【开饭热店入围名单巡礼】澳门首度入围餐厅 老字号新店之争
2018-02-28

当前,相机食先。作为foodie,先影为敬再放上IG直情系反射动作!优秀开饭热店2018以「美食大晒 尽情Show Quali」主题,无论你系食家定系大厨,有好嘢自然要晒一晒!即刻睇睇各区同各类型必试热店如何大晒功架!



去澳门除咗赌两手,当然仲要食返够本!澳门独有唔少地道食店,系要过大海先食到嘅风味!老店继续多人力捧,亦有大量新势力加入,连国际品牌及创作小店都有有,即刻睇睇今次首次入围名单,支持心水实力餐厅啦!


老牌厚多士  青洲灶记咖啡

图:spotthefoodCHERRYlittle

本来位於青洲嘅五十几年历史老店,於两年前喺氹仔开设分店。虽然冇咗昔日矮櫈,但食物仍然保持水准,必吃蜜糖粒粒厚多士、趣脆咖哩辣鱼包同牛尾汤通粉,炒面炒河亦好有镬气,大碟足料,游客同本地人都力捧。Tiffany Blue嘅小屋墙身,更系打卡胜地。


着名美国连锁café  Dean & Deluca

图:riceeatYan~*

源自纽约的café及食品杂货店,於全球有六十多间分店,澳门店为中港澳地区首间分店,装修更加融入澳葡元素。招牌作有彩虹千层蛋糕,层层唔同颜色,非常之IG-able,红丝绒蛋糕亦系招牌作。澳门独有菜式包括非洲鸡炸肉丸、港式奶茶柏林果酱包等,亦有果酱、朱古力等乾货售卖。



驰名咖喱面  咖喱全

图:玉桂兔kiwi.

呢间主打咖喱嘅食店,咖喱味道独特,有啲似印度再加埋港式咖喱,香口微辣,招牌菜咖喱牛腩面,牛腩炆得松化入味。而锺意重口味要点咖喱饭,因为饭底都充满咖喱味!另外猪扒包亦系必点,即焗够香脆,点咖喱汁食一流。茶餐厅格局,但仍然不乏嚟朝圣嘅游客。


人气葡菜老店  山度士葡式餐厅

图:mandakiki95糖糖饭局

由葡国人主理嘅老牌食店,1989年开业至今,仍然保持地道葡萄牙南部风味。装修同食物实而不华,甚有家庭feel,葡式烧乳猪皮脆肉嫩,焗鸭饭、炒蚬、葡国鸡及马介休球都系受欢迎嘅菜式,连汽水都系葡国进口。店子小小,但每晚都座无虚席,想食一定要先订位。



甘香蟹黄捞面  澳门新龙记

图:爱美皇大欣子

澳门有多种特色地道粉面,呢一间主打蟹黄捞面,蟹黄系人手鲜拆,味道鲜味甘香,而且蟹油丰腴,面条爽弹冇硷水味,捞面味道啱啱好,想再浓味可以加码,更加满足。配料就一定要拣墨鱼饼,每日新鲜打成,弹牙又鲜甜。另外花雕鸡、咖喱都系在地人推介食品。


独有缅甸鱼汤粉  雅馨缅甸餐厅

图:spotthefoodMamaling268

澳门曾有唔少缅甸华侨居住,尤其是三盏灯区域,特别多缅甸食店。呢一间唔少旅游书都会推介嘅名店,以一道缅甸鱼汤粉打响名堂,浅黄色鱼汤用上手拆鱼肉、酱料、芭蕉树芯、咖喱等多种材料熬成,鱼香浓郁而且食到鱼肉碎,椰汁鸡、缅甸捞面、马拉盏捞面都系必吃之选。


年轮蛋糕专门店  不是葡挞

图:vivacchillyyat16

游客去到澳门指定动作系食葡挞,不过呢间新开食店主打嘅系年轮蛋糕!分似曲奇嘅硬身及蛋糕口感嘅软身,卖相如蛋挞,有芝士及葡式两种,葡式蛋糕馅同样系蛋浆,但其实以千层蛋糕代替酥皮,口感有别於一般葡挞。芝士就用法国芝士,食落有少少柠檬香,不觉油腻。


酒店新贵  巴黎人法式餐厅

图:YauG吃掉世界的女孩

万众瞩目嘅巴黎人酒店除咗铁塔吸睛,呢间法式小酒馆都被受吹捧。气氛轻松,供应经典家常菜式,招牌菜有生牛肉他他、香煎法国鸭肝、法式焗蜗牛等,难得价钱唔算贵。下午茶套餐更以铁塔三层架上枱,非常IG-able。


其他首次入围嘅餐厅仲有好多架,包括世记咖啡度小月安德鲁饼店乐点咖啡皇雀印度餐厅南洋粿条面食店金马轮咖啡饼店柠檬车露利安咖啡屋,睇完有冇立即想过大海食返餐嘅冲动呢?去唔到一样可以投票支持,即去优秀开饭热店大赏2018网站啦!

立即投票:https://www.openrice.com/info/awards2018/index.html


文:Perrins

关键字
优秀热店大赏
澳门
咖喱
缅甸
葡菜
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【知‧味20年专访】人气糖水店坚持20年之道 老板:最重要是真材实料(有片)
2019-11-12
【知‧味20年专访】九龙塘美式意菜餐厅 经典菜式廿年不变 份量激多最啱分享
2019-11-25
【美食节巡礼】(上)澳门美食节觅食攻略
2019-11-14
【知‧味20年专访】扎根湾仔20年 墨西哥酒吧餐厅:「客人来是要食他们想要的味道」
2019-11-18
【美食节巡礼】(下)「北海道村」叹尽日本美食
2019-11-14