茄、青瓜等配菜都劲新鲜爽甜，全属靓料 ，$55都好合理。木槺蛋糕（$28）：如相所示，木槺蛋糕层次分明，入口更觉香滑软熟，简单可口。Lisboa Club葡京公司治（$110）：猪扒包同木槺蛋糕虽然好味，但都难以同依客葡京公司治相比！XO仔本身口细，所以好怕食公司三文治，但系「不夜天」个公司治成卷状，而且外层换上咗蛋糕皮，多方面下变得较易入口。葡京公司治魅力凝聚之处在于蛋糕外皮轻轻煎过，糕心软腍湿润得黎外表多咗份香脆 。此外，三文治馅除咗有蕃茄、生菜、火腿、蛋之外，小肥最开心就系见到大大粒o既牛油果，另整体香滑不少，美味非常，更可称得上为细佬食过最正o既公司治 ！配角o既烟肉沙律亦好有睇头，蔬菜全为高质鲜嫩之选，颜色翠绿鲜艳、质感爽脆多汁，实物与餐牌所示o既图片无异，真系难得！请留意，由于餐厅亦有提供别款公司三文治，安全起见，落单时最好手持餐牌，并指出图片，以免服务生混淆。今次短游澳门，有幸光临环境格调不同o既两间葡京酒店，细尝新旧酒店各有特色o既佳肴美馔，同享贴身o既服务，团友们都大感兴奋。不过，整个旅程令小弟留下最深刻印象o既菜式就系「不夜天 Noite e Dia Café」个「Lisboa Club葡京公司治」，外表独特新颖，美观又美味，果真令人一试难忘 ！
继续阅读
您可能会有兴趣的...