TERA (圍方)

营业中

休息中

我唔知道家陣啲餐廳賣waffle係咩諗法，我叫一份香蕉海鹽焦糖窩夫，要廿五分鐘先上，咁我以為即整嘅亦都有自己一套期望。點解waffle係好大份，上面全部都係cream, 香蕉放喺其中一堆cream上。但係waffle係唔熱，甚至我感覺唔到一絲暖嘅感覺，於是我搵職員問吓：呢個其實係熱定凍㗎？我話我以為係即叫即整會係熱嘅。佢答我：係即叫即整，不過好似雞蛋仔咁都要攤凍佢，如果唔係啲cream放到上去就會融。我話：我以為舖頭即整嘅就算唔熱都會有啲溫度，職員有講唔好意思，不過我真係食唔到落去。我覺得，入舖食$154蚊一份waffle如果係熱嘅先合乎我期望，如果有cream可以考慮放一邊而唔係放上waffle度，等食客自己按需要舖上（家陣我覺得多cream到有啲浪費）。