饞。台式食堂 (如心廣場二期) (已結業)

見到網站評論幾好，午飯與友人來試吓。 簡直係非常開心，因為樣樣都好滿意。首先叫咗個台式牛筋腩刀削麵，滷水豆腐，蒟蒻白桃烏龍茶，微糖。另外叫咗個溫泉蛋黑胡椒牛肉，轉滷肉飯。兩個午餐都要青檸愛玉。 整體份量都幾多，食得好飽，朋友仲食唔晒佢碗麵。牛肉牛筋腩刀削麵好好食，個湯辣辣地，湯水略嫌少咗啲，刀削麵質感都好好👍🏻滷水豆腐評價好高，食落其實都覺得幾好食，但就覺得有少少唔明點解網評咁高。 溫泉蛋黑胡椒牛肉飯好好食好惹味，黑椒味好濃，都偏辣。 滷肉飯就好似冇乜特別，但都係屬於整得好嘅。 蒟蒻白🍑烏龍茶好好飲，烏龍茶味好濃。 最後講個甜品， 網絡評價青檸愛玉凍好好，我食落就覺得普通，冇咩特別。 但整體食物質素各樣都好滿意，期待下次再光臨試食其他。