純寿司 (已搬遷) 新店位置

咁啱落雨，唔想出去外面食，喺Yoho商場開心大發現你一間高水準的日本壽司店，價錢屬於中等，絕對可以接受，因為食材方面完全高質素，款式亦都好多元化。起初俾佢個roll吸引左入嚟，入到黎見到菜單原來有咁多咁新穎嘅選擇，其中火焰三文魚壽司，以為平平無奇，點知出奇地好味，竟然比起火焰三文魚白腩更加好味！另外極上海鮮卷，真係要推介，每一客上面都有一份海膽，已經值回票價，海膽好新鮮，再加上有扇貝，三文魚腩，甜蝦等等，樣樣都好新鮮，真係食得好滿足。本身以為好貴，一直都冇入過黎，原來咁有質素，以後係我不錯的選擇。